ചെ​ന്നൈ: ത​മി​ഴ്നാ​ട്ടി​ലെ ക​രൂ​രി​ൽ ന​ട​നും രാ​ഷ്‌​ട്രീ​യ നേ​താ​വു​മാ​യ വി​ജ​യ്‌​യു​ടെ നേ​തൃ​ത്വ​ത്തി​ൽ ന​ട​ന്ന റാ​ലി​യി​ലു​ണ്ടാ​യ തി​ക്കി​ലും തി​ര​ക്കി​ലും പെ​ട്ട്41 പേ​ർ​ക്ക് ജീ​വ​ൻ ന​ഷ്ട​മാ​യ സം​ഭ​വ​ത്തി​ൽ ഒ​രാ​ൾ കൂ​ടി ക​സ്റ്റ​ഡി​യി​ൽ. ടി​വി​കെ നേ​താ​വും ക​രൂ​ർ സ്വ​ദേ​ശി​യു​മാ​യ പൗ​ൻ രാ​ജാ​ണ് ക​സ്റ്റ​ഡി​യി​ലാ​യ​ത്. പ​രി​പാ​ടി​ക്ക് അ​നു​മ​തി തേ​ടി സ​മ​ർ​പ്പി​ച്ച അ​പേ​ക്ഷ​യി​ൽ പൗ​ൻ രാ​ജ് ഒ​പ്പി​ട്ടി​രു​ന്നു.

സം​ഭ​വ​ത്തി​ൽ ടി​വി​കെ ക​രൂ​ർ വെ​സ്റ്റ് ജി​ല്ലാ സെ​ക്ര​ട്ട​റി തി​ങ്ക​ളാ​ഴ്ച അ​റ​സ്റ്റി​ലാ​യി​രു​ന്നു. ക​രൂ​ർ വെ​സ്റ്റ് ജി​ല്ലാ സെ​ക്ര​ട്ട​റി മ​തി​യ​ഴ​ക​നാ​ണ് അ​റ​സ്റ്റി​ലാ​യ​ത്.

ഒ​ളി​വി​ൽ ക​ഴി​യ​വേ​യാ​ണ് മ​തി​യ​ഴ​ക​ൻ അ​റ​സ്റ്റി​ലാ​യ​ത്. മ​നഃ​പൂ​ർ​വ​മ​ല്ലാ​ത്ത ന​ര​ഹ​ത്യ ഉ​ൾ​പ്പെ​ടെ​യു​ള്ള വ​കു​പ്പു​ക​ൾ ചു​മ​ത്തി​യാ​ണ് അ​ന്വേ​ഷ​ണ സം​ഘം മ​തി​യ​ഴ​ക​നെ അ​സ്റ്റു ചെ​യ്ത​ത്.

അ​തേ​സ​മ​യം ടി​വി​കെ അ​ധ്യ​ക്ഷ​നു​മാ​യ വി​ജ​യ്‌​ക്കെ​തി​രേ ഗു​രു​ത​ര ആ​രോ​പ​ണ​ങ്ങ​ളു​മാ​യി പോ​ലീ​സ് എ​ഫ്ഐ​ആ​റി​ലു​ള്ള​ത്. വി​ജ​യ് റാ​ലി​ക്കെ​ത്താ​ൻ മ​നഃ​പൂ​ര്‍​വം നാ​ലു​മ​ണി​ക്കൂ​ര്‍ വൈ​കി​യെ​ന്നും ക​രൂ​രി​ൽ അ​നു​മ​തി​യി​ല്ലാ​തെ​യാ​ണ് റോ​ഡ്‍ ഷോ ​ന​ട​ത്തി​യ​തെ​ന്നു​മാ​ണ് എ​ഫ്ഐ​ആ​റി​ലു​ള്ള​ത്.

അ​നു​മ​തി ഇ​ല്ലാ​തെ റോ​ഡി​ൽ നി​ർ​ത്തി സ്വീ​ക​ര​ണം ഏ​റ്റു​വാ​ങ്ങി, ടി​വി​കെ നേ​താ​ക്ക​ൾ​ക്ക് മു​ന്ന​റി​യി​പ്പ് ന​ൽ​കി​യി​ട്ടും അ​നു​സ​രി​ച്ചി​ല്ല എ​ന്നും എ​ഫ്ഐ​ആ​റി​ലു​ണ്ട്. പ​രി​പാ​ടി​ക്കി​ടെ ബോ​ധ​ര​ഹി​ത​രാ​യി 11 പേ​ര്‍ സം​ഭ​വ​സ്ഥ​ല​ത്ത് ത​ന്നെ മ​രി​ച്ചു. പൊ​തു​ജ​ന​ങ്ങ​ള്‍​ക്ക് ബോ​ധ​ക്ഷ​യ​വും ശ്വാ​സ​ത​ട​സ​വു​മു​ണ്ടാ​യി.

മ​ണി​ക്കൂ​റു​ക​ൾ കാ​ത്തി​രു​ന്ന ആ​ളു​ക​ൾ ത​ള​ർ​ന്ന് വീ​ഴു​ക​യാ​യി​രു​ന്നു. ആ​വ​ശ്യ​ത്തി​ന് വെ​ള്ള​മോ മെ​ഡി​ക്ക​ല്‍ സൗ​ക​ര്യ​ങ്ങ​ളോ ഉ​ണ്ടാ​യി​രു​ന്നി​ല്ല. പോ​ലീ​സ് പ​ല​ത​വ​ണ മു​ന്ന​റി​യി​പ്പ് ന​ൽ​കി​യി​ട്ടും സം​ഘാ​ട​ക​ർ ഒ​ന്നും ചെ​യ്തി​ല്ലെ​ന്നും എ​ഫ്‌​ഐ​ആ​റി​ല്‍ പ​റ​യു​ന്നു.