‘എ​ന്‍റെ മാ​ലി​ന്യം എ​ന്‍റെ ഉ​ത്ത​ര​വാ​ദി​ത്വം’- മാ​ലി​ന്യം ത​ള്ളു​ന്ന​വ​രോ​ട് ഒരു അഞ്ചാംക്ലാസുകാരന്‍റെ അപേക്ഷ...
Tuesday, August 27, 2019 1:59 PM IST
‌വഴിയോരങ്ങളിൽ മാലിന്യം തള്ളുന്ന പ്രവണത സമൂഹത്തിൽ ദിനംപ്രതി വർദ്ധിച്ചു വരികയാണ്. വഴി യാത്രക്കാരെ ദുരിതത്തിലേക്ക് തള്ളിവിടുന്നത് മാത്രമല്ല വളർന്ന് വരുന്ന പുതു തലമുറയ്ക്ക് തെറ്റായ സന്ദേശം കൂടിയാണ് ഈ പ്രവർത്തി സമ്മാനിക്കുന്നത്.

ഇപ്പോഴിത ഇത്തരം മോശം കാര്യങ്ങൾ ചെയ്യുന്നവരോടുള്ള ഒരു അഞ്ചാം ക്ലാസുകാരന്‍റെ അപേക്ഷയാണ് ഏറെ കൈയടി നേടുന്നത്. പത്തനംതിട്ട, വള്ളിക്കോട് പിഡിയുപിഎസ് സ്കൂൾ വിദ്യാർഥിയായ റെയ്മോൻ റെ എന്ന കുട്ടിയാണ് ഈ കുറിപ്പിന്‍റെ ഉടമ.

കുറിപ്പിന്‍റെ പൂർണരൂപം

പ​ത്ത​നം​തി​ട്ട വ​ള്ളി​ക്കോ​ട് റോ​ഡി​ലും പ​ത്ത​നം​തി​ട്ട ച​ന്ദ​ന​പ്പ​ള്ളി വ​ഴി അ​ടൂ​ർ റോ​ഡി​ന്‍റെ​യും ഇ​രു​വ​ശ​ങ്ങ​ളി​ലും മാ​ലി​ന്യം ഒ​രു​പാ​ട് നി​ക്ഷേ​പി​ച്ചി​രി​ക്കു​ക​യാ​ണ്. റോ​ഡി​ന്‍റെ സൈ​ഡി​ൽ കാ​ടു​പി​ടി​ച്ച് കി​ട​ക്കു​ക​യാ​ണ്. ഇ​തു​മൂ​ലം മാ​ലി​ന്യം ത​ള​ളാൻ സൗ​ക​ര്യം ഉ​ണ്ട്. അ​തു​കൊ​ണ്ട് റോ​ഡി​ന്‍റെ സൈ​ഡി​ലെ കാ​ടു​ക​ൾ വെ​ട്ടി​ത്തെ​ളി​ക്കാ​ൻ അ​ധി​കാ​രി​ക​ൾ ശ്ര​ദ്ധി​ക്ക​ണം.

മാ​ലി​ന്യം​മൂ​ലം ഈ ​റോ​ഡ് ദു​ർ​ഗ​ന്ധ​പൂ​രി​ത​മാ​യി​രി​ക്കു​ക​യാ​ണ്. മ​ഴ പെ​യ്ത​തോ​ടെ മാ​ലി​ന്യം ചീ​ഞ്ഞ് കൊ​തു​കും പു​ഴു​വും ഈ​ച്ച​യും പെ​രു​കു​ന്നു. ഇ​തി​നൊ​പ്പം രോ​ഗാ​ണു​ക്ക​ളും പെ​രു​കു​ന്നു. കു​ട്ടി​ക​ൾ​ക്കാ​ണ് ഇ​തി​ന്‍റെ ദോഷ​ഫ​ല​ങ്ങ​ൾ കൂ​ടു​ത​ൽ അ​നു​ഭ​വി​ക്കേ​ണ്ടി​വ​രു​ന്ന​ത്. വ​യ​റി​ള​ക്കം, ഛർ​ദി എ​ന്നി​വ പി​ടി​പെ​ടു​ക​യും ഈ​ച്ച​യും കൊ​തു​കും പ​ര​ത്തു​ന്ന രോ​ഗ​ങ്ങ​ൾ പി​ടി​പെ​ടു​ന്ന​തി​നും സാ​ധ്യ​ത കൂ​ടി​വ​രു​ന്നു. നി​ര​ത്തു​ക​ളി​ലും മ​റ്റും മാ​ലി​ന്യം വ​ലി​ച്ചെ​റി​യാ​തെ വീ​ടു​ക​ളി​ൽ സം​സ്ക​രി​ക്കാ​ൻ ന​ട​പ​ടി സ്വീ​ക​രി​ക്ക​ണം.

പ്ലാ​സ്റ്റി​ക് മാ​ലി​ന്യ​ങ്ങ​ൾ ക​ത്തി​ച്ച് കാ​ൻ​സ​ർ രോ​ഗം വി​ളി​ച്ചു​വ​രു​ത്താ​തെ ത​ദ്ദേ​ശ​ഭ​ര​ണ സ്ഥാ​പ​ന​ങ്ങ​ൾ​ക്കു കൈ​മാ​റ​ണം. ‘എ​ന്‍റെ മാ​ലി​ന്യം എ​ന്‍റെ ഉ​ത്ത​ര​വാ​ദി​ത്വം’ എ​ന്നാ​ണ് എ​ന്‍റെ സ്കൂ​ളി​ൽ എ​ന്നെ പ​ഠി​പ്പി​ക്കു​ന്ന​ത്. ഈ ​പ്ര​തി​ജ്ഞ എ​ല്ലാ​വ​രും ഏ​റ്റെ​ടു​ത്താ​ൽ ന​മ്മു​ടെ നാ​ട് ദൈ​വ​ത്തി​ന്‍റെ സ്വ​ന്തം നാ​ടാ​യി മാ​റും. അ​തി​നു​വേ​ണ്ടി എ​ല്ലാ​വ​രോ​ടും അപേക്ഷിക്കുന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.