പഠന ക്യാംപിലെ കൂട്ടത്തല്ല്: അന്വേഷിക്കാന്‍ കെഎസ്‌യുവിന്‍റെ മൂന്നംഗ സമിതി |

Click here for detailed news of all items

പഠന ക്യാംപിലെ കൂട്ടത്തല്ല്: അന്വേഷിക്കാന്‍ കെഎസ്‌യുവിന്‍റെ മൂന്നംഗ സമിതി

Tuesday, May 28, 2024 8:17 PM IST

തിരുവനന്തപുരം: കെഎസ്‌യു ക്യാംപിലെ കൂട്ടത്തല്ല് അന്വേഷിക്കാന്‍ കെഎസ്‌യുവിന്‍റെ മൂന്നംഗ സമിതി. സംസ്ഥാന ജനറല്‍ സെക്രട്ടറിമാരായ മൂന്നംഗ സമിതിയെ ചുമലപ്പെടുത്തി.

അനീഷ് ആന്‍റണി, അര്‍ജുന്‍ കട്ടയാട്, നിതിന്‍ മണക്കാട്ട് മണ്ണില്‍ എന്നിവരാണ് സമിതി അംഗങ്ങള്‍. പ്രാഥമിക റിപ്പോര്‍ട്ട് ജൂണ്‍ രണ്ടിന് മുന്‍പ് സമര്‍പ്പിക്കണം. അന്തിമ റിപ്പോര്‍ട്ട് ജൂണ്‍ 10ന് സമര്‍പ്പിക്കാനാണ് നിര്‍ദ്ദേശം.

കെപിസിസി അന്വേഷണ കമ്മീഷന്‍ നേരത്തെ പ്രഖ്യാപിച്ചിരുന്നു. മൂന്നംഗ കമ്മീഷന്‍ പ്രാഥമിക റിപ്പോര്‍ട്ടും സമര്‍പ്പിച്ചു. ഇതിന് പിന്നാലെയാണ് കെഎസ്‌യുവും അന്വേഷണ കമ്മീഷനെ പ്രഖ്യാപിച്ചത്.

അതേസമയം, പരിശീലന ക്യാംപിൽ കൂട്ടത്തല്ല് ഉണ്ടായതിനെ തുടർന്ന് സംസ്ഥാന പ്രസിഡന്‍റ് അലോഷ്യസ് സേവ്യറെ മാറ്റണമെന്ന ആവശ്യവുമായി കെപിസിസി അധ്യക്ഷൻ കെ.സുധാകരൻ രംഗത്തെത്തി.

ഇക്കാര്യം ആവശ്യപ്പെട്ട് എഐസിസി നേതൃത്വത്തിന് കത്തു നൽകും. കേരളത്തിന്‍റെ ചുമതലയുള്ള എഐസിസി സെക്രട്ടറി ദീപാദാസ് മുൻഷിക്കാണ് കത്തു നൽകുക. സംഭവം പാർട്ടിക്ക് നാണക്കേടായെന്നും മുകൾത്തട്ടിൽനിന്ന് നടപടി വേണമെന്നുമാണ് നേതൃത്വത്തിന്‍റെ വിലയിരുത്തല്‍.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.