ചെ​ന്നൈ: ക​രൂ​ർ ദു​ര​ന്ത​ത്തി​ൽ ന​ട​നും ത​മി​ഴ​ക വെ​ട്രി ക​ഴ​കം (ടി​വി​കെ) നേ​താ​വു​മാ​യ വി​ജ​യ്‌‌ പ​ര്യ​ട​ന​ത്തി​ന് ഉ​പ​യോ​ഗി​ച്ചി​രു​ന്ന ബ​സ് പി​ടി​ച്ചെ​ടു​ക്കാ​നൊ​രു​ങ്ങി പോ​ലീ​സ്. മ​ദ്രാ​സ് ഹൈ​കോ​ട​തി ജ​ഡ്ജി ജ​സ്റ്റീ​സ് എ​ൻ. ശെ​ന്തി​ൽ​കു​മാ​ർ പു​റ​പ്പെ​ടു​വി​ച്ച ഉ​ത്ത​ര​വി​ന്‍റെ അ​ടി​സ്ഥാ​ന​ത്തി​ലാ​ണ് ന​ട​പ​ടി.

ക​രൂ​ർ ദു​ര​ന്ത​ത്തെ​ക്കു​റി​ച്ച് അ​ന്വേ​ഷി​ക്കാ​ൻ കോ​ട​തി രൂ​പ​വ​ത്ക​രി​ച്ച ത​മി​ഴ്നാ​ട് ഉ​ത്ത​ര മേ​ഖ​ല ഐ​ജി അ​സ്ര ഗാ​ർ​ഗി​ന്‍റെ നേ​തൃ​ത്വ​ത്തി​ലു​ള്ള പ്ര​ത്യേ​ക അ​ന്വേ​ഷ​ണ സം​ഘ​ത്തോ​ടാ​ണ് (എ​സ്ഐ​ടി) വി​ജ​യ് ഉ​പ​യോ​ഗി​ച്ചി​രു​ന്ന പ​ര്യ​ട​ന വാ​ഹ​നം ക​സ്റ്റ​ഡി​യി​ലെ​ടു​ക്കാ​ൻ നി​ർ​ദേ​ശി​ച്ച​ത്. ക​രൂ​ർ ദു​ര​ന്ത​ത്തി​ന്‍റെ കൂ​ടു​ത​ൽ വീ​ഡി​യോ ദൃ​ശ്യ​ങ്ങ​ൾ വി​ജ​യ്‌‌​യു​ടെ പ​ര്യ​ട​ന വാ​ഹ​ന​ത്തി​ന്‍റെ വി​വി​ധ ഭാ​ഗ​ങ്ങ​ളി​ലാ​യി ഘ​ടി​പ്പി​ച്ചി​ട്ടു​ള്ള സി​സി ടി​വി കാ​മ​റ​ക​ളി​ൽ​നി​ന്ന് ശേ​ഖ​രി​ക്കും.

വി​ജ​യ്‌‌‌‌​യു​ടെ കാ​ര​വാ​ൻ വാ​ഹ​ന​ത്തി​ന് വ​ശ​ങ്ങ​ളി​ലാ​യി ആ​രാ​ധ​ക​ർ ബൈ​ക്കു​ക​ളി​ൽ വ​ര​വെ ഉ​ണ്ടാ​യ അ​പ​ക​ട ദൃ​ശ്യ​ങ്ങ​ൾ സ​മൂ​ഹ​മാ​ധ്യ​മ​ങ്ങ​ളി​ൽ വൈ​റ​ലാ​യി​രു​ന്നു. എ​ന്നാ​ൽ ഇ​തു​മാ​യി ബ​ന്ധ​പ്പെ​ട്ട് പ​രാ​തി​ക​ൾ ല​ഭ്യ​മാ​കാ​ത്ത​തി​നാ​ൽ പോ​ലീ​സ് കേ​സെ​ടു​ത്തി​രു​ന്നി​ല്ല. കേ​സെ​ടു​ക്കാ​തെ നി​ഷ്ക്രി​യ​ത്വം പാ​ലി​ച്ച​തി​നെ കോ​ട​തി രൂ​ക്ഷ​മാ​യി വി​മ​ർ​ശി​ക്ക​യും കേ​സ് ര​ജി​സ്റ്റ​ർ ചെ​യ്ത് വാ​ഹ​നം പി​ടി​ച്ചെ​ടു​ക്കു​ക​യും വേ​ണ​മെ​ന്ന് ക​ർ​ശ​ന നി​ർ​ദേ​ശം പു​റ​പ്പെ​ടു​വി​ക്കു​ക​യു​മാ​യി​രു​ന്നു.