"അടിച്ച് പൂക്കുറ്റിയായി' യുവതിയുടെ ഡ്രൈവിംഗ്; സ്കൂട്ടർ യാത്രികരായ ദമ്പതികളെ ഇടിച്ചു വീഴ്ത്തി
"അടിച്ച് പൂക്കുറ്റിയായി' യുവതിയുടെ ഡ്രൈവിംഗ്; സ്കൂട്ടർ യാത്രികരായ ദമ്പതികളെ ഇടിച്ചു വീഴ്ത്തി
Thursday, December 1, 2022 11:51 AM IST
സ്വന്തം ലേഖകൻ
മാഹി: മദ്യലഹരിയിൽ കാർ ഓടിച്ച യുവതി സ്കൂട്ടർ യാത്രികരായ ദമ്പതികളെ ഇടിച്ചു വീഴ്ത്തി. ആളുകൾ കൂടിയതോടെ നടുറോഡിൽ പരാക്രമവും. സംഭവത്തെക്കുറിച്ച് അന്വേഷിച്ച ബൈക്ക് യാത്രികന്‍റെ ഫോൺ തട്ടിപ്പറിച്ച് റോഡിൽ എറിഞ്ഞുടച്ചു.

പന്തക്കൽ പോലീസ് സ്റ്റേഷൻ പരിധിയിലെ പന്തോക്കാവിന് സമീപം ബുധനാഴ്ച വൈകിട്ടായിരുന്നു വടക്കുന്പാട് സ്വദേശിനിയായ യുവതിയുടെ പരാക്രമം. മൂഴിക്കരയിലെ പ്രശാന്തും ഭാര്യയും കുട്ടിയും സഞ്ചരിച്ച സ്കൂട്ടറിലാണ് കാർ ഇടിച്ചത്. അപകടത്തിൽ മൂവർക്കും പരിക്കേറ്റു.

അപകടം നടന്നയുടനെ പരിസരവാസികൾ കൂട്ടമായി എത്തിയതോടെ യുവതി കാറിൽ നിന്നിറങ്ങി അക്രമാസക്തയായിരുന്നു. ഇതിനിടെ ബൈക്ക് യാത്രികനായ പാനൂർ സ്വദേശി എന്താണ് കാര്യമെന്ന് തിരിക്കിയപ്പോൾ പ്രകോപിതയായ യുവതി ഇയാളുടെ മൊബൈൽ ഫോൺ ബലമായി പിടിച്ചെടുത്ത് റോഡിൽ എറിഞ്ഞുടയ്ക്കുകയും സമീപത്തുണ്ടായിരുന്നവരെ കൈയേറ്റം ചെയ്യുകയും ചെയ്തു.

വിവരമറിഞ്ഞ് സ്ഥലത്തെത്തിയ പന്തക്കൽ പോലീസ് യുവതിയെ കസ്റ്റഡിയിലെടുത്തു. മദ്യപിച്ച് വാഹനമോടിച്ചതിന് യുവതിക്കെതിരേ പോലീസ് കേസ് രജിസ്റ്റർ ചെയ്തു. കാറും കസ്റ്റഡിയിലെടുത്തിട്ടുണ്ട്.
Related News
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
<