കർണാടകയിൽ ഓപ്പറേഷൻ താമര; എംഎൽഎമാർക്ക് 50 കോടി വാഗ്ദാനംചെയ്തെന്ന് സിദ്ധരാമയ്യ
Saturday, April 13, 2024 2:23 PM IST
ബംഗളൂരു: ലോക്സഭാ തെരഞ്ഞെടുപ്പിനു മുന്നോടിയായി കർണാടകയിൽ കോൺഗ്രസ് എംഎൽഎമാരെ ബിജെപി പാളയത്തിലെത്തിക്കാൻ ശ്രമം നടക്കുന്നതായി മുഖ്യമന്ത്രി സിദ്ധരാമയ്യ. എംഎൽഎമാരെ മറുകണ്ടം ചാടിക്കാനായി ബിജെപി 50 കോടി വീതം വാഗ്ദാനംചെയ്തതായി അദ്ദേഹം പറഞ്ഞു.
ഒരു വർഷമായി കർണാടക സർക്കാരിനെ താഴെയിറക്കാനാണ് ബിജെപി ശ്രമിക്കുന്നത്. എന്നാൽ കോൺഗ്രസ് എംഎൽഎമാരിൽ ഒരാൾ പോലും പാർട്ടി വിട്ട് പോവില്ലെന്നും അദ്ദേഹം വ്യക്തമാക്കി.
സിദ്ധരാമയ്യ നിരന്തരം ഇത്തരം ആരോപണങ്ങൾ ഉന്നയിക്കുന്നത് നിർഭാഗ്യകരമാണ്. സമൂഹത്തിന്റെ സഹതാപം നേടാനുള്ളശ്രമം മാത്രമാണിത്. ആരോപണം അടിസ്ഥാനരഹിതമാണന്നുമായിരുന്നു ബിജെപിയുടെ പ്രതികരണം.