Latest News
മ​ഹാ​രാ​ഷ്ട്ര​യി​ലെ നാ​ല് ക്ഷേ​ത്ര​ങ്ങ​ളി​ൽ ഭ​ക്ത​ർ​ക്ക് ഡ്ര​സ് കോ​ഡ് ഏ​ർ​പ്പെ​ടു​ത്തി
മ​ഹാ​രാ​ഷ്ട്ര​യി​ലെ നാ​ല് ക്ഷേ​ത്ര​ങ്ങ​ളി​ൽ ഭ​ക്ത​ർ​ക്ക് ഡ്ര​സ് കോ​ഡ് ഏ​ർ​പ്പെ​ടു​ത്തി
Saturday, May 27, 2023 4:13 AM IST
മും​ബൈ: മ​ഹാ​രാ​ഷ്ട്ര​യി​ലെ നാ​ല് ക്ഷേ​ത്ര​ങ്ങ​ളി​ൽ ഭ​ക്ത​ർ​ക്കാ​യി ഡ്ര​സ് കോ​ഡ് ഏ​ർ​പ്പെ​ടു​ത്തി. മ​ഹാ​രാ​ഷ്ട്ര മ​ന്ദി​ർ മ​ഹാ​സം​ഘ (മ​ഹാ​രാ​ഷ്ട്ര​യി​ലെ ക്ഷേ​ത്ര​ങ്ങ​ളു​ടെ ഫെ​ഡ​റേ​ഷ​ൻ) സം​സ്ഥാ​ന​ത്തു​ട​നീ​ള​മു​ള്ള ക്ഷേ​ത്ര​ങ്ങ​ളി​ൽ ഭ​ക്ത​ർ​ക്കാ​യി ഡ്ര​സ് കോ​ഡ് ഏ​ർ​പ്പെ​ടു​ത്തി​യ​താ​യി സം​ഘ​ട​ന​യു​ടെ കോ-​ഓ​ർ​ഡി​നേ​റ്റ​ർ സു​നി​ൽ ഘ​ൻ​വ​ത് ആ​ണ് മാ​ധ്യ​മ​പ്ര​വ​ർ​ത്ത​ക​രോ​ട് പ​റ​ഞ്ഞ​ത്.

ധ​ന്തോ​ളി​യി​ലെ ഗോ​പാ​ൽ​കൃ​ഷ്ണ ക്ഷേ​ത്രം, ബെ​ല്ലോ​രി​യി​ലെ സ​ങ്ക​ത്മോ​ച​ൻ പ​ഞ്ച്മു​ഖി ഹ​നു​മാ​ൻ ക്ഷേ​ത്രം (സാ​വോ​ന​ർ), ക​നോ​ലി​ബാ​ര​യി​ലെ ബൃ​ഹ​സ്പ​തി ക്ഷേ​ത്രം, ന​ഗ​ര​ത്തി​ലെ കുന്നിൻപ്രദേശത്ത് സ്ഥിതി ചെയ്യുന്ന ദു​ർ​ഗ​മാ​താ ക്ഷേ​ത്രം എ​ന്നി​വി​ട​ങ്ങ​ളി​ൽ വെ​ള്ളി​യാ​ഴ്ച മു​ത​ൽ ഈ ​തീ​രു​മാ​നം ന​ട​പ്പാ​ക്കി.

ക്ഷേ​ത്ര​ത്തി​ലെ​ത്തു​ന്ന ഭ​ക്ത​ർ ആ​ക്ഷേ​പ​ക​ര​മാ​യ വ​സ്ത്ര​ങ്ങ​ൾ ധ​രി​ക്ക​രു​തെ​ന്ന് സു​നി​ൽ ഘ​ൻ​വ​ത് അ​റി​യി​ച്ചു. ഫെ​ബ്രു​വ​രി​യി​ൽ ജ​ൽ​ഗാ​വി​ൽ ന​ട​ന്ന മ​ഹാ​രാ​ഷ്ട്ര ടെ​മ്പി​ൾ ട്ര​സ്റ്റ് കൗ​ൺ​സി​ൽ യോ​ഗ​ത്തി​ന് ശേ​ഷ​മാ​ണ് ഈ ​തീ​രു​മാ​നം കൈ​ക്കൊ​ണ്ട​തെ​ന്നും അ​ദ്ദേ​ഹം വ്യ​ക്ത​മാ​ക്കി.


ക്ഷേ​ത്ര​ങ്ങ​ളു​ടെ പ​വി​ത്ര​ത സം​ര​ക്ഷി​ക്കു​ക എ​ന്ന​താ​ണ് സം​ഘ​ട​ന​യു​ടെ പ്രാ​ഥ​മി​ക ല​ക്ഷ്യ​മെ​ന്നും ഇ​ത്ത​രം ഡ്ര​സ് കോ​ഡു​ക​ൾ പ​ല ക്ഷേ​ത്ര​ങ്ങ​ളി​ലും നി​ല​വി​ലു​ണ്ടെ​ന്നും സു​നി​ൽ ഘ​ൻ​വ​ത് അ​വ​കാ​ശ​പ്പെ​ട്ടു.

സ​ർ​ക്കാ​രി​ന്‍റെ നി​യ​ന്ത്ര​ണ​ത്തി​ലു​ള്ള ക്ഷേ​ത്ര​ങ്ങ​ളി​ലും ഡ്ര​സ് കോ​ഡ് ന​ട​പ്പാ​ക്കാ​ൻ മ​ഹാ​രാ​ഷ്ട്ര മു​ഖ്യ​മ​ന്ത്രി ഏ​ക​നാ​ഥ് ഷി​ൻ​ഡെ, ഉ​പ​മു​ഖ്യ​മ​ന്ത്രി ദേ​വേ​ന്ദ്ര ഫ​ഡ്‌​നാ​വി​സ് എ​ന്നി​വ​രോ​ടും അ​ഭ്യ​ർ​ഥി​ക്കു​മെ​ന്നും അ​ദ്ദേ​ഹം പ​റ​ഞ്ഞു.

കു​റ​ച്ച് ദി​വ​സ​ങ്ങ​ൾ​ക്ക് മു​മ്പ്, ഒ​സ്മാ​നാ​ബാ​ദ് ജി​ല്ല​യി​ലെ തു​ൾ​ജാ ഭ​വാ​നി ക്ഷേ​ത്ര​ത്തി​ന്‍റെ പ​രി​സ​ര​ത്ത് ഷോ​ർ​ട്ട്‌​സും ബ​ർ​മു​ഡ​യും പോ​ലു​ള്ള വ​സ്ത്ര​ങ്ങ​ൾ നി​രോ​ധി​ക്കാ​ൻ ശ്ര​മി​ച്ചി​രു​ന്നു. എ​ന്നാ​ൽ സം​ഭ​വം വി​വാ​ദ​മാ​യ​തി​നെ തു​ട​ർ​ന്ന് മ​ണി​ക്കൂ​റു​ക​ൾ​ക്ക​കം ഉ​ത്ത​ര​വ് പി​ൻ​വ​ലി​ച്ചു.
Related News
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

<
Copyright @ 2022 , Rashtra Deepika Ltd.