ചാ​ത്ത​ങ്കരി റോ​ഡി​ലെ സ്ഥി​രം വെ​ള്ള​ക്കെ​ട്ട് യാ​ത്ര​ക്കാ​ർ​ക്ക് ദു​രി​ത​മാ​യി
Thursday, July 24, 2025 3:55 AM IST
തി​രു​വ​ല്ല: നെ​ടു​മ്പ്രം - ചാ​ത്ത​ങ്ക​രി റോ​ഡി​ൽ വെ​ള്ള​ക്കെ​ട്ട് രൂ​ക്ഷം. സ​മീ​പ​ത്തെ സ്വ​കാ​ര്യ ആ​ശു​പ​ത്രി​യി​ലേ​ക്കു​ള്ള രോ​ഗി​ക​ള​ട​ക്കം നി​ര​വ​ധിപേർ ദി​വ​സ​വും സ​ഞ്ച​രി​ക്കു​ന്ന പാ​ത​യി​ലെ വെ​ള്ള​ക്കെ​ട്ട് ദു​രി​ത​മാ​യി.

തി​രു​വ​ല്ല - അ​മ്പ​ല​പ്പു​ഴ സം​സ്ഥാ​നപാ​ത​യി​ൽ നെ​ടും​മ്പ്രം ജം​ഗ്ഷ​നി​ൽ നി​ന്നും ചാ​ത്ത​ങ്ക​രി റോ​ഡി​ൽ പ്ര​മു​ഖ സ്വ​കാ​ര്യ ആ​ശു​പ​ത്രി​ക്ക് സ​മീ​പ​മാ​ണ് വെ​ള്ള​ക്കെ​ട്ട് രൂ​പ​പ്പെ​ട്ടി​രി​ക്കു​ന്ന​ത്. നാ​ട്ടു​കാ​ർ​ക്കും രോ​ഗി​ക​ൾ​ക്കും വാ​ഹ​നയാ​ത്രി​ക​ർ​ക്കും ഒ​രേപോ​ലെ ബു​ദ്ധി​മു​ട്ടാ​യി മാ​റി​യ വെ​ള്ള​ക്കെ​ട്ട് ര​ണ്ടു​ മാ​സ​മാ​യി അ​തേ​പ​ടി നി​ല​നി​ൽ​ക്കു​ക​യാ​ണ്.

കാ​ല​വ​ർ​ഷം ആ​രം​ഭി​ച്ച​തി​നു പി​ന്നാ​ലെ റോ​ഡി​ൽ വെ​ള്ള​ക്കെ​ട്ട് രൂ​പ​പ്പെ​ടു​ക​യാ​യി​രു​ന്നു. ക​ന​ത്ത മ​ഴ​യി​ൽ പ​ടി​ഞ്ഞാ​റ​ൻ മേ​ഖ​ല​യി​ൽ വെ​ള്ളം ഉ​യ​ർ​ന്ന​തോ​ടെ റോ​ഡി​ലെ വെ​ള്ള​ക്കെ​ട്ട് രൂ​ക്ഷ​മാ​യി. മ​ഴ തു​ട​രു​ന്ന പ​ശ്ചാ​ത്ത​ല​ത്തി​ൽ വെ​ള്ള​ക്കെ​ട്ട് ഒ​ഴി​ഞ്ഞ​തു​മി​ല്ല. മ​ഴ​യു​ടെ ശ​ക്തി കു​റ​ഞ്ഞാ​ലും വെ​ള്ളം ഇറങ്ങുന്നില്ല.

സ്വ​കാ​ര്യ ആ​ശു​പ​ത്രി​ക്ക് സ​മീ​പ​ത്തെ നൂ​റ് മീ​റ്റ​റോ​ളം ദൂ​ര​ത്തി​ൽ ര​ണ്ട് അ​ടി പൊ​ക്ക​ത്തി​ലാ​ണ് വെ​ള്ള​ക്കെ​ട്ടു​ള്ള​ത്. ഇ​ത് പാ​ത​യി​ലെ സ​ഞ്ചാ​ര​ത്തി​നുത​ന്നെ ഭീ​ഷ​ണി​യാ​ണ്. ഇ​രു​ച​ക്ര​വാ​ഹ​ന​ങ്ങ​ളും ഓ​ട്ടോ​റി​ക്ഷ​ക​ളും ഏ​റെ ബു​ദ്ധി​മു​ട്ടി​യാ​ണ് പോ​കു​ന്ന​ത്. കാ​ൽ​ന​ട​യാ​ത്ര അ​സാ​ധ്യ​മാ​യ സാ​ഹ​ച​ര്യ​വു​മാ​ണ്.

സ്കൂ​ൾ ബ​സു​ക​ൾ അ​ട​ക്കം വ​ലി​യ വാ​ഹ​ന​ങ്ങ​ൾ ക​ട​ന്നുപോ​കു​മ്പോ​ൾ എ​തി​രേ വരുന്ന വാ​ഹ​നങ്ങ​ൾ സൈ​ഡ് കൊ​ടു​ക്കാ​നാ​വാ​തെ വാ​ഹ​നക്കുരു​ക്കും നി​ത്യസം​ഭ​വ​മാ​ണ്. റോ​ഡി​ന്‍റെ അ​രി​കി​ലും വെ​ള്ളം നി​റ​ഞ്ഞുകി​ട​ക്കു​ന്ന​തി​നാ​ൽ ഓ​ട​യോ കു​ഴി​യോ ഉ​ണ്ടോ​യെ​ന്നു പോ​ലും ഡ്രൈ​വ​ർ​മാ​ർ​ക്ക് കാണാനാ വുന്നില്ല.

ഇ​തോ​ടെ മ​ധ്യ​ഭാ​ഗം പി​ടി​ച്ചാ​ണ് വാ​ഹ​ന​ങ്ങ​ൾ പോ​കു​ന്ന​ത്. തി​രു​വ​ല്ല - അ​മ്പ​ല​പ്പു​ഴ റോ​ഡ് ന​വീ​ക​ര​ണ​മാ​ണ് വെ​ള്ള​ക്കെ​ട്ട് തു​ട​രാ​ൻ കാ​ര​ണ​മാ​യതെ​ന്നു പ​റ​യു​ന്നു. അ​ശാ​സ്ത്രീ​യ​മാ​യാ​ണ് പ​ല‍​യി​ട​ങ്ങ​ളി​ലും റോ​ഡ് നി​ർ​മി​ച്ച​ത്. റോ​ഡ് ന​വീ​ക​ര​ണ​ഘ​ട്ട​ത്തി​ൽ സ്വ​കാ​ര്യ മ​തി​ലു​ക​ൾ പു​ന​ർ​നി​ർ​മി​ച്ച​തി​നാ​ൽ പ​ല ഭൂ​മി​ക​ളും മ​ണ്ണി​ട്ട് ഉ​യ​ർ​ത്തി​യ​തും സ​മീ​പ​പ്ര​ദേ​ശ​ങ്ങളി​ലെ പെ​യ്ത്തുവെ​ള്ളം താ​ഴ്ന്ന റോ​ഡി​ൽ കെ​ട്ടി​നി​ൽ​ക്കാൻ ഇ​ട​യാക്കി.

ഓ​വു​ചാ​ലു​ക​ൾ ഫ​ല​പ്ര​ദ​മാ​യി നി​ർ​മി​ക്കാ​ത്ത​തും പ്ര​ദേ​ശ​ത്തി​ന്‍റെ സാ​ഹ​ച​ര്യം മ​ന​സി​ലാ​ക്കാ​തെ റോ​ഡ് നി​ർ​മി​ച്ച​തും ദു​രി​തം വി​ളി​ച്ചുവ​രു​ത്തു​ക​യാ​യി​രു​ന്നു. ആ​ശു​പ​ത്രി​ക്കു സ​മീ​പ​ത്തെ ഓ​ട്ടോ​റി​ക്ഷ സ്റ്റാ​ൻ​ഡും യാ​ത്ര​ക്കാ​ർ​ക്ക് തടസമാ​ണ്. സ്ഥ​ല​പ​രി​മി​തി​യും വെ​ള്ള​ക്കെ​ട്ടും കാ​ര​ണം ന​ട്ടംതി​രി​യു​ന്ന​തി​നി​ടെ​യാ​ണ് സു​ഗ​മ​യാ​ത്ര​യ്ക്കു ത​ട​സ​മാ​യി ഓ​ട്ടോ​സ്റ്റാ​ൻ​ഡും സ്ഥാ​പി​ച്ച​ത്.

നെ​ടു​മ്പ്രം ഒ​ന്നാം വാ​ർ​ഡി​ലെ റോ​ഡി​ലെ വെ​ള്ള​ക്കെ​ട്ട് നീ​ക്കംചെ​യ്യ​ണ​മെ​ന്നും യാ​ത്ര​ക്കാ​ർ​ക്കും രോ​ഗി​ക​ൾക്കും പ്ര​യാ​സ​മി​ല്ലാ​തെ യാ​ത്ര​യ്ക്ക് വ​ഴി​യൊ​രു​ക്ക​ണ​മെ​ന്നും നാ​ട്ടു​കാ​ർ അ​ധി​കൃ​ത​രോ​ട് ആ​വ​ശ്യ​പ്പെ​ട്ടി​ട്ട് നാ​ളേ​റെ​യാ​യി. എ​ന്നാ​ൽ പ​രി​ഹാ​ര​മി​ല്ലെ​ന്നു മാ​ത്രം.

റോ​ഡ് മ​ണ്ണി​ട്ട് ഉ​യ​ർ​ത്തി ടാ​ർ ചെ​യ്യാ​ൻ ടെ​ൻ​ഡ​ർ ന​ട​പ​ടി​ക​ൾ ആ​യി​ട്ടു​ണ്ടെ​ന്നാ​ണ് പൊ​തു​മ​രാ​മ​ത്ത് റോ​ഡ് വി​ഭാ​ഗം അ​വ​ർ​ത്തി​ക്കു​ന്ന​ത്. എ​ന്നാ​ൽ ന​ട​പ​ടി നീ​ണ്ടുപോ​കു​ന്ന​തി​നാ​ൽ അ​പ്പ​ർ കു​ട്ട​നാ​ട​ൻ പ്ര​ദേ​ശ​ങ്ങ​ളാ​യ അ​മ്പ​ല​പ്പു​ഴ, എ​ട​ത്വ , ത​ക​ഴി, പൊ​ടി​യാ​ടി തു​ട​ങ്ങി​യ സ്ഥ​ല​ങ്ങ​ളി​ലെ നൂ​റുക​ണ​ക്കി​ന് രോ​ഗി​ക​ളും യാ​ത്ര​ക്കാ​രും ആ​ശ്ര​യി​ക്കു​ന്ന ആ​ശു​പ​ത്രി​ക്കു സ​മീ​പ യാ​ത്രാ​ദു​രി​തം തു​ട​രു​ക​യാ​ണ്.
Copyright @ 2018 , Rashtra Deepika Ltd.