കൊ​ളം​ബോ: ഏ​ഷ്യാ ക​പ്പ് സൂ​പ്പ​ർ ഫോ​റി​ലെ ത്രി​ല്ല​ർ പോ​രാ​ട്ട​ത്തി​ൽ പാ​ക്കി​സ്ഥാ​നെ ര​ണ്ട് വി​ക്ക​റ്റി​ന് വീ​ഴ്ത്തി ശ്രീ​ല​ങ്ക ഫൈ​ന​ലി​ൽ. അ​വ​സാ​ന ഓ​വ​ർ വ​രെ നീ​ണ്ടു​നി​ന്ന പോ​രാ​ട്ട​ത്തി​ൽ, ഭാ​ഗ്യം വി​രു​ന്നെ​ത്തി​യ​തി​നൊ​പ്പം പ്രാ​യോ​ഗി​ക​ബു​ദ്ധി വി​നി​യോ​ഗി​ച്ച​തോ​ടെ​യാ​ണ് ല​ങ്ക ഇ​ന്ത്യ​യു​മാ​യു​ള്ള ഫൈ​ന​ലി​ന് ക​ള​മൊ​രു​ക്കി​യ​ത്.

മ​ഴ വി​രു​ന്നെ​ത്തി​യ ക​ളി​യി​ൽ, പാ​ക്കി​സ്ഥാ​ൻ പ​ടു​ത്തു​യ​ർ​ത്തി​യ 252 റ​ൺ​സ് ത​ന്നെ​യാ​ണ് ല​ങ്ക​യ്ക്ക് ഡി​എ​ൽ​എ​സ് നി​യ​മ​പ്ര​കാ​രം വി​ജ​യ​ല​ക്ഷ്യ​മാ​യി നി​ശ്ച​യി​ക്ക​പ്പെ​ട്ട​ത്. ഓ​രോ റ​ണ്ണും വി​ല​പ്പെ​ട്ട​താ​യ പോ​രാ​ട്ട​ത്തി​ൽ, വെ​ട്ടി​ച്ചു​രു​ക്കി​യ സ​മ​യ​പ​രി​ധി​യാ​യ 42-ാം ഓ​വ​റി​ന്‍റെ അ​വ​സാ​ന പ​ന്തി​ലാ​ണ് ല​ങ്ക ഈ ​സ്കോ​റി​ലേ​ക്ക് എ​ത്തി​യ​ത്.

സ്കോ​ർ:
പാ​ക്കി​സ്ഥാ​ൻ 252/7(42)
ശ്രീ​ല​ങ്ക 252/8(42)

ആ​റ് ബോ​ളി​ൽ എ​ട്ട് റ​ൺ​സ് എ​ന്ന​താ​യി​രു​ന്നു 41-ാം ഓ​വ​റി​ന്‍റെ ഒ​ടു​വി​ൽ ല​ങ്ക​യ്ക്ക് മു​മ്പി​ലു​ള്ള വി​ജ​യ​സ​മ​വാ​ക്യം. ആ​ദ്യ പ​ന്തി​ൽ ഒ​രു റ​ൺ വി​ട്ടു​ന​ൽ​കി​യ സ​മാ​ൻ ഖാ​ൻ അ​ടു​ത്ത പ​ന്ത് ഡോ​ട്ട്ബോ​ൾ ആ​ക്കി. മൂ​ന്നാം പ​ന്തി​ൽ ച​രി​ത് അ​സ​ല​ങ്ക(49*) നേ​ടി​യ സിം​ഗി​ളി​ന്‍റെ ബ​ല​ത്തി​ൽ ക്രീ​സി​ലെ​ത്തി​യ പ്ര​മോ​ദ് മ​ധു​ഷ​ൻ(1), ഓ​ട​ണോ വേ​ണ്ട​യോ എ​ന്ന സം​ശ​യ​ത്തി​ൽ നി​ന്നു​പോ​യി. കീ​പ്പ​ർ ന​ൽ​കി​യ പ​ന്ത് കൃ​ത്യ​മാ​യി നോ​ൺ സ്ട്രൈ​ക്ക​ർ സ്റ്റം​പ്സി​ൽ കൊ​ള്ളി​ച്ച ഖാ​ൻ ല​ങ്ക​യെ നി​രാ​ശ​യി​ലാ​ക്കി.

അ​ഞ്ചാം പ​ന്തി​ൽ കീ​പ്പ​റു​ടെ കൈ​യ്ക്ക് തൊ​ട്ട​രി​കി​ലൂ​ടെ പാ​ഞ്ഞ പ​ന്ത് അ​സ​ല​ങ്ക​യ്ക്ക് ബൗ​ണ്ട​റി സ​മ്മാ​നി​ച്ചു. അ​വ​സാ​ന പ​ന്തി​ൽ ജ​യി​ക്കാ​ൻ വേ​ണ്ട ര​ണ്ട് റ​ൺ​സ്, യോ​ർ​ക്ക​ർ ലെം​ഗ്തി​ലെ​ത്തി​യ പ​ന്തി​നെ ഡീ​പ് സ്ക്വ​യ​ർ ലെ​ഗ്ഗി​ലേ​ക്ക് പാ​യി​ച്ച് അ​സ​ല​ങ്ക ഓ​ടി​യെ​ടു​ത്തു. വാ​യു​വി​ൽ കു​തി​ച്ച് ചാ​ടി അ​സ​ല​ങ്ക വി​ജ​യം ആ​ഘോ​ഷി​ച്ച​പ്പോ​ൾ പ​രി​ക്ക് മൂ​ലം ത​ള​ർ​ന്ന ബൗ​ളിം​ഗ് നി​ര​യു​മാ​യി എ​ത്തി​യ പാ​ക്കി​സ്ഥാ​ന് മോ​ഹ​ഭം​ഗം.

കു​ശാ​ൽ മെ​ൻ​ഡി​സ് 87 പ​ന്തി​ൽ നേ​ടി​യ 91 റ​ൺ​സ് ആ​ണ് ല​ങ്ക​ൻ വി​ജ​യ​ത്തി​ന് അ​ടി​ത്ത​റ പാ​കി​യ​ത്. സ​ധീ​ര സ​മ​ര​വി​ക്ര​മ(51 പ​ന്തി​ൽ 48) മി​ക​ച്ച പി​ന്തു​ണ ന​ൽ​കി. പാ​ക്കി​സ്ഥാ​നാ​യി ഇ​ഫ്തി​ഖ​ർ അ​ഹ്മ​ദ് മൂ​ന്നും ഷ​ഹീ​ൻ അ​ഫ്രീ​ദി ര​ണ്ടും വി​ക്ക​റ്റു​ക​ൾ നേ​ടി.

ടോ​സ് നേ​ടി ബാ​റ്റിം​ഗ് തെ​ര​ഞ്ഞെ​ടു​ത്ത പാ​ക്കി​സ്ഥാ​നാ​യി ഓ​പ്പ​ണ​ർ അ​ബ്ദു​ള്ള ഷ​ഫീ​ഖ്(52), മു​ഹ​മ്മ​ദ് റി​സ്വാ​ൻ(73 പ​ന്തി​ൽ 86*), ഇ​ഫ്തി​ഖ​ർ അ​ഹ്മ​ദ്(47) എ​ന്നി​വ​ർ മി​ക​ച്ച പ്ര​ക​ട​ന​മാ​ണ് ന​ട​ത്തി​യ​ത്.