19

ഐപിഎൽ 2026-ന്‍റെ തിരക്കുകൾക്കിടയിൽ പഞ്ചാബ് കിംഗ്‌സ് താരം യുസ്‌വേന്ദ്ര ചഹലും ഒടിടി താരം തനിയ ചാറ്റർജിയും തമ്മിലുണ്ടായ സോഷ്യൽ മീഡിയ വിവാദം പുതിയ വഴിത്തിരിവിലേക്ക്. ഇൻസ്റ്റാഗ്രാം വഴി ചഹൽ തനിക്ക് സന്ദേശം അയച്ചുവെന്ന് തനിയ നേരത്തെ വെളിപ്പെടുത്തിയിരുന്നു.

തനിയയെ 'ക്യൂട്ട്' എന്ന് വിശേഷിപ്പിച്ചു കൊണ്ടുള്ള സന്ദേശമാണ് വിവാദങ്ങൾക്ക് തുടക്കമിട്ടത്. ഇതേത്തുടർന്ന് സോഷ്യൽ മീഡിയയിൽ കടുത്ത വിമർശനങ്ങൾ നേരിട്ട ചഹൽ, സംഭവത്തിൽ തനിയയ്‌ക്കെതിരെ മാനനഷ്ടക്കേസ് ഫയൽ ചെയ്തതായി തനിയ തന്നെ ഇപ്പോൾ മാധ്യമങ്ങളോട് വെളിപ്പെടുത്തുകയായിരുന്നു.

കാര്യങ്ങൾ ഇത്രയും വലിയ വിവാദമാകുമെന്ന് താൻ കരുതിയിരുന്നില്ലെന്നും, ഇപ്പോൾ താനാണ് അനാവശ്യമായി ട്രോളുകൾക്കും പരിഹാസങ്ങൾക്കും ഇരയാകുന്നതെന്നും തനിയ പറയുന്നു.

ഒരു സന്ദേശത്തെ അനാവശ്യമായി പെരുപ്പിച്ചു കാട്ടിയെന്നാരോപിച്ച് തന്‍റെ വീഡിയോ പിൻവലിക്കാൻ ചഹലിന്‍റെ പിആർ വിഭാഗം സമ്മർദ്ദം ചെലുത്തിയതായും നടി ആരോപിക്കുന്നു.

താൻ നൽകിയ വിവരങ്ങൾ വലിയ ചർച്ചയായപ്പോൾ മറുഭാഗത്ത് കാര്യമായ പ്രശ്നങ്ങളൊന്നും ചഹലിന് നേരിടേണ്ടി വന്നില്ലെന്നും, എന്നാൽ താൻ മാത്രം അപമാനിക്കപ്പെടുന്ന അവസ്ഥയാണെന്നും തനിയ ചൂണ്ടിക്കാട്ടുന്നു.

ഈ വിഷയത്തിൽ ചഹൽ ഇതുവരെ ഔദ്യോഗികമായി പ്രതികരിച്ചിട്ടില്ല. മുൻ ഭാര്യ ധനശ്രീ വർമ്മയുമായുള്ള വിവാഹമോചനത്തിന് ശേഷം പലപ്പോഴും വ്യക്തിജീവിതത്തിലെ ഗോസിപ്പുകളിലൂടെ വാർത്തകളിൽ നിറയാറുള്ള താരമാണ് ചഹൽ.

ആർജെ മഹ്‌വാഷ്, ഷെഫാലി ബഗ്ഗ തുടങ്ങിയവരുടെ പേരുകൾ നേരത്തെ ചഹലിനോടൊപ്പം ചേർത്ത് ഗോസിപ്പ് കോളങ്ങളിൽ നിറഞ്ഞിരുന്നു. നിലവിൽ ഐപിഎല്ലിൽ പഞ്ചാബ് കിംഗ്‌സിന്‍റെ ഭാഗമായി കളിക്കുന്ന താരം വിവാദങ്ങളിൽ മൗനം പാലിക്കുകയാണ്.

Tags : YuzvendraChahal TaniyaChatterjee IPL2026 PunjabKings CricketNews