നോർത്ത് ചാലക്കുടി: സെന്റ് ജോസഫ്സ് ദേവാലയത്തിൽ വിശുദ്ധ യൗസേപ്പിതാവിന്റെ ഊട്ടുതിരുനാളിന് വികാരി റവ.ഡോ. ജോസഫ് തെക്കെത്തല കൊടിയുയർത്തി.
തുടർന്നുള്ള ദിവസങ്ങളിൽ വൈകിട്ട് 5.30ന് ആഘോഷമായ ദിവ്യബലി, നോവേന ലദിഞ്ഞ്, പ്രദക്ഷിണം. മേയ് ഒന്നിന് രാവിലെ എട്ടിന് ദിവ്യകാരുണ്യ സ്വീകരണം, സ്വെെര്യലേപനം, മേയ് അഞ്ച് തിരുനാൾ ദിനത്തില് രാവിലെ 6.15ന് ദിവ്യബലി രൂപം എഴുന്നള്ളിച്ചുവയ്ക്കൽ. ഒമ്പതിന് പ്രസുദേന്തി വാഴ്ച, ആഘോഷമായ ദിവ്യബലി. ഫാ ആൽബിൻ പുന്നേലിപറമ്പിൽ മുഖ്യകാർമികത്വംവഹിക്കും.
ഫാ. വിത്സൻ എലുവത്തിങ്കൽ കൂനൻ സന്ദേശംനൽകും. നേർച്ചഭക്ഷണം, ആശീർവാദം, ശിശുക്കൾക്ക് ചോറുട്ട്, നാലിന് ദിവ്യബലി, തിരുനാൾ പ്രദക്ഷിണം, 7.30ന് ഗാനമേള.
കയ്പമംഗലം: സെന്റ് ജോസഫ് പള്ളിയില് ഊട്ടുതിരുനാളിന് കൊടിയേറി. അമല ഹോസ്പിറ്റൽ ഡയറക്ടർ ഫാ. ജൂലിയസ് അറക്കൽ കൊടിയേറ്റു നിർവഹിച്ചു. ഇടവക വികാരി ഫാ. ജസ്റ്റിൻ വാഴപ്പിള്ളി, സഹവൈദികർ തുടങ്ങിയവർ പങ്കെടുത്തു.
മേയ് നാലുവരെ നവനാൾ തിരുകർമങ്ങൾ. അന്നേദിവസം വൈകീട്ട് അഞ്ചിന് ഇടവക ദിനം ആഘോഷിക്കും. യൂണിറ്റുകളുടെ നേതൃത്വത്തിലുള്ള വിവിധ കലാപരിപാടികളും നടക്കും.
മേയ് അഞ്ചിന് രാവിലെ പത്തിന് പ്രസുദേന്തി വാഴ്ച, തുടർന്ന് ആഘോഷമായ തിരുനാൾ കുർബാന, നേർച്ച സദ്യ, വൈകീട്ട് അഞ്ചിന് തിരുനാൾ പ്രദക്ഷിണം, തുടർന്ന് വർണമഴ എന്നിവ ഉണ്ടായിരിക്കും.