മും​ബൈ: തു​ട​ക്കം മു​ത​ൽ ഒ​ടു​ക്കം വ​രെ പ​റ​ഞ്ഞു​റ​പ്പി​ച്ച ഫോ​ർ​മാ​റ്റി​ൽ ച​ലി​ക്കു​ന്ന മ​സാ​ല​പ്പ​ടം ക​ണ​ക്കെ ട്വി​സ്റ്റു​ക​ളു​ലേ​തു​മി​ല്ലാ​തെ വ​നി​താ പ്രീ​മി​യ​ർ ലീ​ഗി​ൽ മു​ത്ത​മി​ട്ട് മും​ബൈ ഇ​ന്ത്യ​ൻ​സ്. മും​ബൈ തീ​ര​ത്തെ ആ​ർ​ത്ത​ല​യ്ക്കു​ന്ന തി​ര​മാ​ല​യ്ക്ക് മു​മ്പി​ൽ നി​ന്ന് "ദു​നി​യാ' കീ​ഴ​ട​ക്കാ​ൻ ആ​ഗ്ര​ഹി​ച്ച റോ​ക്കി ഭാ​യ്‌​യു​ടെ ക​രു​ത്ത് ആ​വേ​ശ​മാ​ക്കി, ഡ​ൽ​ഹി ക്യാ​പി​റ്റ​ൽ​സി​നെ ഏ​ഴ് വി​ക്ക​റ്റി​ന് വീ​ഴ്ത്തി‌​യാ​ണ് മും​ബൈ ഇ​ന്ത്യ​ൻ​സ് കു​ട്ടി​ക്രി​ക്ക​റ്റി​ന്‍റെ ലോ​കം പി​ടി​ച്ച‌​ട​ക്കി​യ​ത്.

ക്യാ​പി​റ്റ​ൽ​സ് ഉ​യ​ർ​ത്തി​യ 132 റ​ൺ​സ് വി​ജ​യ​ല​ക്ഷ്യം പി​ന്തു​ട​ർ​ന്ന മും​ബൈ മൂ​ന്ന് പ​ന്ത് മാ​ത്രം ബാ​ക്കി നി​ൽ​ക്കെ​യാ​ണ് വി​ജ​യം ക​ണ്ട​ത്. വി​ക്ക​റ്റു​ക​ൾ ന​ഷ്ട​മാ​യി​ല്ലെ​ങ്കി​ലും റ​ൺ​സ് വി​ട്ടു​ന​ൽ​കാ​ൻ ക്യാ​പി​റ്റ​ൽ​സ് മ​ടി​ച്ച​തോ​ടെ ക​ന്നി​ക്കി​രീ​ട​ത്തി​ലേ​ക്ക് ബൗ​ണ്ട​റി പാ​യി​ക്കാ​ൻ ന​താ​ലി സ്കി​വ​റി​ന്(60*) കാ​ത്തി​രി​ക്കേ​ണ്ടി വ​ന്നു.

സ്കോ​ർ:
ഡ​ൽ​ഹി ക്യാ​പി​റ്റ​ൽ​സ് 131/9(20)
മും​ബൈ ഇ​ന്ത്യ​ൻ​സ് 134/3(19.3)

55 പ​ന്തി​ൽ ഏ​ഴ് ബൗ​ണ്ട​റി​ക​ളു​മാ​യി ആ​ണ് സ്കി​വ​ർ മും​ബൈ​യെ വി​ജ​യ​ത്തി​ലേ​ക്ക് ന​യി​ച്ച​ത്. ഹെ​യ്‌​ലി മാ​ത്യൂ​സ്(13), യാ​സ്തി​ക ഭാ​ട്ടി​യ(4) എ​ന്നി​വ​ർ വേ​ഗം മ​ട​ങ്ങി​യെ​ങ്കി​ലും ക്യാ​പ്റ്റ​ൻ ഹ​ർ​മ​ൻ​പ്രീ​ത് കൗ​ർ 37 റ​ൺ​സു​മാ​യി മി​ക​ച്ച പി​ന്തു​ണ ന​ൽ​കി. പ​തി​വ് വേ​ഗ​മി​ല്ലാ​തെ, കി​രീ​ട​ക്ക​ര​യി​ലു​ള്ള ചെ​റി​യ ല​ക്ഷ്യ​ത്തി​ലേ​ക്ക് പോ​കാ​നാ​യി മെ​ല്ലെ​യാ​ണ് ഹ​ർ​മ​നും ബാ​റ്റ് വീ​ശി​യ​ത്.

അ​മേ​ലി​യ കെ​ർ(14) ഫി​നി​ഷിം​ഗി​ൽ സ്കി​വ​റി​നെ സ​ഹാ​യി​ച്ചു. രാ​ധാ യാ​ദ​വ്, ജെ​സ് ജോ​ണാ​സ​ൺ എ​ന്നി​വ​ർ ഓ​രോ വി​ക്ക​റ്റു​ക​ൾ വീ​തം നേ​ടി. ഹ​ർ​മ​നെ അ​ലീ​സ് ശി​ഖ പാ​ണ്ഡേ റ​ൺ​ഔ​ട്ട് ആ​ക്കു​ക​യാ​യി​രു​ന്നു.

നേ​ര​ത്തെ, മൂ​ന്ന് വി​ക്ക​റ്റ് വീ​തം നേ​ടി​യ ഇ​സി വോം​ഗ്, ഹെ​യ്‌​ലി മാ​ത്യൂ​സ് എ​ന്നി​വ​രു​ടെ പ്ര​ക​ട​ന​മാ​ണ് ക്യാ​പി​റ്റ​ൽ​സി​ന്‍റെ ന​ടു​വൊ​ടി​ച്ച​ത്. 10.3 ഓ​വ​റി​ൽ 73-4 എ​ന്ന നി​ല​യി​ൽ പ​ത​റി​യ ടീ​മി​നെ മെ​ഗ് ലാ​നിം​ഗ്(35), പാ​ണ്ഡേ(27) എ​ന്നി​വ​രാ​ണ് ഭേ​ദ​പ്പെ​ട്ട സ്കോ​റി​ലെ​ത്തി​ച്ച​ത്. ഒ​മ്പ​താം വി​ക്ക​റ്റി​ലെ പാ​ണ്ഡേ - രാ​ധാ യാ​ദ​വ്(27*) പോ​രാ​ട്ടം ടീ​മി​നെ 100 റ​ൺ​സ് ക​ട​ത്തി.

ഷ​ഫാ​ലി വ​ർ​മ(11), അ​ലീ​സ് കാ​പ്സി(0), ജെ​മീ​മ റോ​ഡ്രി​ഗ​സ്(9), മ​രി​സാ​നെ കാ​പ്(18) എ​ന്നീ വി​ശ്വ​സ്ത​ർ നി​റം​മ​ങ്ങി​യ​ത് ക്യാ​പി​റ്റ​ൽ​സി​ന് തി​രി​ച്ച​ടി​യാ​യി. മും​ബൈ​യ്ക്കാ​യി അ​മേ​ലി​യ കെ​ർ ര​ണ്ട് വി​ക്ക​റ്റു​ക​ൾ പി​ഴു​തു.

കി​രീ​ട​ത്തി​ന​രി​കെ വീ​ണെ​ങ്കി​ലും ഡ​ൽ​ഹി ക്യാ​പ്റ്റ​ൻ മെ​ഗ് ലാ​നിം​ഗ് ‌ടൂ​ർ​ണ​മെ​ന്‍റി​ലെ ടോ​പ് സ്കോ​റ​ർ​ക്കു​ള്ള ഓ​റ​ഞ്ച് ക്യാ​പ് സ്വ​ന്ത​മാ​ക്കി. മും​ബൈ​യു​ടെ ഹെ​യ്‌​ലി മാ​ത്യൂ​സി​നാ​ണ് മി​ക​ച്ച വി​ക്ക​റ്റ് വേ​ട്ട​ക്കാ​രി​ക്കു​ള്ള പ​ർ​പ്പി​ൾ ക്യാ​പ്.