300 കോടിയുടെ കുടുംബ സ്വത്തിനുവേണ്ടി ഭർതൃപിതാവിനെ കൊലപ്പെടുത്തി; മരുമകൾ അറസ്റ്റിൽ
Wednesday, June 12, 2024 7:45 PM IST
നാഗ്പുർ: 300 കോടിരൂപയുടെ കുടുംബ സ്വത്തിനുവേണ്ടി ഭർതൃപിതാവിനെ ക്വട്ടേഷന് സംഘത്തെ ഉപയോഗിച്ച് കൊലപ്പെടുത്തിയ കേസിൽ മരുമകൾ അറസ്റ്റിൽ.
നാഗ്പുര് സ്വദേശിയായ പുരുഷോത്തം പുട്ടേവാര് കാറിടിച്ച് മരിച്ച സംഭവത്തിൽ പുട്ടേവാറിന്റെ മകന്റെ ഭാര്യ അര്ച്ചന മനീഷ് പുട്ടേവാർ (53)നെ അറസ്റ്റ് ചെയ്തെന്ന് പോലീസ് അറിയിച്ചു. നഗരാസൂത്രണ വിഭാഗത്തിൽ അസിസ്റ്റന്റ് ഡയറക്ടറാണ് അർച്ചന.
ഭർത്താവിന്റെ ഡ്രൈവർ ബാഗ്ഡെയുടെയും മറ്റ് രണ്ട് പ്രതികളായ നീരജ് നിംജെ, സച്ചിൻ ധാർമിക് എന്നിവരുടെ സഹായത്തോടെ അർച്ചന കൊലപാതകം ആസൂത്രണം ചെയ്യുകയായിരുന്നു. ഇവർക്ക് പ്രതിഫലമായി ഒരു കോടി രൂപ നൽകിയെന്നും പോലീസ് പറഞ്ഞു.