Latest News
സൈക്കിൾ യാത്രക്കിടെ ഷാളില്‍ പിടിച്ചു വലിച്ചു, ബൈക്ക് കയറി 17കാരിക്ക് ദാരുണാന്ത്യം
സൈക്കിൾ യാത്രക്കിടെ ഷാളില്‍ പിടിച്ചു വലിച്ചു, ബൈക്ക് കയറി 17കാരിക്ക് ദാരുണാന്ത്യം
Sunday, September 17, 2023 6:58 PM IST
വെബ് ഡെസ്ക്
ലക്‌നൗ: അക്രമികള്‍ ഷാള്‍ പിടിച്ചുവലിച്ചതിന് പിന്നാലെ റോഡില്‍ വീണ 17കാരി ബൈക്ക് കയറി മരിച്ചു. യുപിയിലെ അംബേദ്ക്കര്‍ നഗറില്‍ ശനിയാഴ്ച ഉച്ചകഴിഞ്ഞാണ് സംഭവം. സൈക്കിളില്‍ വീട്ടിലേക്ക് പോകുകയായിരുന്ന പെണ്‍കുട്ടിയെ അക്രമികള്‍ ശല്യം ചെയ്യുകയും ഷാള്‍ പിടിച്ച് വലിക്കുകയുമായിരുന്നു.

റോഡിലേക്ക് വീണ പെണ്‍കുട്ടിയുടെ മേൽ അക്രമികളിലൊരാളുടെ ബൈക്ക് പാഞ്ഞുകയറുകയായിരുന്നു. ഇതിന്‍റെ സിസിടിവി ദൃശ്യങ്ങളും പുറത്ത് വന്നിട്ടുണ്ട്. അടുത്തുള്ള ആശുപത്രിയിലേക്ക് പെണ്‍കുട്ടിയെ ഉടന്‍ എത്തിച്ചെങ്കിലും ജീവന്‍ രക്ഷിക്കാനായില്ല.



പെണ്‍കുട്ടിയെ മൂന്നു പേര്‍ ചേര്‍ന്നാണ് ശല്യം ചെയ്തതെന്ന് പിതാവ് നല്‍കിയ പരാതിയിലുണ്ട്. ഷാനവാസ്, അര്‍ബാസ്, ഫൈസല്‍ എന്നിവരാണ് പെണ്‍കുട്ടിയെ ശല്യം ചെയ്തതെന്നാണ് സൂചന.

ഫൈസലാണ് പെണ്‍കുട്ടിയുടെ ശരീരത്തില്‍ ബൈക്ക് ഓടിച്ചു കയറ്റിയതെന്നും പരാതിയിലുണ്ട്. കേസെടുത്തെന്നും പ്രതികളെ പിടികൂടിയെന്നും പോലീസ് അറിയിച്ചു. സംഭവത്തില്‍ കൂടുതല്‍ അന്വേഷണം നടക്കുകയാണ്.
Related News
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
<
Copyright @ 2022 , Rashtra Deepika Ltd.