ഹെയര്‍ ഫിക്സിംഗ് ശസ്ത്രക്രിയയ്ക്ക് വിധേയനായ യുവാവ് മരിച്ചു; നാലുപേര്‍ അറസ്റ്റില്‍
ഹെയര്‍ ഫിക്സിംഗ് ശസ്ത്രക്രിയയ്ക്ക് വിധേയനായ യുവാവ് മരിച്ചു; നാലുപേര്‍ അറസ്റ്റില്‍
Saturday, December 3, 2022 9:39 AM IST
ന്യൂഡല്‍ഹി: ഹെയര്‍ ഫിക്സിംഗ് ശസ്ത്രക്രിയയ്ക്ക് പിന്നാലെ അണുബാധയുണ്ടാവുകയും ആന്തരികാവയവങ്ങളുടെ പ്രവര്‍ത്തനം നിലയ്ക്കുകയും ചെയ്തതിനെത്തുടര്‍ന്ന് യുവാവിന് ദാരുണാന്ത്യം.

ഡല്‍ഹി സ്വദേശി അത്തര്‍ റഷീദാണ് (30) മരിച്ചത്. സംഭവത്തില്‍ നാലുപേര്‍ പോലീസ് പിടിയിലായി.

ടെലിവിഷന്‍ എക്സിക്യൂട്ടീവ് ആയിരുന്ന റഷീദ് മുടി മാറ്റിവയ്ക്കല്‍ ശസ്ത്രക്രിയയ്ക്ക് ലഭിച്ച പ്രത്യേക ഓഫര്‍ സ്വീകരിക്കുകയായിരുന്നു. എന്നാല്‍ ശസ്ത്രക്രിയ പിഴച്ചതോടെ വൃക്കയടക്കമുള്ള അവയവങ്ങള്‍ തകരാറിലായി. സെപ്സിസ് ബാധിച്ച് ഏതാനും മാസങ്ങള്‍ ഇയാൾ കിടപ്പിലായിരുന്നെന്ന് റഷീദിന്‍റെ അമ്മ ആസിയാ ബീഗം പറഞ്ഞു.

ഹെയര്‍ ഫിക്സിംഗ് ശസ്ത്രക്രിയകള്‍ നിസാരമല്ലെന്നും അതുകൊണ്ട് തന്നെ അംഗീകൃത ഡോക്ടര്‍മാരുടെയോ ക്ലിനിക്കുകളുടെയോ സഹായം മാത്രം ഹെയര്‍ ഫിക്സിംഗിനായി തേടണമെന്ന് അസോസിയേഷന്‍ ഓഫ് ഹെയര്‍ റെസ്റ്റോറേഷന്‍ സര്‍ജന്‍സ് ഓഫ് ഇന്ത്യയുടെ സെക്രട്ടറിയായ ഡോ.മായങ്ക് സിംഗ് അഭിപ്രായപ്പെട്ടു.
Related News
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
<