വാ​ഷിം​ഗ്‌​ട​ൺ ഡി​സി: ഖ​ത്ത​റി​നെ അ​നു​ന​യി​പ്പി​ക്കാ​ൻ യു​എ​സ് നീ​ക്കം. ദോ​ഹ​യി​ൽ ഹ​മാ​സ് നേ​താ​ക്ക​ളെ ല​ക്ഷ്യ​മി​ട്ട ഇ​സ്ര​യേ​ൽ ആ​ക്ര​മ​ണം ക​ഴി​ഞ്ഞ് ദി​വ​സ​ങ്ങ​ൾ​ക്ക​ക​മാ​ണ് യു​എ​സി​ന്‍റെ നീ​ക്കം. യു​എ​സ് സ​ന്ദ​ർ​ശ​ന​ത്തി​നെ​ത്തി​യ ഖ​ത്ത​ർ പ്ര​ധാ​ന​മ​ന്ത്രി ഷെ​യ്ഖ് മു​ഹ​മ്മ​ദ് ബി​ൻ അ​ബ്ദു​ൽ റ​ഹ്‌​മാ​ൻ അ​ൽ​ത്താ​നി വൈ​റ്റ് ഹൗ​സി​ൽ യു​എ​സ് വൈ​സ് പ്ര​സി​ഡ​ന്‍റ് ജെ.​ഡി. വാ​ൻ​സു​മാ​യും സ്റ്റേ​റ്റ് സെ​ക്ര​ട്ട​റി മാ​ർ​ക്കോ റൂ​ബി​യോ​യു​മാ​യും കൂ​ടി​ക്കാ​ഴ്ച ന​ട​ത്തി.

ഖ​ത്ത​ർ പ്ര​ധാ​ന​മ​ന്ത്രി​ക്ക് യു​എ​സ് പ്ര​സി​ഡ​ന്‍റ് ട്രം​പ് അ​ത്താ​ഴ​വി​രു​ന്ന് ന​ൽ​കു​മെ​ന്ന് വൈ​റ്റ് ഹൗ​സ് വ​ക്താ​വ് വെ​ളി​പ്പെ​ടു​ത്തി. ച​ർ​ച്ച​ക​ളി​ൽ യു​എ​സ് പ്ര​ത്യേ​ക പ്ര​തി​നി​ധി സ്റ്റീ​വ് വി​റ്റ്കോ​ഫും പ​ങ്കെ​ടു​ക്കും. ചൊ​വ്വാ​ഴ്ച ഖ​ത്ത​റി​ൽ സം​ഭ​വി​ച്ച​തു​പോ​ലെ​യു​ള്ള ആ​ക്ര​മ​ണ​ങ്ങ​ൾ ഇ​നി ഇ​സ്ര​യേ​ലി​ന്‍റെ ഭാ​ഗ​ത്തു​നി​ന്ന് ഉ​ണ്ടാ​വി​ല്ലെ​ന്നും ട്രം​പ് ഉ​റ​പ്പു​ന​ൽ​കി​യി​ട്ടു​ണ്ട്. സ്റ്റേ​റ്റ് സെ​ക്ര​ട്ട​റി മാ​ർ​ക്കോ റൂ​ബി​യോ ഉ​ട​ൻ ഇ​സ്ര​യേ​ൽ സ​ന്ദ​ർ​ശി​ക്കു​മെ​ന്നും റി​പ്പോ​ർ​ട്ടു​ക​ളു​ണ്ട്.

ര​ണ്ട് വ​ർ​ഷ​മാ​യി തു​ട​രു​ന്ന സം​ഘ​ർ​ഷം അ​വ​സാ​നി​പ്പി​ക്കാ​നു​ള്ള സാ​ധ്യ​ത​ക​ൾ ഇ​സ്ര​യേ​ൽ അ​ട്ടി​മ​റി​ക്കാ​ൻ ശ്ര​മി​ച്ച​താ​യി ഖ​ത്ത​ർ പ്ര​ധാ​ന​മ​ന്ത്രി കു​റ്റ​പ്പെ​ടു​ത്തി. എ​ങ്കി​ലും മ​ധ്യ​സ്ഥ ശ്ര​മ​ങ്ങ​ളി​ൽ​നി​ന്നും ഖ​ത്ത​ർ പി​ന്തി​രി​യി​ല്ലെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.