ചൈ​ന കോ​വി​ഡ് ക​യ​റാ​ത്ത ന​ഗ​രം ഉ​ണ്ടാ​ക്കു​ന്നു!
ലോ​ക​ത്തെ വി​റ​പ്പി​ച്ചു​കൊ​ണ്ടി​രി​ക്കു​ന്ന കോ​വി​ഡി​നെ ചെ​റു​ക്കാ​ൻ ലോ​ക​രാ​ജ്യ​ങ്ങ​ൾ പ​ഠി​ച്ച പ​ണി പ​തി​നെ​ട്ടും പ​യ​റ്റു​ന്പോ​ൾ വേ​റി​ട്ട നീ​ക്ക​വു​മാ​യി വീ​ണ്ടും ചൈ​ന. ഒ​രു കോ​വി​ഡ് പ്ര​തി​രോ​ധ ന​ഗ​രം​ത​ന്നെ രൂ​പ​പ്പെ​ടു​ത്താ​നു​ള്ള നീ​ക്ക​ത്തി​ലാ​ണ് ഇ​വ​ർ.

കോ​വി​ഡി​നെ ചൈ​നാ​വൈ​റ​സ് എ​ന്നു വി​ളി​ച്ചു ലോ​ക​രാ​ജ്യ​ങ്ങ​ൾ കു​റ്റ​പ്പെ​ടു​ത്തു​ന്ന​തി​നി​ട​യി​ലാ​ണ് പു​തി​യൊ​രു നീ​ക്ക​വു​മാ​യി ചൈ​ന മു​ന്നോ​ട്ടു​പോ​കു​ന്ന​ത്. കോ​വി​ഡ് ഭീ​ഷ​ണി ഉ​ട​നെ​ങ്ങും അ​വ​സാ​നി​ക്കി​ല്ലെ​ന്ന സൂ​ച​ന​യാ​ണോ ഇ​തു ന​ൽ​കു​ന്ന​തെ​ന്നു ക​രു​തു​ന്ന​വ​രു​മു​ണ്ട്.

വൈ​റ​സ് പൊ​ട്ടി​പ്പു​റ​പ്പെ​ട്ടെ​ന്നു ക​രു​തു​ന്ന ചൈ​ന​യു​ടെ നീ​ക്കം ആ​കാം​ക്ഷ​യോ​ടെ​യാ​ണ് ലോ​ക രാ​ജ്യ​ങ്ങ​ൾ വീ​ക്ഷി​ക്കു​ന്ന​ത്. ഭാ​വി​യി​ലും കോ​വി​ഡ് 19 പോ​ലു​ള്ള മ​ഹാ​മാ​രി​ക​ളെ ചെ​റു​ക്കാ​ൻ ക​ഴി​യു​ന്ന പ്ര​ത്യേ​ക സി​റ്റി ത​ന്നെ നി​ർ​മി​ക്കു​ക​യാ​ണ് അ​വ​ർ.

ബെയ്​ജിം​ഗി​ന് സ​മീ​പ​മാ​ണ് ഈ ​അ​ത്യാ​ധു​നി​ക ന​ഗ​രം ഒ​രു​ങ്ങു​ന്ന​ത്. ഭാ​വി​യി​ൽ ഉ​ണ്ടാ​യേ​ക്കാ​വു​ന്ന മാ​ര​ക​മാ​യ പ​ല ആ​ക്ര​മ​ണ​ങ്ങ​ളെ​യും പ്ര​തി​രോ​ധി​ക്കാ​ൻ ത​ക്ക​വി​ധ​ത്തി​ലാ​യി​രി​ക്കും ന​ഗ​ര​ത്തി​ന്‍റെ നി​ർ​മാ​ണം.

അ​ട​ച്ചു​പൂ​ട്ട​ൽ ഇ​ല്ല

കോ​വി​ഡ് പോ​ലു​ള്ള വൈ​റ​സ് വ്യാ​പ​നം ഇ​നി​യും ഉ​ണ്ടാ​യാ​ൽ വീ​ട് അ​ട​ച്ചു​പൂ​ട്ടി ഇ​രി​ക്കേ​ണ്ട അ​വ​സ്ഥ ഈ ​പ്ര​ത്യേ​ക ന​ഗ​ര​ത്തി​ൽ ഉ​ണ്ടാ​വി​ല്ല. കാ​ര​ണം ലോ​ക്ക്ഡൗ​ൺ സ​മ​യ​ത്തെ നി​യ​ന്ത്ര​ണ​ങ്ങ​ൾ​ക്ക​നു​സ​രി​ച്ചു താ​മ​സി​ക്കാ​വു​ന്ന ശൈ​ലി​യി​യി​ലു​ള്ള പ്ര​ത്യേ​ക അ​പ്പാ​ർ​ട്ട്മെ​ന്‍റു​ക​ളാ​ണ് പു​തി​യ കോ​വി​ഡ് പ്രൂ​ഫ് സി​റ്റി​യി​ൽ ചൈ​ന നി​ർ​മി​ക്കാ​ൻ ഉ​ദ്ദേ​ശി​ക്കു​ന്ന​ത്. സി​യോ​ങ്‌​ഗാ​നി​ൽ പ്ര​വ​ർ​ത്തി​ക്കു​ന്ന ആ​ർ​ക്കി​ടെ​ക്റ്റു​ക​ൾ ഇ​തി​നാ​യു​ള്ള രൂ​പ​ക​ല്പ​ന ത​യാ​റാ​ക്കി​ക്ക​ഴി​ഞ്ഞു.



ഡ്രോ​ണു​ക​ൾ വ​ഴി

സി​റ്റി​യി​ൽ നി​ർ​മി​ക്കു​ന്ന ഓ​രോ ഫ്ലാ​റ്റി​ലും വി​ശാ​ല​മാ​യ വ​ലി​യ ബാ​ൽ​ക്ക​ണി​യും അ​തോ​ടൊ​പ്പം സാ​മൂ​ഹി​ക അ​ക​ലം പാ​ലി​ച്ചു​കൊ​ണ്ടു​ള്ള പ്ര​ത്യേ​ക സ്ഥ​ല​ങ്ങ​ളു​മു​ണ്ടാ​കും. പ​ച്ച​ക്ക​റി​ത്തോ​ട്ട​ങ്ങ​ൾ, ഹ​രി​ത​ഗൃ​ഹ​ങ്ങ​ൾ, സൗ​രോ​ർ​ജം എ​ന്നി​വ​യ​ട​ങ്ങി​യ താ​മ​സ സ്ഥ​ല​ങ്ങ​ൾ ആ​ണെ​ന്ന​തു​കൊ​ണ്ടു​ത​ന്നെ കൂ​ടു​ത​ൽ കാ​ലം സ്വ​യം​പ​ര്യാ​പ്ത​രാ​യി ക​ഴി​യാ​ൻ ഇ​തു സ​ഹാ​യി​ക്കും.

ക്വാ​റ​ന്‍റൈ​ൻ സ​മ​യ​ത്തു സാ​ധ​ന​ങ്ങ​ൾ എ​ത്തി​ക്കാ​നാ​യി ഡ്രോ​ണു​ക​ൾ ഉ​പ​യോ​ഗി​ക്കാ​ൻ ക​ഴി​യു​ന്ന ത​ര​ത്തി​ലു​ള്ള ടെ​റ​സു​ക​ളും ബാ​ൽ​ക്ക​ണി​ക​ളും ഉ​ണ്ടാ​കും. വ​ലി​യ ജ​നാ​ല​ക​ളും വി​ശാ​ല​മാ​യ ഇ​രി​പ്പി​ട​ങ്ങ​ളു​മെ​ല്ലാം ഇ​തി​ന്‍റെ ഭാ​ഗ​മാ​ണ്. അ​താ​യ​ത് അ​വ​ശ്യ​സാ​ധ​ന​ങ്ങ​ളും മ​രു​ന്നു​ക​ളു​മൊ​ക്കെ ഡ്രോ​ണി​ൽ വീ​ട്ടു​വാ​തി​ൽ​ക്ക​ൽ എ​ത്തും.

ചി​ല പ്ര​ദേ​ശ​ങ്ങ​ളി​ൽ കാ​റു​ക​ൾ അ​നു​വ​ദി​ക്കു​മെ​ങ്കി​ലും പ​ല തെ​രു​വു​ക​ളും കാ​ൽ​ന​ട​യാ​ത്ര​ക്കാ​ർ​ക്കും സൈ​ക്കി​ൾ യാ​ത്ര​ക്കാ​ർ​ക്കും മാ​ത്ര​മാ​യി​രി​ക്കും. വ്യ​ക്തി​ഗ​ത വാ​ഹ​ന​ങ്ങ​ളെ ആ​ശ്ര​യി​ക്കു​ന്ന​തു കു​റ​യ്ക്കാ​ൻ ആ​ളു​ക​ളെ സ​ഹാ​യി​ക്കു​ന്ന​തി​നു പൊ​തു​ഗ​താ​ഗ​ത​വും ഇ​ല​ക്‌​ട്രി​ക് ടാ​ക്സി​ക​ളും ഉ​ണ്ടാ​യി​രി​ക്കും.

പ്ര​ത്യേ​ക പ്രാ​ദേ​ശി​ക ആ​പ്ലി​ക്കേ​ഷ​നു​ക​ളി​ലൂ​ടെ ലോ​ക്ക്ഡൗ​ണു​ക​ളെ​ക്കു​റി​ച്ചും മ​റ്റ് ആ​രോ​ഗ്യ വി​വ​ര​ങ്ങ​ളെ​ക്കു​റി​ച്ചും താ​മ​സസ്ഥ​ല​ത്തു​ള്ള​വ​ക്കു മു​ന്ന​റി​യി​പ്പു​ക​ൾ അ​യ​യ്‌​ക്കും. ചു​രു​ക്ക​ത്തി​ൽ കോ​വി​ഡ്19​ന് അ​നു​സ​രി​ച്ചു ജീ​വി​ക്കാ​നു​ള്ള സാ​ഹ​ച​ര്യ​മാ​ണ് ഈ ​ന​ഗ​ര​ത്തി​ൽ ഉ​ണ്ടാ​വു​ക. റ​സ്റ്റ​റ​ന്‍റു​ക​ൾ, ക​ട​ക​ൾ എ​ന്നി​വി​ട​ങ്ങ​ളി​ലെ​ല്ലാം സാ​മൂ​ഹി​ക അ​ക​ലം പാ​ലി​ക്കാ​നാ​വ​ശ്യ​മാ​യ രീ​തി​യി​ലാ​ണ് നി​ർ​മാ​ണം.

പു​തി​യ ജീ​വി​തരീ​തി

കോ​വി​ഡി​ന് ശേ​ഷ​മു​ള്ള കാ​ല​ഘ​ട്ട​ത്തി​ലെ ഒ​രു പു​തി​യ ജീ​വി​ത​രീ​തി എ​ന്നു പ്ര​സി​ഡ​ന്‍റ് ഷി ​ജി​ൻ‌​പിം​ഗ് വി​ശേ​ഷി​പ്പി​ച്ച പ​ദ്ധ​തി രൂ​പ​ക​ല്പ​ന ചെ​യ്യാ​നാ​യി ബാ​ഴ്‌​സ​ലോ​ണ ആ​സ്ഥാ​ന​മാ​യു​ള്ള ഗ്വ​ല്ലാ​ർ​ട്ട് ആ​ർ​ക്കി​ടെ​ക്റ്റ്സി​നെ​യാ​ണ് തെ​ര​ഞ്ഞെ​ടു​ത്തി​രി​ക്കു​ന്ന​ത്. ഗ്വ​ല്ലാ​ർ​ട്ട് ആ​ർ​ക്കി​ടെ​ക്റ്റി​ലെ ജീ​വ​ന​ക്കാ​ർ സ്പെ​യി​നി​ൽ ലോ​ക്ക് ഡൗ​ണി​ലി​രി​ക്കു​ന്പോ​ഴാ​ണ് ഇ​തി​ന്‍റെ രൂ​പ​ക​ല്പ​ന ന​ട​ന്ന​തെ​ന്നു റോ​യി​ട്ടേ​ഴ്സ് റി​പ്പോ​ർ​ട്ട് ചെ​യ്യു​ന്നു.

കോ​വി​ഡ് സൃ​ഷ്ടി​ച്ച പു​തി​യ ജീ​വി​ത രീ​തി എ​ല്ലാ മേ​ഖ​ല​യി​ലും പ്ര​ക​ട​മാ​വു​ക​യാ​ണ് അ​തു​കാ​ണ്ടു​ത​ന്നെ ന​ഗ​ര​ങ്ങ​ളും കെ​ട്ടി​ട​ങ്ങ​ളും രൂ​പ​ക​ല്പ​ന ചെ​യ്യു​ന്പോ​ൾ ഇ​ക്കാ​ര്യ​ങ്ങ​ൾ കൂ​ടി പ​രി​ഗ​ണി​ക്കേ​ണ്ട​ത് ആ​വ​ശ്യ​മാ​യി വ​ന്നി​രി​ക്കു​ക​യാ​ണെ​ന്നു ഗ്വ​ല്ലാ​ർ​ട്ട് ആ​ർ​ക്കി​ടെ​ക്റ്റ്സ് സ്ഥാ​പ​ക​ൻ വി​സെ​ന്‍റ് ഗ്വ​ല്ലാ​ർ​ട്ട് പ​റ​ഞ്ഞു.

മാ​റു​ന്ന ലോ​കം

ലോ​ക​മെ​മ്പാ​ടു​മു​ള്ള ന​ഗ​ര​ങ്ങ​ളി​ൽ പു​തി​യ ജീ​വി​ത രീ​തി​ക​ൾ രൂ​പ​പ്പെ​ട്ടു. ഇ​തോ​ടെ ആ​രോ​ഗ്യം, ഭ​ക്ഷ്യ സു​ര​ക്ഷ തു​ട​ങ്ങി​യ കാ​ര്യ​ങ്ങ​ളി​ൽ രീ​തി​ക​ളും സാ​ങ്കേ​തി​ക​വി​ദ്യ​ക​ളും മെ​ച്ച​പ്പെ​ടു​ത്താ​നും തു​ട​ങ്ങി.

ചൈ​ന​യി​ൽ ടെ​ക് ഭീ​മ​നാ​യ ടെ​ൻ​സെ​ന്‍റും ആ​ളു​ക​ൾ​ക്കും പ്ര​കൃ​തി​ക്കും ഒ​രു​പോ​ലെ പ്രാ​മു​ഖ്യം ന​ൽ​കു​ന്ന "സ്മാ​ർ​ട്ട് സി​റ്റി'' പ​ദ്ധ​തി പ്ര​ഖ്യാ​പി​ച്ചി​ട്ടു​ണ്ട്. കൊ​റോ​ണ വൈ​റ​സി​ന് ശേ​ഷം ഇ​തു പ്ര​ത്യേ​കി​ച്ചും പ്ര​സ​ക്ത​മാ​ണ്. ബീ​ജിം​ഗി​ൽ​നി​ന്ന് 80 മൈ​ൽ തെ​ക്കു​പ​ടി​ഞ്ഞാ​റാ​യി ഒ​രു ന​ഗ​ര ന​വീ​ക​ര​ണ മേ​ഖ​ല​യാ​യി സി​യോ​ങ്‌​ഗാ​നെ രൂ​പ​പ്പെ​ടു​ത്താ​നു​ള്ള പ​ദ്ധ​തി​ക​ൾ പ്ര​സി​ഡ​ന്‍റ് ഷി ​ജി​ൻ പിം​ഗ് 2017ൽ ​അ​വ​ത​രി​പ്പി​ച്ചി​രു​ന്നു.



വ​രു​ന്ന​ത് വ​ലി​യ മാ​റ്റം

വീ​ടു​ക​ളി​ൽ ടെ​ലി-​വ​ർ​ക്ക്, ടെ​ലി-​വി​ദ്യാ​ഭ്യാ​സം എ​ന്നി​വ അ​നു​വ​ദി​ക്കു​ക​യാ​ണെ​ങ്കി​ൽ ഭാ​വി​യി​ലെ പ്ര​തി​സ​ന്ധി​ക​ൾ നേ​രി​ടാ​ൻ കൂ​ടു​ത​ൽ ത​യാ​റെ​ടു​പ്പു​ക​ൾ ന​ട​ത്താ​ൻ ക​ഴി​യു​മെ​ന്നു ബാ​ഴ്‌​സ​ലോ​ണ ന​ഗ​ര​ത്തി​ന്‍റെ മു​ഖ്യ ആ​ർ​ക്കി​ടെ​ക്റ്റാ​യി​രു​ന്ന ഗ്വ​ല്ലാ​ർ​ട്ട് പ​റ​ഞ്ഞു.

മു​ൻ​കാ​ല​ത്ത് പ​ക​ർ​ച്ച​വ്യാ​ധി​ക​ൾ ഉ​ണ്ടാ​യ​ത് ന​ഗ​ര ആ​സൂ​ത്ര​ണ​ത്തി​ലും ന​ഗ​ര അ​ടി​സ്ഥാ​ന സൗ​ക​ര്യ​വി​ക​സ​ന​ത്തി​ലും വ​ലി​യ മാ​റ്റ​ങ്ങ​ളാ​ണ് ഉ​ണ്ടാ​ക്കി​യ​ത്. മ​ലി​ന​ജ​ല സം​വി​ധാ​ന​ങ്ങ​ൾ, പൊ​തു​ഗ​താ​ഗ​തം, ഭ​വ​ന നി​യ​ന്ത്ര​ണ​ങ്ങ​ൾ എ​ന്നി​വ​യി​ൽ ഭാ​വി​യി​ലെ പ്ര​ശ്ന​ങ്ങ​ൾ നേ​ര​ത്തെ ത​ന്നെ ക​ണ്ട​റി​ഞ്ഞ് അ​തി​നു​ള്ള ത​യാ​റെ​ടു​പ്പു​ക​ൾ ന​ട​ത്താ​ൻ സ​ഹാ​യ​ക​മാ​യി.

ഇ​ത്ത​വ​ണ ഇ​തു പ​ക​ർ​ച്ച​വ്യാ​ധി ഭ​യ​ന്നു പ്ര​ത്യേ​ക പ്ര​ദേ​ശ​ങ്ങ​ൾ ത​ന്നെ രൂ​പ​പ്പെ​ടു​ത്തു​ന്ന​തി​ന് കാ​ര​ണ​മാ​യേ​ക്കാം - ഓ​സ്‌​ട്രേ​ലി​യ​യി​ലെ ഗ്രി​ഫി​ത്ത് യൂ​ണി​വേ​ഴ്‌​സി​റ്റി​യി​ലെ ന​ഗ​ര, പ​രി​സ്ഥി​തി ആ​സൂ​ത്ര​ണ​ത്തി​ലെ മു​തി​ർ​ന്ന ല​ക്ച​റ​ർ ടോ​ണി മാ​ത്യൂ​സ് പ​റ​ഞ്ഞു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.




Copyright @ 2020 , Rashtra Deepika Ltd.