മ​ല​പ്പു​റം: എ​തു സീ​റ്റ് ഒ​ഴി​യ​ണ​മെ​ന്ന കാ​ര്യ​ത്തി​ല്‍ താ​ന്‍ വ​ലി​യ‌ ധ​ര്‍​മ​സ​ങ്ക​ട​ത്തി​ലാ​ണെ​ന്ന് കോ​ണ്‍​ഗ്ര​സ് നേ​താ​വ് രാ​ഹു​ല്‍​ഗാ​ന്ധി. വ​യ​നാ​ട് മ​ണ്ഡ​ല​ത്തി​ലെ എ​ട​വ​ണ്ണ​യി​ല്‍ ന​ല്‍​കി​യ സ്വീ​ക​ര​ണ​ത്തി​ല്‍ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

എ​ന്‍റെ ദൈ​വം രാ​ജ്യ​ത്തെ പാ​വ​ങ്ങ​ളാ​യ ജ​ന​ങ്ങ​ളാ​ണ്. എ​ന്‍റെ ദൈ​വം വ​യ​നാ​ടി​ലെ ജ​ന​ങ്ങ​ളാ​ണ്. എ​ത് മ​ണ്ഡ​ലം ഒ​ഴി​യ​ണ​മെ​ന്ന്‌ നി​ങ്ങ​ൾ പ​റ​യൂ. ഏ​ത് മ​ണ്ഡ​ലം ഒ​ഴി​ഞ്ഞാ​ലും സ്വീ​ക​രി​ച്ചാ​ലും ഞാ​ൻ എ​പ്പോ​ഴും നി​ങ്ങ​ളു​ടെ കൂ​ടെ​യു​ണ്ടാ​വു​മെ​ന്നും രാ​ഹു​ല്‍​ഗാ​ന്ധി പ​റ​ഞ്ഞു.

ഭ​ര​ണ​ഘ​ട​ന സം​ര​ക്ഷി​ക്കാ​നു​ള്ള പോ​രാ​ട്ട​മാ​ണ് തെ​ര​ഞ്ഞെ​ടു​പ്പി​ല്‍ ന​ട​ത്തി​യ​ത്. ഭ​ര​ണ​ഘ​ട​ന ഇ​ല്ലാ​താ​യാ​ല്‍ പാ​ര​മ്പ​ര്യം ഇ​ല്ലാ​താ​കും. ഭ​ര​ണ​ഘ​ട​ന​യെ തൊ​ട്ടു​ക​ളി​ക്ക​രു​തെ​ന്ന് ജ​നം പ്ര​ധാ​ന​മ​ന്ത്രി​യെ ഓ​ര്‍​മ​പ്പെ​ടു​ത്തി. ധാ​ര്‍​ഷ്ട്യ​ത്തെ വി​ന​യം കൊ​ണ്ട് വോ​ട്ട​ര്‍​മാ​ര്‍ തോ​ല്‍​പ്പി​ച്ചു. ഒ​രു ഭാ​ഗ​ത്ത് ഭ​ര​ണ​ഘ​ട​ന​യെ മു​റു​കെ പി​ടി​ച്ച​വ​ർ മ​റു​ഭാ​ഗ​ത്ത് ഏ​ക​പ​ക്ഷീ​യ​മാ​യി തീ​രു​മാ​ന​ങ്ങ​ൾ അ​ടി​ച്ചേ​ൽ​പ്പി​ക്കു​ന്ന​വ​രാ​ണെ​ന്നും രാ​ഹു​ൽ ഗാ​ന്ധി കൂ​ട്ടി​ച്ചേ​ർ​ത്തു.

പ്ര​ധാ​ന​മ​ന്ത്രി​ക്ക് എ​ല്ലാം ദൈ​വം ചെ​യ്തു കൊ​ടു​ക്കും. എ​നി​ക്ക് ഞാ​ൻ ത​ന്നെ ചെ​യ്യ​ണം. വി​ചി​ത്ര​മാ​യ പ​ര​മാ​ത്മാ​വ് ആ​ണ് മോ​ദി​യെ നി​യ​ന്ത്രി​ക്കു​ന്ന​ത്. അ​ദാ​നി​ക്ക് വി​മാ​ന​ത്താ​വ​ള​ങ്ങ​ൾ കൊ​ടു​ക്കാ​ൻ പ​ര​മാ​ത്മാ​വ് പ​റ​യു​ന്നു. പ്ര​ധാ​ന​മ​ന്ത്രി കൊ​ടു​ക്കു​ന്നു'.-​രാ​ഹു​ൽ ഗാ​ന്ധി പ​റ​ഞ്ഞു.

തെ​ര​ഞ്ഞെ​ടു​പ്പി​ലെ മി​ന്നും​ജ​യ​ത്തി​നു പി​ന്നാ​ലെ വ​യ​നാ​ട് മ​ണ്ഡ​ല​ത്തി​ലെ​ത്തി​യ രാ​ഹു​ൽ ഗാ​ന്ധി​ക്ക് യു​ഡി​എ​ഫ് പ്ര​വ​ർ​ത്ത​ക​ർ വ​ൻ സ്വീ​ക​ര​ണ​മാ​ണൊ​രു​ക്കി​യ​ത്. വ​യ​നാ​ട്ടി​ലും റാ​യ്ബ​റേ​ലി​യി​ലും വ​ന്‍ വി​ജ​യം നേ​ടി ഇ​ന്ത്യാ മു​ന്ന​ണി​ക്ക് ക​രു​ത്തേ​കി​യ പ്രി​യ​നേ​താ​വി​നെ കാ​ണാ​ന്‍ അ​തി​രാ​വി​ലെ ത​ന്നെ പ്ര​വ​ര്‍​ത്ത​ക​ര്‍ ത​ടി​ച്ചു​കൂ​ടി​യി​രു​ന്നു. മ​ല​പ്പു​റം ജി​ല്ല​യി​ലെ എ​ട​വ​ണ്ണ​യി​ലെ​ത്തി​യ രാ​ഹു​ൽ വാ​ഹ​ന​ത്തി​ൽ ക​യ​റി ജ​ന​ങ്ങ​ളെ ക​ണ്ടു.

നി​ര​വ​ധി പേ​രാ​ണ് റോ​ഡി​ന് ഇ​രു​വ​ശ​വും രാ​ഹു​ലി​നെ കാ​ണാ​ൻ നി​ര​ന്ന​ത്. തു​ട‍​ർ​ന്ന് പൊ​തു​പ​രി​പാ​ടി​യു​ടെ വേ​ദി​യി​ലേ​ക്കെ​ത്തി​യ രാ​ഹു​ലി​നെ കോ​ൺ​ഗ്ര​സ്, മു​സ്‌​ലിം ലീ​ഗ്, കെ​എ​സ്‍​യു പ​താ​ക​ക​ൾ വീ​ശി​യാ​ണ് പ്ര​വ‍​ർ​ത്ത​ർ സ്വീ​ക​രി​ച്ച​ത്.

റാ​യ്ബ​റേ​ലി​യി​ലും വ​ലി​യ വി​ജ​യം നേ​ടി​യ രാ​ഹു​ല്‍ വ​യ​നാ​ട് മ​ണ്ഡ​ലം ഒ​ഴി​യു​മെ​ന്നാ​ണ് സൂ​ച​ന. ഇ​തു​സം​ബ​ന്ധി​ച്ച പ്ര​ഖ്യാ​പ​നം ഇ​ന്നു​ണ്ടാ​കു​മെ​ന്നാ​ണ് അ​റി​യു​ന്ന​ത്. ഇ​ന്ത്യാ മു​ന്ന​ണി​ക്ക് ക​രു​ത്തേ​കാ​ന്‍ രാ​ഹു​ല്‍ ഉ​ത്ത​രേ​ന്ത്യ​യി​ല്‍ ഉ​ണ്ടാ​ക​ണ​മെ​ന്ന തീ​രു​മാ​ന​ത്തി​ന്‍റെ അ​ടി​സ്ഥാ​ന​ത്തി​ലാ​ണ് രാ​ഹു​ല്‍ വ​യ​നാ​ട് മ​ണ്ഡ​ലം ഒ​ഴി​യു​ന്ന​ത്.