തി​രു​വ​ന​ന്ത​പു​രം: ഓ​ണം സ്പെ​ഷ​ല്‍ ഡ്രൈ​വി​ന്‍റെ ഭാ​ഗ​മാ​യി എ​ക്സൈ​സ് ര​ജി​സ്റ്റ​ര്‍ ചെ​യ്ത​ത് 10469 കേ​സു​ക​ള്‍‌. ഇ​തി​ല്‍ 833 കേ​സു​ക​ള്‍ മ​യ​ക്കു​മ​രു​ന്നു​മാ​യി ബ​ന്ധ​പ്പെ​ട്ട​തും 1851 എ​ണ്ണം അ​ബ്കാ​രി കേ​സു​ക​ളു​മാ​ണ്.

മ​യ​ക്കു​മ​രു​ന്ന് കേ​സു​ക​ളി​ല്‍ 841 പേ​രും അ​ബ്കാ​രി കേ​സു​ക​ളി​ല്‍ 1479 പേ​രും അ​റ​സ്റ്റി​ലാ​യി​ട്ടു​ണ്ട്. ഓ​ഗ​സ്റ്റ് ആ​റി​ന് ആ​രം​ഭി​ച്ച ഓ​ണം സ്പെ​ഷ​ല്‍ ഡ്രൈ​വ് സെ​പ്റ്റം​ബ​ര്‍ അ​ഞ്ചി​നാ​ണ് അ​വ​സാ​നി​ച്ച​ത്. 3.25 കോ​ടി രൂ​പ വി​ല വ​രു​ന്ന മ​യ​ക്കു​മ​രു​ന്നാ​ണ് ഡ്രൈ​വി​ന്‍റെ ഭാ​ഗ​മാ​യി എ​ക്സൈ​സ് പി​ടി​ച്ച​ത്.

ഏ​റ്റ​വു​മ​ധി​കം മ​യ​ക്കു​മ​രു​ന്ന് കേ​സു​ക​ള്‍ റി​പ്പോ​ര്‍​ട്ട് ചെ​യ്ത​ത് എ​റ​ണാ​കു​ളം (92), കോ​ട്ട​യം (90), ആ​ല​പ്പു​ഴ (87) ജി​ല്ല​ക​ളി​ലാ​ണ്. കു​റ​വ് കാ​സ​ര്‍​ഗോ​ഡ് ജി​ല്ല​യി​ല്‍ (8 കേ​സു​ക​ള്‍). അ​ബ്കാ​രി കേ​സു​ക​ള്‍ ഏ​റ്റ​വു​മ​ധി​കം പാ​ല​ക്കാ​ട് (185), കോ​ട്ട​യം (184) ജി​ല്ല​ക​ളി​ലും കു​റ​വ് വ​യ​നാ​ട് (55), ഇ​ടു​ക്കി (81 കേ​സു​ക​ള്‍) ജി​ല്ല​ക​ളി​ലു​മാ​ണ്.

സം​സ്ഥാ​ന​ത്താ​കെ പു​ക​യി​ല സം​ബ​ന്ധി​ച്ച 7785 കേ​സു​ക​ളി​ലാ​യി 15.56 ല​ക്ഷം രൂ​പ പി​ഴ ചു​മ​ത്തി​യി​ട്ടു​ണ്ട്. 2203 കി​ലോ പു​ക​യി​ല ഉ​ത്പ്പ​ന്ന​ങ്ങ​ളാ​ണ് പി​ടി​ച്ച​ത്. ഡ്രൈ​വി​ന്‍റെ ഭാ​ഗ​മാ​യി 409.6 ഗ്രാം ​എം​ഡി​എം​എ, 77.64 ഗ്രാം ​ഹെ​റോ​യി​ന്‍‌, 9 ഗ്രാം ​ബ്രൗ​ണ്‍ ഷു​ഗ​ര്‍‌, 8.6 ഗ്രാം ​ഹാ​ഷി​ഷ്, 32.6 ഗ്രാം ​ഹാ​ഷി​ഷ് ഓ​യി​ല്‍, 83 ഗ്രാം ​മെ​താം​ഫെ​റ്റ​മി​ന്‍, 50.84 ഗ്രാം ​നൈ​ട്രോ​സെ​ഫാം ഗു​ളി​ക​ക​ള്‍‌, 2.8ഗ്രാം ​ട്രെ​മ​ഡോ​ള്‍ എ​ന്നി​വ പി​ടി​ച്ചെ​ടു​ത്തു.

194.46 കി​ലോ ക​ഞ്ചാ​വ്, 310 ക​ഞ്ചാ​വ് ചെ​ടി​ക​ള്‍ എ​ന്നി​വ​യും ക​സ്റ്റ​ഡി​യി​ലെ​ടു​ത്തു. അ​ബ്കാ​രി കേ​സു​ക​ളി​ല്‍ 1069.1 ലി​റ്റ​ര്‍ ചാ​രാ​യം, 38311 ലി​റ്റ​ര്‍ വാ​ഷ്, 5076.32 ലി​റ്റ​ര്‍ ഇ​ന്ത്യ​ന്‍ നി​ര്‍​മി​ത വി​ദേ​ശ മ​ദ്യം, 585.4 ലി​റ്റ​ര്‍ വ്യാ​ജ​മ​ദ്യം, 1951.25 ലി​റ്റ​ര്‍ അ​ന്യ സം​സ്ഥാ​ന മ​ദ്യം എ​ന്നി​വ​യും പി​ടി​ച്ചി​ട്ടു​ണ്ട്.