എസ്എഫ്ഐ ക്രിമിനലുകളെ നിലയ്ക്ക് നിർത്തണം: എ.എൻ. രാധാകൃഷ്ണൻ |

Click here for detailed news of all items

എസ്എഫ്ഐ ക്രിമിനലുകളെ നിലയ്ക്ക് നിർത്തണം: എ.എൻ. രാധാകൃഷ്ണൻ

Friday, March 1, 2024 6:40 PM IST

കൊച്ചി: വയനാട് പൂക്കോട് വെറ്റിനറി സർവകലാശാലയിലെ വിദ്യാർഥി സിദ്ധാർഥൻ ക്രൂരമർദ്ദനത്തിനിരയായി കൊല്ലപ്പെട്ട സംഭവത്തിൽ എസ്എഫ്ഐക്കെതിരേ രൂക്ഷവിമർശനവുമായി ബിജെപി സംസ്ഥാന ഉപാധ്യക്ഷൻ എ.എൻ.രാധാകൃഷ്ണൻ രംഗത്ത്.

അധികാരത്തിന്‍റെ അഹങ്കാരത്തിൽ സംസ്ഥാനത്ത് എസ്എഫ്ഐ ക്രിമിനലുകൾ അഴിഞ്ഞാടുകയാണെന്ന് അദ്ദേഹം ആരോപിച്ചു. ഇതിൽ അവസാനത്തേതാണ് പൂക്കോട് വെറ്റിനറി സർവകലാശാലയിലെ സംഭവം.

താലിബാൻ രീതിയിൽ പരസ്യമായി വിചാരണ നടത്തിയ മർദ്ദിച്ച് അവശാനാക്കിയാണ് സിദ്ധാർഥ് എന്ന വിദ്യാർഥിയെ കൊലപ്പെടുത്തിയത്. പ്രതികൾക്ക് സിപിഎം ഒത്താശ ചെയ്യുകയാണ്. എസ്എഫ്ഐ ക്രിമിനൽ സംഘത്തെ നിയന്ത്രിക്കാൻ സിപിഎം തയാറാകണമെന്നും അല്ലെങ്കിൽ പ്രത്യാഘാതം നേരിടേണ്ടിവരുമെന്നും അദ്ദേഹം പറഞ്ഞു.

എസ്എഫ്ഐയിലൂടെ ക്രിമിനൽ പ്രവർത്തനം നടത്തുന്നവരാണ് പിന്നീട് സിപിഎം ഗുണ്ടകളായി മാറുന്നത്. വിദ്യാർഥികളെ ഗുണ്ടകളാക്കാനുള്ള പരിശീലനമാണ് സിപിഎം നൽകുന്നത്. പോലീസും ഭരണ സംവിധാനങ്ങളും ഇതിന് കുടപിടിക്കുകായാണെന്നും എ.എൻ.രാധാകൃഷ്ണൻ ആരോപിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.