ബം​ഗ​ളൂ​രു: ക​ർ​ണാ​ട​ക​യി​ൽ ജ​ന​ങ്ങ​ൾ​ക്ക് ന​ൽ​കി​യ വാ​ഗ്ദാ​ന​ങ്ങ​ൾ പാ​ലി​ക്കു​മെ​ന്ന് കോ​ൺ​ഗ്ര​സ് നേ​താ​വ് രാ​ഹു​ൽ ഗാ​ന്ധി. സ​ത്യ​ത്തി​ന്‍റെ​യും സാ​ധാ​ര​ക്കാ​രു​ടെ​യും കൂ​ടെ​യാ​ണ് കോ​ൺ​ഗ്ര​സ് നി​ല​നി​ൽ​ക്കു​ന്ന​ത്. ബി​ജെ​പി​ക്ക് ഒ​പ്പ​മു​ള്ള​ത് പ​ണ​വും അ​ധി​കാ​ര​വു​മാ​ണെ​ന്നും ക​ർ​ണാ​ട​ക​യി​ൽ സി​ദ്ധ​രാ​മ​യ്യ സ​ർ​ക്കാ​ർ അ​ധി​കാ​ര​മേ​റ്റ​തി​ന് ശേ​ഷം മാ​ധ്യ​മ​ങ്ങ​ളോ​ട് രാ​ഹു​ൽ പ​റ​ഞ്ഞു.

ക​ർ​ണാ​ട​ക​യി​ൽ സ്നേ​ഹ​ത്തി​ന്‍റെ ല​ക്ഷം ക​ട​ക​ളാ​ണ് തു​റ​ന്നി​രി​ക്കു​ന്ന​ത്. തെ​ര​ഞ്ഞെ​ടു​പ്പി​ൽ ഞ​ങ്ങ​ൾ തെ​റ്റാ​യ വാ​ഗ്ദാ​ന​ങ്ങ​ൾ ന​ൽ​കി​രു​ന്നി​ല്ല. വ​രു​ന്ന മ​ണി​ക്കൂ​റു​ക​ളി​ൽ ക​ർ​ണാ​ട​ക​യി​ൽ ആ​ദ്യ മ​ന്ത്രി​സ​ഭാ യോ​ഗം ന​ട​ക്കും. ജ​ന​ങ്ങ​ൾ​ക്ക് ന​ൽ​കി​യ എ​ല്ലാ വാ​ഗ്ദാ​ന​ങ്ങ​ളും പാ​സാ​ക്കും. ശു​ദ്ധ​വും അ​ഴി​മ​തി​ര​ഹി​ത​വു​മാ​യ സ​ർ​ക്കാ​ർ ഞ​ങ്ങ​ൾ ജ​ന​ങ്ങ​ൾ​ക്ക് ന​ൽ​കു​മെ​ന്നും രാ​ഹു​ൽ പ​റ​ഞ്ഞു.

അതേസമയം, കർണാടകയിൽ മു​ഖ്യ​മ​ന്ത്രി​യാ​യി സി​ദ്ധ​രാ​മ​യ്യ​യും ഉ​പ​മു​ഖ്യ​മ​ന്ത്രി​യാ​യി ഡി.​കെ. ശി​വ​കു​മാ​റും സ​ത്യ​പ്ര​തി​ജ്ഞ ചെ​യ്ത് അ​ധി​കാ​ര​മേ​റ്റു. ബം​ഗ​ളൂ​രു​വി​ലെ ശ്രീ ​ക​ണ്ഠീ​ര​വ സ്റ്റേ​ഡി​യ​ത്തി​ൽ ന​ട​ന്ന ച​ട​ങ്ങി​ൽ ഗ​വ​ർ​ണ​ർ താ​വ​ർ​ച​ന്ദ് ഗെ​ഹ്‌​ലോ​ട്ട് സ​ത്യ​വാ​ച​കം ചൊ​ല്ലി​ക്കൊ​ടു​ത്തു.

സിദ്ധരാമയ്യ ദൈവനാമത്തിൽ സത്യപ്രതിജ്ഞ ചെയ്തപ്പോൾ ഡി.കെ. ശിവകുമാർ അജ്ജയ്യ ഗംഗാധര സ്വാമിയുടെ പേരിലായിരുന്നു സത്യപ്രതിജ്ഞ ചെയ്തത്. കോ​ൺ​ഗ്ര​സ് അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ, രാ​ഹു​ൽ ഗാ​ന്ധി, പ്രി​യ​ങ്ക ഗാ​ന്ധി എ​ന്നി​വ​രും ച​ട​ങ്ങി​ന് സാ​ക്ഷ്യം​വ​ഹി​ക്കാ​നെ​ത്തി.

വി​വി​ധ രാ​ഷ്ട്രീ​യ ക​ക്ഷി നേ​താ​ക്ക​ളും ചടങ്ങിൽ പങ്കെടുത്തു. ബി​ഹാ​ർ മു​ഖ്യ​മ​ന്ത്രി നി​തീ​ഷ് കു​മാ​ർ, ഉ​പ​മു​ഖ്യ​മ​ന്ത്രി തേ​ജ​സ്വി യാ​ദ​വ്, ഛത്തീ​സ്ഗ​ഢ് മു​ഖ്യ​മ​ന്ത്രി ഭൂ​പേ​ഷ് ബാ​ഗ​ൽ, ഹി​മാ​ച​ൽ പ്ര​ദേ​ശ് മു​ഖ്യ​മ​ന്ത്രി സു​ഖ്‍​വി​ന്ദ​ർ സിം​ഗ് സു​ഖു, എ​ൻ​സി​പി അ​ധ്യ​ക്ഷ​ൻ ശ​ര​ത് പ​വാ​ർ, സി​പി​എം ജ​ന​റ​ൽ സെ​ക്ര​ട്ട​റി സീ​താ​റാം യെ​ച്ചൂ​രി എ​ന്നി​വ​ർ ച​ട​ങ്ങി​ൽ പ​ങ്കെ​ടു​ത്തു.

ന​ട​നും രാ​ഷ്ട്രീ​യ നേ​താ​വു​മാ​യ ക​മ​ൽ ഹാ​സ​ന്‍റെ സാ​ന്നി​ധ്യ​വും ശ്ര​ദ്ധി​ക്ക​പ്പെ​ട്ടു.