കുതിച്ചുകയറി സ്വര്ണവില; 1200 രൂപ കൂടി
Saturday, August 30, 2025 11:10 AM IST
കൊച്ചി: സംസ്ഥാനത്ത് സ്വര്ണവില വർധിച്ചു. പവന് ഇന്ന് 1200 രൂപ കൂടിയതോടെ സ്വര്ണവില സര്വകാല റിക്കാര്ഡ് എന്ന നിലയില് എത്തി.
76,960 രൂപയാണ് ഒരു പവന് സ്വര്ണത്തിന്റെ വില. ഗ്രാമിന് 150 രൂപയാണ് വര്ധിച്ചത്. 9620 രൂപയാണ് ഒരു ഗ്രാം സ്വര്ണത്തിന്റെ വില.
ഈ മാസത്തിന്റെ തുടക്കത്തില് 73,200 രൂപയായിരുന്നു സ്വര്ണവില. ഒരു മാസം കൊണ്ട് 3700 രൂപയാണ് വര്ധിച്ചത്. എട്ടിന് 75,760 രൂപയായിരുന്നു സ്വര്ണവില. പിന്നീട് 20-ാം തീയതി വരെയുള്ള കാലയളവില് 2300 രൂപ താഴ്ന്ന സ്വര്ണവില തുടര്ന്നുള്ള ദിവസങ്ങളില് തിരിച്ചുകയറുന്നതാണ് ദൃശ്യമായത്.