പൂ​ന്തു​റ: ഡ്യൂ​ട്ടി​ക്കി​ടെ പോ​ലീ​സു​കാ​ര​ന്‍റെ ത​ല​യി​ല്‍ ചു​ടു​ക​ട്ട​കൊ​ണ്ട് അ​ടി​ച്ച പ്ര​തി അ​റ​സ്റ്റി​ൽ. വി​ഴി​ഞ്ഞം കോ​സ്റ്റ​ല്‍ പോ​ലീ​സി​ലെ സീ​നി​യ​ര്‍ സി​പി​ഒ ആ​ല​പ്പു​ഴ കാ​ര്‍​ത്തി​ക​പ​ള്ളി ഗു​ളി​ക​ശേ​രി വീ​ട്ടി​ല്‍ ബി​നു​വി​നു(46) നേ​രെ​യാ​ണ് ആ​ക്ര​മ​ണം ഉ​ണ്ടാ​യ​ത്.

സം​ഭ​വ​ത്തി​ല്‍ പൂ​ന്തു​റ ആ​ലു​കാ​ട് മ​ദ​ര്‍ തെ​രേ​സ കോ​ള​നി സ്വ​ദേ​ശി ജോ​സി​നെ (30) ആ​ണ് പൂ​ന്തു​റ പോ​ലീ​സ് അ​റ​സ്റ്റു ചെ​യ്ത​ത്. ക​ഴി​ഞ്ഞ ഒ​ന്‍​പ​തി​ന് ഉ​ച്ച​യ്ക്ക് 12.30-ഓ​ടെ തി​രു​വ​ല്ലം ഇ​ട​യാ​ര്‍ ഫാ​ത്തി​മ മാ​ത പ​ള്ളി​യ്ക്ക് സ​മീ​പ​മാ​യി​രു​ന്നു സം​ഭ​വം.

ക​ഴി​ഞ്ഞ ഓ​ഗ​സ്റ്റ് 11-ന് ​പ​ള്ളി​വ​ള​പ്പി​ലു​ണ്ടാ​യി​രു​ന്ന കാ​ണി​ക്ക​വ​ഞ്ചി പൊ​ളി​ച്ച് പ​ണം ക​വ​രാ​ന്‍ ശ്ര​മി​ച്ച​തി​ന് കേ​സി​ല്‍​പ്പെ​ട്ടി​രു​ന്ന ആ​ളാ​യി​രു​ന്നു പ്ര​തി​യാ​യ ജോ​സ്. അ​ന്ന് ഇ​യാ​ളെ ത​ട​യു​ക​യും പോ​ലീ​സി​ല്‍ പി​ടി​ച്ചേ​ല്‍​പ്പി​ക്കു​ക​യും ചെ​യ്ത​ത് ഡ്യൂ​ട്ടി​യി​ലു​ണ്ടാ​യി​രു​ന്ന ബി​നു​വാ​യി​രു​ന്നു.

ക​ഴി​ഞ്ഞ ബു​ധ​നാ​ഴ്ച ജോ​സ് വീ​ണ്ടും പ​ള്ളി​വ​ള​പ്പി​ലെ​ത്തി​യ​പ്പോ​ള്‍ ഡ്യൂ​ട്ടി​യി​ലു​ണ്ടാ​യി​രു​ന്ന ബി​നു ചോ​ദ്യം ചെ​യ്തി​രു​ന്നു. ഇ​തി​ന്‍റെ വൈ​രാ​ഗ്യ​ത്തി​ല്‍ സ​മീ​പ​ത്തു​ണ്ടാ​യി​രു​ന്ന ചു​ടു​ക​ട്ട​യെ​ടു​ത്ത് ബി​നു​വി​ന്‍റെ ത​ല​യി​ല്‍ അ​ടി​ച്ചു​പൊ​ട്ടി​ക്കു​ക​യാ​യി​രു​ന്നു.

പോ​ലീ​സു​കാ​ര​ന്‍റെ ഡ്യൂ​ട്ടി ത​ട​സ​പ്പെ​ടു​ത്തി​യ​തി​നും ആ​ക്ര​മി​ച്ച​തി​നും പ്ര​തി​ക്കെ​തി​രേ വ​ധ​ശ്ര​മ​ത്തി​ന് കേ​സെ​ടു​ത്തു. കോ​ട​തി​യി​ല്‍ ഹാ​ജ​രാ​ക്കി​യ പ്ര​തി​യെ റി​മാ​ന്‍​ഡ് ചെ​യ്തു.