പൊറോട്ട അടിയും വക്കീൽ പഠനവും; അനശ്വരയുടെ വീഡിയോ വൈറൽ

Monday, June 7, 2021 6:21 PM IST

വക്കീൽ പഠനത്തിനൊപ്പം ഹോട്ടലിൽ പൊറോട്ട അടിക്കുന്ന അനശ്വരയുടെ വീഡിയോ വൈറലാകുന്നു. ഡയൽ കേരള എന്ന് ഫേസ്ബുക്ക് പേജിലാണ് അനശ്വരയുടെ വീഡിയോ എത്തിയിരിക്കുന്നത്. തൊടുപുഴ അൽഅസർ കോളജിൽ എൽഎൽബി അവസാന വർഷ വിദ്യാർഥിനിയാണ് അനശ്വര. ഒപ്പം വർഷങ്ങളായി ഹോട്ടലിലെ എല്ലാ ജോലിയും അനശ്വര ചെയ്യുന്നുണ്ട്.

അമ്മയും അനശ്വരയും അനുജത്തിമാരായ മാളവിളകയും അനാമികയും ചേർന്നാണ് ഹോട്ടലിലെ എല്ലാ ജോലിയും ചെയ്യുന്നത്. അനശ്വര പൊറോട്ട അടിക്കുന്ന വീഡിയോ മുന്പും വൈറലായിട്ടുണ്ട്. സുഹൃത്തുകളുടെ നല്ല പിന്തുണയുണ്ട്. ചിലപ്പോൾ സുഹൃത്തുക്കൾക്കും പൊറോട്ട കൊടുക്കാറുണ്ടെന്ന് അനശ്വര പറയുന്നു. പൊറോട്ട കൊണ്ടുവരണമെന്ന് സുഹൃത്തുക്കൾ പറയാറുണ്ട്. എന്നാൽ രാവിലെ കോളജിൽ പോകണമെന്നതിനാൽ കഴിയാറില്ല

വക്കിൽ ആയാലും ഹോട്ടൽ ജോലി തുടരുമെന്നാണ് അനശ്വര പറയുന്നത്. പെൺകുട്ടികൾ ഇത്തരം ജോലികൾ ചെയ്യുന്നത് അഭിമാനമായി കാണണമെന്നാണ് അനശ്വരയുടെ നിലപാട്. കാഞ്ഞിരപ്പള്ളി- എരുമേലി റോഡിൽ കുറുവാമുഴി എന്ന സ്ഥലത്താണ് അനശ്വരയുടെ വീട്.വീടും ഹോട്ടലും വാടകയ്ക്കാണ്. വീടിനോട് ചേർന്നാണ് ഹോട്ടലും സ്ഥിതി ചെയ്യുന്നത്. നിരവധി പേരാണ് അനശ്വരയുടെ വീഡിയോ ഷെയർ ചെയ്തിരിക്കുന്നത്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.