സത്യം പറഞ്ഞാല് വിശ്വസിക്കുമോ എന്ന ബിജുമേനോന് ചിത്രത്തില് മദ്യവുമായി പോകുന്ന വാഹനം മറിയുന്ന ഒരു രംഗമുണ്ട്. തുടര്ന്ന് നാട്ടുകാരില് പലരും അതെടുക്കാന് എത്തുന്നതും സിനിമയിലെ മുഖ്യ കഥാപാത്രങ്ങളൊക്കെ ഇതുമായി ബന്ധപ്പെട്ട് കുരുക്കിലാകുന്നതും ആ ചിത്രം രസകരമായി പറയുന്നുണ്ട്.
എന്നാല് ഇതൊക്കെ ചലച്ചിത്രങ്ങളില് മാത്രമല്ല സംഭവിക്കുക എന്ന കാര്യമാണ് നെറ്റിസണ് പറയുന്നത്. അതിനാധാരം കഴിഞ്ഞിടെ സമൂഹ മാധ്യമങ്ങളിലെത്തിയ ഒരു വീഡിയോ ആണ്.
ഈ വീഡിയോ ആന്ധ്രപ്രദേശില് നിന്നുള്ളതാണ്. ദൃശ്യങ്ങളില് ബിയര് കുപ്പികളുമായി പോയ ട്രക്ക് മറിഞ്ഞുകിടക്കുന്നതായി കാണാം. 200ല് അധികം പെട്ടി ബിയര് കുപ്പികളുമായി സഞ്ചരിച്ച വാഹനമാണ് തലകീഴായി മറിഞ്ഞത്.
അപകടത്തില് ആര്ക്കും പരിക്കില്ലെങ്കിലും അമ്പരപ്പിക്കുന്ന കാഴ്ചയാണ് പിന്നീട് റോഡില് കണ്ടത്. ഓടിക്കൂടിയ ആളുകള് നിലത്ത് പൊട്ടാതെ കിട്ടിയ ബിയര് എടുക്കാനായി പാഞ്ഞെത്തി. കഴിയുന്നത്ര കുപ്പികള് കൂടെ കൊണ്ടുപോകാന് പ്രദേശവാസികള് ശ്രമിക്കുകയാണ്.
ഇതിനിടയില് തമ്മില് വഴക്കിടുകയും ചെയ്യുന്നുണ്ട്. അനകപ്പള്ളി ജില്ലയില് ചൊവ്വാഴ്ചയാണ് സംഭവമുണ്ടായത്. എന്തായാലും ഇതിന്റെ വീഡിയോ സമൂഹ മാധ്യമങ്ങളില് ഹിറ്റായി മാറി. നിരവധി രസകരമായ കമന്റുകള് ഈ ദൃശ്യങ്ങള്ക്ക് ലഭിക്കുകയുണ്ടായി. "ഒരു അപകടത്തിന് ശേഷമുള്ള അതിവേഗ റോഡ് ക്ലിയറന്സ്' എന്നാണൊരാള് കുറിച്ചത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.