ധാക്കയിൽ രണ്ട് ഫാക്ടറികളിൽ തീപിടുത്തം; 16 മരണം

ധാ​ക്ക: കെ​മി​ക്ക​ൽ ഫാ​ക്ട​റി​യി​ലും ടെ​ക്സ്റ്റൈ​ൽ ഫാ​ക്ട​റി​യി​ലും തീ​പി​ടി​ച്ച് 16 പേ​ർ കൊ​ല്ല​പ്പെ​ട്ടു. ബം​ഗ്ലാ​ദേ​ശ് ത​ല​സ്ഥാ​ന​മാ​യ ധാ​ക്ക​യി​ലാണ് സംഭവം. കെ​മി​ക്ക​ൽ ഫാ​ക്‌​ട​റി​യു​ടെ ഗോ​ഡൗ​ണി​ൽനി​ന്ന് ഉ​യ​ർ​ന്ന തീ ​ടെ​ക്സ്റ്റൈ​ൽ ഫാ​ക്ട​റി​യി​ലേ​ക്ക് വ്യാ​പി​ക്കുകയായിരുന്നു.

അ​ഗ്നി​ര​ക്ഷാ​സേ​നാം​ഗ​ങ്ങ​ൾ​ ഇ​വി​ടേ​ക്ക് പ്ര​വേ​ശി​ക്കാ​ൻ ബുദ്ധിമുട്ടുകയാണ്. തീ​പി​ടി​ക്കു​ന്ന​തി​ന് തൊ​ട്ടു​മു​ന്പ് ഇ​വി​ടെ വ​ലി​യ സ്ഫോ​ട​ന ശബ്ദം കേ​ട്ടതായി വി​വ​ര​മു​ണ്ട്.

തീ​പി​ടി​ത്ത​ത്തി​ൽ മ​രി​ച്ച​ത് ടെ​ക്സ്റ്റൈ​ൽ ഫാ​ക്ട​റി​യി​ൽ ഉ​ണ്ടാ​യി​രു​ന്ന​വ​രാ​ണെന്ന് ധാ​ക്ക ഫ​യ​ർ സ​ർ​വീ​സ് ഡി​പ്പാ​ർ​ട്ട്‌​മെ​ന്‍റ് ഡ​യ​റ​ക്ട​ർ താ​ജു​ൽ ഇ​സ്ലാം ചൗ​ധ​രി പ​റ​ഞ്ഞു. കെ​മി​ക്ക​ൽ ഫാ​ക്ട​റി​യി​ലും ജീ​വ​ന​ക്കാ​രും മ​രി​ച്ചി​ട്ടു​ണ്ടാ​കാ​മെ​ന്നാ​ണ് ക​രു​തു​ന്ന​ത്.

സു​ര​ക്ഷാ മാ​ന​ദ​ണ്ഡ​ങ്ങ​ൾ​ക്ക് പു​ല്ലു​വി​ല ക​ൽ​പ്പി​ക്ക​പ്പെ​ടു​ന്ന ബം​ഗ്ലാ​ദേ​ശി​ൽ ഇ​ത്ത​രം അ​പ​ക​ട​ങ്ങ​ൾ പ​തി​വാ​ണ്. ക​ഴി​ഞ്ഞ വ​ർ​ഷം മാ​ത്രം 26,500ല​ധി​കം തീ​പി​ടു​ത്ത​ങ്ങ​ൾ ബം​ഗ്ലാ​ദേ​ശി​ൽ റി​പ്പോ​ർ​ട്ട് ചെ​യ്യ​പ്പെ​ട്ടി​ട്ടു​ണ്ട്.