തി​രു​വ​ന​ന്ത​പു​രം: പീ​ഡ​ന​ക്കേ​സി​ൽ ജാ​മ്യ​ത്തി​ൽ ക​ഴി​യു​ന്ന ന​ട​ൻ സി​ദ്ദി​ഖി​ന് വി​ദേ​ശ​യാ​ത്ര​യ്ക്ക് അ​നു​മ​തി. 19 മു​ത​ൽ അ​ടു​ത്ത​മാ​സം 18 വ​രെ യു​എ​ഇ, ഖ​ത്ത​ർ എ​ന്നീ രാ​ജ്യ​ങ്ങ​ൾ സ​ന്ദ​ർ​ശി​ക്കാ​നാ​ണ് അ​നു​മ​തി ന​ൽ​കി​യി​രി​ക്കു​ന്ന​ത്.

തി​രു​വ​ന​ന്ത​പു​രം ഒ​ന്നാം ക്ലാ​സ് ജു​ഡീ​ഷ്യ​ൽ മ​ജി​സ്ട്രേ​റ്റ് കോ​ട​തി​യു​ടേ​താ​ണ് ന​ട​പ​ടി. ത​നി​ക്ക് വി​ദേ​ശ​ത്ത് ചി​ല സി​നി​മാ ചി​ത്രീ​ക​ര​ണ​ങ്ങ​ളും ചി​ല ച​ട​ങ്ങു​ക​ളി​ലും പ​ങ്കെ​ടു​ക്ക​ണ​മെ​ന്ന ആ​വ​ശ്യം ഉ​ന്ന​യി​ച്ചു​കൊ​ണ്ടാ​ണ് പാ​സ്‌​പോ​ര്‍​ട്ട് വി​ട്ടു​കി​ട്ടാ​നാ​യി സി​ദ്ദി​ഖ് കോ​ട​തി​യെ സ​മീ​പി​ച്ച​ത്.

2016ൽ ​മ​സ്ക്ക​റ്റ് ഹോ​ട്ട​ലി​ൽ വെ​ച്ച് സി​ദ്ദി​ഖ് പീ​ഡി​പ്പി​ച്ചെ​ന്നാ​ണ് ന​ടി​യു​ടെ പ​രാ​തി. ന​ടി​യു​ടെ മൊ​ഴി രേ​ഖ​പ്പെ​ടു​ത്തി​യ പ്ര​ത്യേ​ക അ​ന്വേ​ഷ​ണ സ​ഘം കോ​ട​തി വ​ഴി ര​ഹ​സ്യ​മൊ​ഴി​യെ​ടു​ത്തി​രു​ന്നു.

സി​നി​മ​യു​ടെ പ്രി​വ്യൂ​വി​ന് വ​ന്ന​പ്പോ​ഴാ​ണ് സി​ദ്ദി​ഖി​നെ ക​ണ്ടെ​തെ​ന്നും ഇ​തി​നു​ശേ​ഷം സി​നി​മ ച​ർ​ച്ച​യ്ക്കാ​യി ഹോ​ട്ട​ലി​ലേ​ക്ക് വി​ളി​ച്ചു​വ​രു​ത്തി പീ​ഡി​പ്പി​ച്ചെ​ന്നു​മാ​ണ് പ​രാ​തി. തു​ട​ർ​ന്ന് ഹൈ​ക്കോ​ട​തി മു​ൻ​കൂ​ർ ജാ​മ്യം ത​ള്ളി​യ​തോ​ടെ സി​ദ്ദി​ഖ് സു​പ്രീം​കോ​ട​തി​യെ സ​മീ​പി​ക്കു​ക​യാ​യി​രു​ന്നു.

പാ​സ്‌​പോ​ര്‍​ട്ട് കോ​ട​തി​യി​ല്‍ ന​ല്‍​ക​ണ​മെ​ന്ന​താ​യി​രു​ന്നു ജാ​മ്യം അ​നു​വ​ദി​ക്കു​ന്ന വേ​ള​യി​ലെ ഒ​രു ഉ​പാ​ധി. ഈ ​വ്യ​വ​സ്ഥ​യി​ലാ​ണ് കോ​ട​തി ഇ​ള​വ് ന​ല്‍​കി​യ​ത്.