ചെ​ന്നൈ: അ​ടു​ത്ത​വ​ർ​ഷം ന​ട​ക്കു​ന്ന നി​യ​സ​ഭാ തെ​ര​ഞ്ഞെ​ടു​പ്പി​ന് പാ​ർ​ട്ടി​യെ സ​ജ്ജ​മാ​ക്കു​ക​യെ​ന്ന് ല​ക്ഷ്യ​ത്തോ​ടെ ടി​വി​കെ നേ​താ​വ് വി​ജ​യ്‌ ന​യി​ക്കു​ന്ന ആ​ദ്യ സം​സ്ഥാ​ന പ​ര്യ​ട​നം ഇ​ന്നാ​രം​ഭി​ക്കും. തി​രു​ച്ചി​റ​പ്പ​ള്ളി ഗാ​ന്ധി മാ​ർ​ക്ക​റ്റാ​ണ് ഉ​ദ്ഘാ​ട​ന വേ​ദി.

രാ​വി​ലെ 10.30ന് ​തി​രു​ച്ചി​റ​പ്പ​ള്ളി​യി​ൽ​നി​ന്ന് ആ​രം​ഭി​ക്കു​ന്ന പ​ര്യ​ട​നം എ​ല്ലാ ജി​ല്ല​ക​ളി​ലും എ​ത്തി കു​ടും​ബാം​ഗ​ങ്ങ​ളെ കാ​ണു​മെ​ന്ന് സാ​മൂ​ഹി​ക​മാ​ധ്യ​മ സ​ന്ദേ​ശ​ത്തി​ൽ വി​ജ​യ് പ​റ​ഞ്ഞു. ‘നി​ങ്ങ​ളു​ടെ വി​ജ​യ് ഇ​താ വ​രു​ന്നു' എ​ന്ന മു​ദ്രാ​വാ​ക്യ​മു​യ​ർ​ത്തി ന​ട​ത്തു​ന്ന പ​ര്യ​ട​ന​ത്തി​ന്‍റെ ലോ​ഗോ വ്യാ​ഴാ​ഴ്ച പു​റ​ത്തി​റ​ക്കി​യി​രു​ന്നു.

പ​ര്യ​ട​ന​ത്തി​നും പൊ​തു​യോ​ഗ​ങ്ങ​ൾ​ക്കും ക​ർ​ശ​ന ഉ​പാ​ധി​ക​ളോ​ടെ​യാ​ണ് ത​മി​ഴ്‌​നാ​ട് പോ​ലീ​സ് അ​നു​മ​തി ന​ൽ​കി​യി​രി​ക്കു​ന്ന​ത്. 38 ജി​ല്ല​ക​ളി​ലൂ​ടെ​യും ക​ട​ന്നു​പോ​കു​ന്ന പ​ര്യ​ട​നം ഡി​സം​ബ​ർ 20 വ​രെ തു​ട​രും. ശ​നി​യാ​ഴ്ച​ക​ളി​ലും ഏ​താ​നും ഞാ​യ​റാ​ഴ്ച​ക​ളി​ലു​മാ​ണ് പ​ര്യ​ട​ന​വും പൊ​തു​സ​മ്മേ​ള​ന​ങ്ങ​ളും ന​ട​ക്കു​ന്ന​ത്.

ആ​ദ്യ​ദി​നം തി​രു​ച്ചി​റ​പ്പ​ള്ളി ഗാ​ന്ധി മാ​ർ​ക്ക​റ്റ് പോ​ലീ​സ് സ്റ്റേ​ഷ​ന​ടു​ത്തു​ള്ള ഗാ​ന്ധി പ്ര​തി​മ​യ്ക്കു സ​മീ​പ​ത്താ​ണ് പൊ​തു​സ​മ്മേ​ള​നം. അ​ന്നു​ത​ന്നെ പെ​ര​മ്പ​ലൂ​ർ, അ​രി​യാ​ലൂ​ർ ജി​ല്ല​ക​ളി​ലും പൊ​തു​യോ​ഗ​മു​ണ്ടാ​വും. ഡി​സം​ബ​ർ 20ന് ​മ​ധു​ര​യി​ലാ​ണ് സ​മാ​പ​ന സ​മ്മേ​ള​നം.