തി​രു​വ​ന​ന്ത​പു​രം: ഈ സീ​സ​ണി​ൽ ക​ർ​ഷ​ക​രി​ൽ നി​ന്ന് ശേ​ഖ​രി​ച്ച നെ​ല്ലി​ന്‍റെ വി​ല മു​ഴു​വ​നും കൊ​ടു​ത്തു തീ​ർ​ക്കു​ന്ന​തി​ന് ആ​വ​ശ്യ​മാ​യ 400 കോ​ടി രൂ​പ കൂ​ടി വാ​യ്പ​യാ​യി അ​നു​വ​ദി​യ്ക്കാ​ൻ ബാ​ങ്കിം​ഗ് ക​ൺ​സോ​ർ​ഷ്യ​വു​മാ​യി ധാ​ര​ണ​യാ​യ​താ​യി ഭ​ക്ഷ്യ, സി​വി​ൽ സ​പ്ലൈ​സ് മ​ന്ത്രി ജി. ​ആ​ർ. അ​നി​ൽ അ​റി​യി​ച്ചു. 2023 മാ​ർ​ച്ച് 28 വ​രെ സം​ഭ​രി​ച്ച നെ​ല്ലി​ന്‍റെ തു​ക പൂ​ർ​ണ​മാ​യും ന​ൽ​കി​യി​രു​ന്നു.

മേ​യ് 15 വ​രെ പി​ആ​ർ​എ​സ് ന​ല്കി​യ നെ​ല്ലി​ന്‍റെ വി​ല ക​ർ​ഷ​ക​ർ​ക്ക് നി​ല​വി​ൽ വി​ത​ര​ണം ചെ​യ്തു​വ​രി​ക​യാ​ണ്. മേ​യ് 15 ന് ​ശേ​ഷം ശേ​ഖ​രി​ച്ച നെ​ല്ലി​ന്‍റെ തു​ക ക​ർ​ഷ​ക​ർ​ക്ക് ന​ൽ​കാ​ൻ ക​ഴി​യാ​ത്ത സാ​ഹ​ച​ര്യ​മു​ണ്ടാ​യി​രു​ന്നു. ഇ​തി​നാ​വ​ശ്യ​മാ​യ 400 കോ​ടി രൂ​പ കൂ​ടി അ​നു​വ​ദി​ക്കു​ന്ന​തി​ന് എ​സ്ബി​ഐ, ക​ന​റാ ബാ​ങ്ക്, ഫെ​ഡ​റ​ൽ ബാ​ങ്ക് എ​ന്നി​വ​യു​ൾ​പ്പെ​ടു​ന്ന ബാ​ങ്കിം​ഗ് ക​ൺ​സോ​ർ​ഷ്യ​വു​മാ​യി ന​ട​ത്തി​യ ച​ർ​ച്ച​ക​ളി​ൽ അ​നു​കൂ​ല തീ​രു​മാ​ന​മാ​വു​ക​യാ​യി​രു​ന്നു. ഇ​ത് സം​ബ​ന്ധി​ച്ച് ബാ​ങ്കിം​ഗ് ക​ൺ​സോ​ർ​ഷ്യ​വു​മാ​യി വെള്ളിയാഴ്ച ധാ​ര​ണാ​പ​ത്രം ഒ​പ്പു​വ​യ്ക്കു​മെ​ന്ന് മ​ന്ത്രി അ​റി​യി​ച്ചു.

തു​ക ക​ർ​ഷ​ക​രു​ടെ അ​ക്കൗ​ണ്ടി​ലേ​ക്ക് വി​ത​ര​ണം ചെ​യ്യു​ന്ന​തി​നു​ള്ള ന​ട​പ​ടി​ക​ൾ വെള്ളിയാഴ്ച ​ത​ന്നെ ആ​രം​ഭി​ക്കും. ഇ​തി​നാ​വ​ശ്യ​മാ​യ ന​ട​പ​ടി​ക​ൾ അ​ടി​യ​ന്ത​ര​മാ​യി പൂ​ർ​ത്തി​യാ​ക്കാ​ൻ സ​പ്ലൈ​കോ സി​എം​ഡി​ക്ക് നി​ർ​ദേ​ശം ന​ല്കി​യ​താ​യി മ​ന്ത്രി അ​റി​യി​ച്ചു.