എ​ട​ക്ക​ര: ഞാ​റ്റു​പാ​ട്ടി​ന്‍റെ ഈ​ണ​വും താ​ള​വും നെ​ൽ​കൃ​ഷി​യു​മ​റി​യാ​ത്ത ഒ​രു​പ​റ്റം വി​ദ്യാ​ർ​ഥി​ക​ൾ ഞാ​റ്റു​മു​ടി​ക​ളു​മാ​യി ന​ടീ​ലി​ന് ഇ​റ​ങ്ങി​യ​പ്പോ​ൾ ഉ​ഴു​തു മ​റി​ച്ചി​ട്ട നെ​ൽ​വ​യ​ലി​ൽ ഉ​ത്സ​വാ​ന്ത​രീ​ക്ഷം.

പാ​ലേ​മാ​ട് ശ്രീ വി​വേ​കാ​ന​ന്ദ ഹ​യ​ർ സെ​ക്ക​ന്‍​ഡ​റി സ്കൂ​ളിലെ എ​ൻ​എ​സ്എ​സ് യൂ​ണി​റ്റ് അം​ഗ​ങ്ങ​ളാ​യ ഇ​രു​പ​ത്തി​യ​ഞ്ചോ​ളം വി​ദ്യാ​ർ​ഥി​ക​ളാ​ണ് നെ​ൽ​കൃ​ഷി​യെ​ക്കു​റി​ച്ച് അ​റി​യാ​നും പ​ഠി​ക്കാ​നു​മാ​യി ഉ​ഴു​തു​മ​റി​ച്ചി​ട്ട വ​യ​ലി​ലെ ചേ​റി​ൽ ആ​ദ്യ​മാ​യി നൂറുമേനി വിളയിക്കാനിറങ്ങിയത്.

പാ​തി​രി​പ്പാ​ട​ത്തെ തു​രു​ത്തേ​ൽ ബെ​ന്നി എ​ന്ന യു​വ​ക​ർ​ഷ​ക​ന്‍റെ ര​ണ്ടേ​ക്ക​ർ വ​രു​ന്ന നെ​ൽ​വ​യ​ലി​ലാ​ണ് തൊ​ഴി​ലാ​ളി​ക​ൾ​ക്കൊ​പ്പം ഞാ​റ്റു​പാ​ട്ടി​ന്‍റെ ഈ​ണ​വും താ​ള​വും നു​ക​ർ​ന്ന് വി​ദ്യാ​ർ​ഥി​ക​ൾ നെ​ൽ​കൃ​ഷി​യി​ൽ പു​തി​യ അ​റി​വു നേ​ടാ​നി​റ​ങ്ങി​യ​ത്.

അ​ന്യം​ നി​ന്നു​ പോ​കു​ന്ന നെ​ൽ​കൃ​ഷി​യും കാ​ർ​ഷി​ക സം​സ്കാ​ര​വും വീ​ണ്ടെ​ടു​ക്കു​ക എ​ന്ന ല​ക്ഷ്യ​ത്തോ​ടെ അ​ധ്യാ​പ​ക​രു​ടെ​യും കൃ​ഷി ഉ​ദ്യോ​ഗ​സ്ഥ​രു​ടെ​യും പ്രോ​ത്സാ​ഹ​ന​ത്തോ​ടെ ന​ട​ത്തു​ന്ന ശ്ര​മ​ങ്ങ​ളു​ടെ ഭാ​ഗ​മാ​യി​രു​ന്നു വി​ദ്യാ​ർ​ഥി​ക​ളു​ടെ ഞാ​റു​ന​ടീ​ൽ.

വാ​ർ​ഡ് അംഗം ഉ​മ്മു​സ​ൽ​മ ഞാ​റു​ന​ടീ​ൽ ഉ​ത്സ​വം ഉ​ദ്ഘാ​ട​നം ചെ​യ്തു.