ഡ്രൈവിംഗ് സീറ്റിൽ മാവേലി; അമ്പരന്ന് യാത്രക്കാർ
തിരുവോണനാളിൽ ബസിൽ കയറിയ യാത്രക്കാർ ആദ്യമൊന്ന് അമ്പരന്നു. ഡ്രൈവർ സീറ്റിൽ സാക്ഷാൽ‌ മാവേലിത്തമ്പുരാൻ. കിരീടവും കുടവയറുമൊക്കെയായി ചിരിച്ചു വളയം പിടിക്കുന്ന മാവേലി വഴിയരികിലുള്ളവരെ കൈവീശി ആശംസകൾ നേരുന്നു. സൂക്ഷിച്ചു നോക്കിയപ്പോളാണ് സംഗതി പിടികിട്ടിയത്. ഡ്രൈവർ അഖിൽ തന്നെയാണ് കക്ഷി.

എരുമേലി- മുണ്ടക്കയം റൂട്ടിൽ സർവീസ് നടത്തുന്ന ഫായിസ് മോൻ (പറക്കവെട്ടി) ബസിലാണ് ഈ അപൂർവ കാഴ്ച അരങ്ങേറിയത്. തിരുവോണനാളിൽ യാത്രക്കാർക്ക് ഓണാശംസകൾ അറിയിക്കാൻ ബസ് ജീവനക്കാർ ഡ്രൈവറെ മാവേലിയാക്കിയാണ് സർവീസ് നടത്തിയത്. ഇതിന്‍റെ വീഡിയോ സോഷ്യൽ മീഡിയയിൽ വൈറലായിക്കഴിഞ്ഞു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.