ന്യൂ​യോ​ർ​ക്ക്: ഇ​സ്ര​യേ​ൽ പ്ര​ധാ​ന​മ​ന്ത്രി ബെ​ഞ്ച​മി​ൻ നെ​ത​ന്യാ​ഹു ഇ​ന്ന് വൈ​റ്റ്ഹൗ​സി​ൽ യു​എ​സ് പ്ര​സി​ഡ​ന്‍റ് ഡോ​ണ​ൾ​ഡ് ട്രം​പു​മാ​യി കൂ​ടി​ക്കാ​ഴ്ച ന​ട​ത്തും. ഗാ​സ​യി​ലെ വെ​ടി​നി​ർ​ത്ത​ലി​നും ഹ​മാ​സ് ബ​ന്ദി​ക​ളാ​ക്കി​യ ഇ​സ്ര​യേ​ൽ പൗ​ര​ൻ​മാ​രു​ടെ മോ​ച​ന​ത്തി​നും ട്രം​പ് ഇ​ന്ന​ത്തെ കൂ​ടി​ക്കാ​ഴ്ച​യി​ൽ പു​തി​യ 21 ഇ​ന ക​രാ​ർ അ​വ​ത​രി​പ്പി​ച്ചേ​ക്കും.

അ​റ​ബ് രാ​ഷ്ട്ര​ങ്ങ​ൾ മു​ൻ​കൈ​യെ​ടു​ത്ത് ത​യാ​റാ​ക്കി​യ ക​രാ​റി​ൽ 48 മ​ണി​ക്കൂ​റി​ന​കം ബ​ന്ദി​ക​ളു​ടെ മോ​ച​ന​വും ഗാ​സ​യി​ൽ​നി​ന്ന് ഘ​ട്ട​ങ്ങ​ളാ​യി ഇ​സ്ര​യേ​ലി​ന്‍റെ പി​ൻ​മാ​റ്റ​വും ഉ​ൾ​പ്പെ​ട്ടി​ട്ടു​ണ്ടെ​ന്നാ​ണ് സൂ​ച​ന. ച​ർ​ച്ച​ക​ളു​ടെ ഭാ​ഗ​മാ​യി ഇ​സ്ര​യേ​ലി​ലെ യു​എ​സ് അം​ബാ​സ​ഡ​ർ മൈ​ക്ക് ഹ​ക്ക​ബീ ഈ​ജി​പ്ത് സ​ന്ദ​ർ​ശി​ക്കും.

ഇ​സ്ര​യേ​ലി​ന്‍റെ സ​ഖ്യ​രാ​ഷ്ട്ര​ങ്ങ​ൾ പ​ല​തും പ​ല​സ്തീ​ൻ അ​നു​കൂ​ല നി​ല​പാ​ട് സ്വീ​ക​രി​ക്കു​ക​യും രാ​ജ്യാ​ന്ത​ര കാ​യി​ക-​സാം​സ്കാ​രി​ക പ​രി​പാ​ടി​ക​ളി​ൽ ഇ​സ്ര​യേ​ലി​ന് വി​ല​ക്കേ​ർ​പ്പെ​ടു​ത്താ​നു​ള്ള നീ​ക്ക​ങ്ങ​ൾ സ​ജീ​വ​മാ​കു​ക​യും ചെ​യ്ത പ​ശ്ചാ​ത്ത​ല​ത്തി​ലാ​ണ് നെ​ത​ന്യാ​ഹു - ട്രം​പ് കൂ​ടി​ക്കാ​ഴ്ച.

ഇ​ന്ന​ലെ 77 പേ​ർ കൂ​ടി മ​രി​ച്ച​തോ​ടെ ഗാ​സ​യി​ൽ ആ​കെ കൊ​ല്ല​പ്പെ​ട്ട​വ​രു​ടെ എ​ണ്ണം 66,005 ആ​യി. ഗാ​സ സി​റ്റി​യി​ലെ വ്യോ​മാ​ക്ര​മ​ണ​ത്തി​ൽ, ര​ണ്ട് ബ​ന്ദി​ക​ളു​മാ​യു​ള്ള ബ​ന്ധ​മ​റ്റ​താ​യി അ​റി​യി​ച്ച ഹ​മാ​സ് ഇ​വ​രെ സു​ര​ക്ഷി​ത​സ്ഥാ​ന​ത്തേ​ക്കു മാ​റ്റാ​ൻ 24 മ​ണി​ക്കൂ​ർ നേ​ര​ത്തേ​ക്ക് ആ​ക്ര​മ​ണം നി​ർ​ത്തി​വ​യ്ക്ക​ണ​മെ​ന്ന് ആ​വ​ശ്യ​പ്പെ​ട്ടു.