ഹൈ​ദ​രാ​ബാ​ദ്: ഫ്‌​ളാ​റ്റി​ല്‍ വീ​ട്ട​മ്മ​യെ കെ​ട്ടി​യി​ട്ട് പ്ര​ഷ​ര്‍ കു​ക്ക​ര്‍​കൊ​ണ്ട് ത​ല​യ്ക്ക​ടി​ച്ചും ക​ഴു​ത്ത​റ​ത്തും കൊ​ല​പ്പെ​ടു​ത്തി സ്വ​ർ​ണ​വും പ​ണ​വും മോ​ഷ്ടി​ച്ച സം​ഭ​വ​ത്തി​ൽ ര​ണ്ടു​പേ​ർ അ​റ​സ്റ്റി​ൽ. വീ​ട്ടി​ലെ ജോ​ലി​ക്കാ​രാ​യി​രു​ന്ന ഇ​വ​രെ ജാ​ർ​ഖ​ണ്ഡി​ൽ നി​ന്നാ​ണ് പി​ടി​കൂ​ടി​യ​ത്.

പ്ര​ത്യേ​ക സം​ഘം ക​സ്റ്റ​ഡി​യി​ലെ​ടു​ത്ത പ്രതികളെ ഹൈ​ദ​രാ​ബാ​ദി​ൽ എ​ത്തി​ക്കും. വീ​ട്ടി​ലെ സി​സി​ടി​വി​യി​ൽ ഇ​വ​രു​ടെ ചി​ത്രം പ​തി​ഞ്ഞി​രു​ന്നു. സം​ഭ​വ​ത്തി​ന് ശേ​ഷം കു​ളി​ച്ച​തി​ന് ശേ​ഷ​മാ​ണ് പ്ര​തി​ക​ൾ ഫ്ളാ​റ്റി​ൽ നി​ന്നും പോ​യ​ത്.

സൈ​ബ​രാ​ബാ​ദി​ലെ സ്വാ​ന്‍ ലേ​ക്ക് അ​പ്പാ​ര്‍​ട്ട്‌​മെ​ന്‍റി​ല്‍ താ​മ​സി​ക്കു​ന്ന രേ​ണു അ​ഗ​ര്‍​വാ​ള്‍(50) ആ​ണ് കൊ​ല്ല​പ്പെ​ട്ട​ത്. ബു​ധ​നാ​ഴ്ച വൈ​കി​ട്ടോ​ടെ​യാ​ണ് രേ​ണു​വി​നെ 13-ാം നി​ല​യി​ലെ ഫ്‌​ളാ​റ്റി​ല്‍ കൊ​ല്ല​പ്പെ​ട്ട​നി​ല​യി​ല്‍ ക​ണ്ടെ​ത്തി​യ​ത്.

ഫ്‌​ളാ​റ്റി​ലു​ണ്ടാ​യി​രു​ന്ന 40 ഗ്രാം ​സ്വ​ര്‍​ണ​വും ഒ​രു​ല​ക്ഷം രൂ​പ​യും മോ​ഷ​ണം​പോ​യി​രു​ന്നു. പ​ത്തു​ദി​വ​സം മു​ൻ​പ് ഇ​വ​രു​ടെ ഫ്‌​ളാ​റ്റി​ല്‍ ജോ​ലി​ക്കെ​ത്തി​യ ജാ​ര്‍​ഖ​ണ്ഡ് സ്വ​ദേ​ശി ഹ​ര്‍​ഷ​യും മ​റ്റൊ​രു ഫ്‌​ളാ​റ്റി​ലെ ജോ​ലി​ക്കാ​ര​നാ​യ റൗ​ഷാ​ന്‍ എ​ന്ന​യാ​ളു​മാ​ണ് കൊ​ല​പാ​ത​ക​വും ക​വ​ര്‍​ച്ച​യും ന​ട​ത്തി​യ​തെ​ന്ന് പോ​ലീ​സ് പ​റ​ഞ്ഞു.

അ​തി​ക്രൂ​ര​മാ​യാ​ണ് രേ​ണു അ​ഗ​ര്‍​വാ​ളി​നെ പ്ര​തി​ക​ള്‍ കൊ​ല​പ്പെ​ടു​ത്തി​യ​തെ​ന്നാ​ണ് പോ​ലീ​സ് ന​ല്‍​കു​ന്ന​വി​വ​രം. കൈ​കാ​ലു​ക​ള്‍ കെ​ട്ടി​യി​ട്ട് ക​ഴു​ത്ത​റ​ത്ത​നി​ല​യി​ലാ​ണ് വീ​ട്ട​മ്മ​യു​ടെ മൃ​ത​ദേ​ഹം ക​ണ്ടെ​ത്തി​യ​ത്. പ്ര​തി​ക​ള്‍ ധ​രി​ച്ചി​രു​ന്ന വ​സ്ത്ര​ങ്ങ​ള്‍ ചോ​ര​പു​ര​ണ്ട​നി​ല​യി​ല്‍ ഫ്‌​ളാ​റ്റി​ല്‍ ഉ​പേ​ക്ഷി​ച്ചി​രു​ന്നു.

സ്റ്റീ​ല്‍ ബി​സി​ന​സു​കാ​ര​നാ​യ രേ​ണു​വി​ന്‍റെ ഭ​ര്‍​ത്താ​വ് അ​ഗ​ര്‍​വാ​ളും 26കാ​ര​നാ​യ മ​ക​നും ബു​ധ​നാ​ഴ്ച രാ​വി​ലെ പ​ത്തോ​ടെ​യാ​ണ് ഫ്‌​ളാ​റ്റി​ല്‍​നി​ന്ന് സ്ഥാ​പ​ന​ത്തി​ലേ​ക്ക് പോ​യ​ത്. വൈ​കി​ട്ട് അ​ഞ്ചി​ന് അ​ഗ​ര്‍​വാ​ള്‍ ഭാ​ര്യ​യെ ഫോ​ണി​ല്‍ വി​ളി​ച്ചെ​ങ്കി​ലും പ്ര​തി​ക​ര​ണ​മു​ണ്ടാ​യി​ല്ല.

ഇ​തോ​ടെ സം​ശ​യം​തോ​ന്നി​യ ഇ​ദ്ദേ​ഹം നേ​ര​ത്തേ സ്ഥാ​പ​ന​ത്തി​ല്‍​നി​ന്നി​റ​ങ്ങി ഫ്‌​ളാ​റ്റി​ലേ​ക്ക് വ​രി​ക​യാ​യി​രു​ന്നു. എ​ന്നാ​ല്‍, ഫ്‌​ളാ​റ്റി​ന്‍റെ പ്ര​ധാ​ന വാ​തി​ല്‍ അ​ക​ത്തു​നി​ന്ന് പൂ​ട്ടി​യി​ട്ട​നി​ല​യി​ലാ​യി​രു​ന്നു. ഇ​തോ​ടെ ഫ്‌​ളാ​റ്റി​ലെ പ്ലം​ബ​റു​ടെ സ​ഹാ​യ​ത്തോ​ടെ ബാ​ല്‍​ക്ക​ണി​യി​ലെ വാ​തി​ല്‍ തു​റ​ന്നാ​ണ് അ​ക​ത്തു​ക​ട​ന്ന​ത്.

തു​ട​ര്‍​ന്ന് ഫ്‌​ളാ​റ്റി​ല്‍ ന​ട​ത്തി​യ പ​രി​ശോ​ധ​ന​യി​ലാ​ണ് രേ​ണു​വി​നെ കൊ​ല്ല​പ്പെ​ട്ട​നി​ല​യി​ല്‍ ക​ണ്ടെ​ത്തി​യ​ത്. പ്ര​തി​ക​ള്‍ ഉ​പേ​ക്ഷി​ച്ച ചോ​ര​പു​ര​ണ്ട വ​സ്ത്ര​ങ്ങ​ളും ക​ണ്ടെ​ത്തി.

വീ​ട്ട​മ്മ​യു​ടെ കൈ​കാ​ലു​ക​ള്‍ കെ​ട്ടി​യി​ട്ട​ശേ​ഷം പ്ര​തി​ക​ള്‍ പ്ര​ഷ​ര്‍​കു​ക്ക​ര്‍ കൊ​ണ്ട് ഇ​വ​രു​ടെ ത​ല​യ്ക്ക​ടി​ച്ച​താ​യി പോ​ലീ​സ് പ​റ​ഞ്ഞു. ക​ത്തി​യും ക​ത്രി​ക​യും ഉ​പ​യോ​ഗി​ച്ചാ​ണ് ക​ഴു​ത്ത​റ​ത്ത​ത്. കൃ​ത്യം ന​ട​ത്തി​യ​ശേ​ഷം പ്ര​തി​ക​ള്‍ ഫ്‌​ളാ​റ്റി​ലെ കു​ളി​മു​റി​യി​ല്‍​നി​ന്ന് കു​ളി​ക്കു​ക​യും ഇ​തി​നു​ശേ​ഷ​മാ​ണ് വ​സ്ത്രം മാ​റി ര​ക്ഷ​പ്പെ​ട്ട​തെ​ന്നും പോ​ലീ​സ് പ​റ​യു​ന്നു.