പൂ​നെ: മ​ഹാരാഷ്ട്ര​യു​ടെ മു​ഖ്യ​മ​ന്ത്രി​യാ​കാ​ൻ ത​നി​ക്ക് ആ​ഗ്ര​ഹ​മു​ണ്ടെ​ന്ന് എ​ൻ​സി​പി ദേ​ശീ​യ അ​ധ്യ​ക്ഷ​നും ഉ​പ​മു​ഖ്യ​മ​ന്ത്രി​യു​മാ​യ അ​ജി​ത് പ​വാ​ർ.. എ​ന്നാ​ൽ മു​ഖ്യ​മ​ന്ത്രി​യാ​കാ​ൻ ഭൂ​രി​പ​ക്ഷ​ത്തി​ൽ എ​ത്ത​ണ​മെ​ന്നും എ​ല്ലാ​വ​രു​ടെ​യും ആ​ഗ്ര​ഹം സ​ഫ​ല​മാ​ക​ണ​മെ​ന്നി​ല്ല​ല്ലോ'​യെ​ന്നും അ​ജി​ത് പ​വാ​ർ പ​റ​ഞ്ഞു.

"ആ​ഗ്ര​ഹ​ങ്ങ​ളും അ​ഭി​പ്രാ​യ​ങ്ങ​ളും എ​ല്ലാ​വ​ർ​ക്കു​മു​ണ്ട്. വോ​ട്ട് ചെ​യ്യാ​നു​ള​ള അ​വ​കാ​ശം വോ​ട്ട​ർ​മാ​രു​ടെ കൈ​ക​ളി​ലാ​ണ്. സം​സ്ഥാ​ന അ​സം​ബ്ലി​യി​ൽ 288 അം​ഗ​ങ്ങ​ളെ​യാ​ണ് തി​ര​ഞ്ഞെ​ടു​ക്ക​പ്പെ​ടു​ന്ന​ത്. അ​തി​ൽ 145 സീ​റ്റു​ക​ളി​ലെ​ങ്കി​ലും എ​ത്തേ​ണ്ട​തും ആ​വ​ശ്യ​മാ​ണെ​ന്ന് പ​വാ​ർ പ​റ​ഞ്ഞു. വ​രാ​നി​രി​ക്കു​ന്ന നി​യ​മ​സ​ഭാ തി​ര​ഞ്ഞെ​ടു​പ്പി​ൽ ബി​ജെ​പി​യും ശി​വ​സേ​ന​യും എ​ൻ​സി​പി​യും ഉ​ൾ​പ്പെ​ടു​ന്ന മ​ഹാ​യു​തി (മ​ഹാ​സ​ഖ്യം) മു​ഖ്യ​മ​ന്ത്രി ഏ​ക​നാ​ഥ് ഷി​ൻ​ഡെ​യു​ടെ നേ​തൃ​ത്വ​ത്തി​ൽ മ​ത്സ​രി​ക്കു​മെ​ന്നും പ​വാ​ർ വ്യ​ക്ത​മാ​ക്കി.

ഇ​പ്പോ​ൾ സ​ഖ്യ​ത്തെ വീ​ണ്ടും അ​ധി​കാ​ര​ത്തി​ലെ​ത്തി​ക്കാ​നു​ള്ള ശ്ര​മ​മാ​ണ് ന​ട​ക്കു​ന്ന​തെന്നും വീ​ണ്ടും ഭ​ര​ണ​ത്തി​ൽ എ​ത്തി​യ​തി​ന് ശേ​ഷം മു​ഖ്യ​മ​ന്ത്രി​യെ സം​ബ​ന്ധി​ച്ചു​ള​ള തീ​രു​മാ​നം എ​ല്ലാ​വ​രും ആ​ലോ​ചി​ച്ച് തീ​രൂ​മാ​നി​ക്കു​മെ​ന്നും അ​ജി​ത് പ​വാ​ർ കൂ​ട്ടി​ച്ചേ​ർ​ത്തു.​നി​യ​മ​സ​ഭാ തി​ര​ഞ്ഞെ​ടു​പ്പി​ന് ശേ​ഷം ഏ​ക​നാ​ഥ് ഷി​ൻ​ഡെ മു​ഖ്യ​മ​ന്ത്രി​യാ​ക​ണ​മെ​ന്ന് ശി​വ​സേ​ന​യി​ലെ നേ​താ​ക്ക​ൾ ശ​ക്ത​മാ​യി ഉ​ന്ന​യി​ക്കു​ന്ന​തി​നി​ടെ​യാ​ണ് പ​വാ​റി​ന്‍റെ ഇ​ത്ത​ര​ത്തി​ലൊ​രു പ്ര​സ്താ​വ​ന.

അ​ജി​ത് പ​വാ​റി​നെ അ​ടു​ത്ത മു​ഖ്യ​മ​ന്ത്രി​യാ​യി ഉ​യ​ർ​ത്തി​ക്കാ​ട്ടു​ന്ന പോ​സ്റ്റ​റു​ക​ളു​ടെ പ്ര​ദ​ർ​ശ​ന​വും അ​ടു​ത്തി​ടെ വി​വാ​ദ​ത്തി​ന് വ​ഴി​വെ​ച്ചി​രു​ന്നു.