ലോ​ക​ത്തി​ലെ ഏ​റ്റ​വും മി​ക​ച്ച ജീ​വ​ശാ​സ്ത്ര​ജ്ഞ​രു​ടെ പ​ട്ടി​ക​യി​ല്‍ ഇന്ത്യൻ വൈ​ദി​ക​നും; അ​ഭി​മാ​ന​മാ​യി ഫാ. ​ഇ​ഗ്നാ​സി​മു​ത്തു
ലോ​ക​ത്തി​ലെ ഏ​റ്റ​വും മി​ക​ച്ച ജീ​വ​ശാ​സ്ത്ര​ജ്ഞ​രു​ടെ പ​ട്ടി​ക​യി​ൽ ഇ​ന്ത്യ​യി​ൽ നി​ന്നു​ള്ള ക​ത്തോ​ലി​ക്കാ വൈ​ദി​ക​നും. ത​മി​ഴ്നാ​ട്ടി​ലെ പാ​ള​യം​കോ​ട്ട സ്വ​ദേ​ശി​യാ​യ ശൗ​രി മു​ത്തു ഇ​ഗ്നാ​സി​മു​ത്തു​വാ​ണ് അ​ഭി​മാ​ന​നേ​ട്ടം സ്വ​ന്ത​മാ​ക്കി​യ​ത്.

കോ​യ​മ്പ​ത്തൂ​രി​ലെ ഭാ​ര​തി​യാ​ര്‍ സ​ര്‍​വ​ക​ലാ​ശാ​ല, ചെ​ന്നൈ​യി​ലെ മ​ദ്രാ​സ് സ​ര്‍​വ​ക​ലാ​ശാ​ല എ​ന്നി​വി​ട​ങ്ങ​ളി​ലെ മു​ന്‍ വൈ​സ് ചാ​ന്‍​സ​ല​റും സെ​ന്‍റ് സേ​വ്യേ​ഴ്സ് കോ​ള​ജ് ഡ​യ​റ​ക്ട​റു​മാ​ണ് ഫാ. ​ഇ​ഗ്നാ​സി​മു​ത്തു.

ജീ​വ​ശാ​സ്ത്ര​ഗ​വേ​ഷ​ണ മേ​ഖ​ല​യി​ല്‍ ലോ​ക​മെ​മ്പാ​ടു​മാ​യി ഒ​രു ല​ക്ഷ​ത്തോ​ളം ശാ​സ്ത്ര​ജ്ഞ​ര്‍ ത​യാ​റാ​ക്കി​യ പ്ര​ബ​ന്ധ​ങ്ങ​ളാ​ണ് യു​എ​സി​ലെ ശാ​സ്ത്ര​ജ്ഞ​ര്‍ പ​രി​ശോ​ധ​നാ​വി​ധേ​യ​മാ​ക്കി​യ​ത്. ഇ​തി​ൽ ജെ​സ്യൂ​ട്ട് വൈ​ദി​ക​നാ​യ ഫാ. ​ഇ​ഗ്നാ​സി​മു​ത്തു 1985 മു​ത​ല്‍ 2019 വ​രെ ന​ല്‍​കി​യ സം​ഭാ​വ​ന​ക​ളാ​ണു മി​ക​ച്ചു​നി​ന്ന​ത്.

ഇ​തി​ന​കം എ​ണ്ണൂ​റി​ലേ​റെ പ്ര​ബ​ന്ധ​ങ്ങ​ളും 80 പു​സ്ത​ക​ങ്ങ​ളും ഫാ. ​ഇ​ഗ്നാ​സി​മു​ത്തു​വി​ന്‍റേ​താ​യി പ്ര​സി​ദ്ധീ​ക​രി​ച്ചി​ട്ടു​ണ്ട്. ക​ഴി​ഞ്ഞ 20 വ​ര്‍​ഷ​മാ​യി പ​ട്ടി​ക​യി​ല്‍ ആ​യി​ര​ത്തി​നു താ​ഴെ​യാ​യി​രു​ന്നു ഫാ. ​ഇ​ഗ്നാ​സി​മു​ത്തു​വി​ന്‍റെ സ്ഥാ​നം.

ഇ​തു​വ​രെ 12 ഇ​ന്ത്യ​ന്‍ പേ​റ്റ​ന്‍റു​ക​ളും ര​ണ്ട് യു​എ​സ് പേ​റ്റ​ന്‍റു​ക​ളും എ​ഴു​പ​ത്തൊ​ന്നു​കാ​ര​നാ​യ ഈ ​വൈ​ദി​ക​ന്‍റെ പേ​രി​ലു​ണ്ട്. അ​ദ്ദേ​ഹ​ത്തോ​ടു​ള്ള ബ​ഹു​മാ​നാ​ർ​ഥം ഒ​രു പ്രാ​ണി​ക്ക് ജാ​ക്ലി​പ്സ് ഇ​ഗ്നാ​സി​മു​ത്തു എ​ന്ന് പേ​രു​ന​ല്കു​ക​യും ചെ​യ്തി​ട്ടു​ണ്ട്.

ഒ​രു സ്വ​ഭാ​വി​ക മോ​ളി​ക്യൂ​ളി​നു ഇ​ഗ്നാ​സി​മൈ​സി​ന്‍ എ​ന്ന് പേ​രു ശാ​സ്ത്ര​ലോ​കം ന​ല്‍​കി​യ​തും ഗ​വേ​ഷ​ണ​മേ​ഖ​ല​യി​ലെ അ​ദ്ദേ​ഹ​ത്തി​ന്‍റെ മി​ക​വി​നു​ള്ള അം​ഗീ​കാ​ര​മാ​ണ്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.