ട്രെ​യി​നി​നൊ​പ്പം സെ​ല്‍​ഫി; ആ​യു​സൊ​ടു​ങ്ങാ​ഞ്ഞ​ത് ഭാ​ഗ്യ​മെ​ന്ന് നെ​റ്റി​സ​ണ്‍​സ്
Wednesday, September 18, 2024 3:21 PM IST
പി​ന്‍​കാ​മ​റ​ക​ളി​ലും ജ​ന​പ്രീ​തി മു​ന്‍കാ​മ​റ​ക​ള്‍​ക്ക് ല​ഭി​ച്ച​തി​ന് കാ​ര​ണം "അ​വ​ന​വ​ന്‍' സ്‌​നേ​ഹ​മാ​ണെ​ന്ന് പ​റ​യാ​തെ വ​യ്യ. സെ​ല്‍​ഫി​ക​ള്‍​ക്കാ​യി പ​ല​രും പ​ല സാ​ഹ​സ​ങ്ങ​ളും കാ​ട്ടാ​റു​ണ്ട്. എ​ന്നാ​ല്‍ ചി​ല​ര്‍​ക്കെ​ങ്കി​ലും ജീ​വ​ന്‍ ന​ഷ്ട​പ്പെടാ​ന്‍ സെ​ല്‍​ഫി​ കാ​ര​ണ​മാ​യി​ട്ടു​ണ്ട് എ​ന്ന​താ​ണ് ദുഃ​ഖ​സ​ത്യം.

അ​ടു​ത്തി​ടെ ഒ​രു യു​വാ​വ് സെ​ല്‍​ഫി​ക്കാ​യി ഡാ​ര്‍​ജി​ലിം​ഗി​ല്‍ ടോ​യ് ട്രെ​യി​നി​ന് മു​ന്നി​ല്‍ നി​ന്ന സം​ഭ​വം സ​മൂ​ഹ മാ​ധ്യ​മ​ങ്ങ​ളി​ല്‍ ച​ര്‍​ച്ച​യാ​കുന്നു. "സെ​ല്‍​ഫി​യെ​ടു​ക്കാ​ന്‍ ശ്ര​മി​ക്കു​മ്പോ​ള്‍ ഇ​ടു​ങ്ങി​യ ര​ക്ഷ​പ്പെ​ട​ല്‍' എ​ന്ന അ​ടി​ക്കു​റി​പ്പോ​ടെ​യാ​ണ് വീ​ഡി​യോ ഇ​ന്‍​സ്റ്റ​ഗ്രാ​മി​ലെ​ത്തി​യ​ത്.

ദൃ​ശ്യ​ങ്ങ​ളി​ല്‍ സോ​നു എ​ന്ന യു​വാ​വ് റെ​യി​ല്‍​വേ ലൈ​നി​ല്‍ നി​ല്‍​ക്കു​ക​യാ​ണ്. മൂ​ട​ല്‍​മ​ഞ്ഞു​ള്ള സ​മ​യ​മാ​ണ​ത്. നി​ര​വ​ധി​യാ​ളു​ക​ള്‍ പ്ലാ​റ്റ്‌​ഫോ​മി​ലാ​യി നി​ല്‍​ക്കു​ന്നു. ഈ ​സ​മ​യം ട്രെ​യി​ന്‍ വ​രി​ക​യാ​ണ്.

എ​ന്നാ​ല്‍ യു​വാ​വ​വ് തെ​ല്ലും കൂ​സാ​തെ പാ​ള​ത്തി​ല്‍​ത​ന്നെ മൊ​ബൈ​ലു​മാ​യി നി​ല്‍​ക്കു​ന്നു. ആ​കെ ഭ​യ​ച​കി​ത​യാ​യ ഇ​യാ​ളു​ടെ ഭാ​ര്യ "സോ​നു' എ​ന്ന് അ​ല​റി വി​ളി​ക്കു​ന്നു​ണ്ട്. കാ​ര്യ​ങ്ങ​ള്‍ ദാ​രു​ണ​മാ​യ വ​ഴി​ത്തി​രി​വി​ലേ​ക്ക് മാ​റു​ന്ന​തി​ന് മു​മ്പ്, ട്രാ​ക്കി​ന​ടു​ത്ത് നി​ന്നി​രു​ന്ന ഒ​രാ​ള്‍ പെ​ട്ടെ​ന്ന് ഇ​ട​പെ​ട്ട് ഇ​യാ​ളെ സു​ര​ക്ഷി​ത സ്ഥാ​ന​ത്തേ​ക്ക് മാ​റ്റു​ന്നു.

ഇയാളുടെ നി​രു​ത്ത​ര​വാ​ദ​പ​ര​മാ​യ പെ​രു​മാ​റ്റം സോ​ഷ്യ​ല്‍ മീ​ഡി​യയിൽ നിരവധി പ്ര​തി​ക​ര​ണ​ങ്ങ​ള്‍​ക്ക് കാ​ര​ണ​മാ​യി. "അ​ത്ത​ര​ക്കാ​രോ​ട് എ​നി​ക്ക് സ​ഹ​താ​പ​മി​ല്ല, അ​വ​ന്‍ മ​രി​ക്ക​ട്ടെ' എ​ന്നാ​ണൊ​രാ​ള്‍ കു​റി​ച്ച​ത്. "ദ​യ​വു​ചെ​യ്ത് റെ​യി​ല്‍​വേ പ്രൊ​ട്ട​ക്ഷ​ന്‍ ഫോ​ഴ്‌​സ് ഇ​യാ​ള്‍​ക്കെ​തി​രേ ആ​വ​ശ്യ​മാ​യ ന​ട​പ​ടി സ്വീ​ക​രി​ക്കു​ക' എ​ന്നാ​ണ് മ​റ്റൊ​രാ​ള്‍ കു​റി​ച്ച​ത്. "ഇ​ത് വെ​റും അ​ഭി​ന​യ​മാ​ണ്' എ​ന്നാ​ണ് മ​റ്റൊ​രാ​ള്‍ രോ​ഷ​ത്തോ​ടെ കു​റി​ച്ച​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.