ദേ​ശീ​യ​ പാ​ത​യോ​ര​ത്ത് കോ​ൺ​ക്രീറ്റ്, ടാ​റിം​ഗ് അ​വ​ശി​ഷ്ട​ങ്ങ​ൾ വ്യാ​പ​ക​മാ​യി ത​ള്ളു​ന്നു
Friday, July 4, 2025 4:30 AM IST
മു​ണ്ട​ക്ക​യം: മാ​ലി​ന്യനി​ർ​മാ​ർ​ജ​ന​മെ​ന്ന ല​ക്ഷ്യ​ത്തോ​ടെ നാ​ടൊ​ന്നാ​കെ കൈ​കോ​ർ​ത്ത് വി​വി​ധ പ്ര​വ​ർ​ത്ത​ന​ങ്ങ​ൾ ന​ട​ത്തു​മ്പോ​ൾ ത​ങ്ങ​ൾ​ക്കി​തൊ​ന്നും ബാ​ധ​ക​മ​ല്ലെ​ന്ന് മ​ട്ടി​ലാ​ണ് ചി​ല​രു​ടെ പ്ര​വ​ർ​ത്ത​നം. ദേ​ശീ​യ​പാ​ത​യി​ൽ ചോ​റ്റി​ക്കും ചി​റ്റ​ടി​ക്കു​മി​ട​യി​ലു​ള്ള റോ​ഡി​ന്‍റെ വ​ശ​ങ്ങ​ളി​ൽ വ്യാ​പ​ക​മാ​യാ​ണ് കോ​ൺ​ക്രീ​റ്റിം​ഗ്, ടാ​റിം​ഗ് അ​വ​ശി​ഷ്ട​ങ്ങ​ൾ ത​ള്ളു​ന്ന​ത്.

സ്ഥി​രം അ​പ​ക​ട മേ​ഖ​ല​യാ​യ ഇ​വി​ടെ ക​ഴി​ഞ്ഞ വ​ർ​ഷം റോ​ഡി​ന്‍റെ വ​ശ​ങ്ങ​ളി​ൽ കൂ​ടി​ക്കി​ടു​ന്ന മാ​ലി​ന്യ​ങ്ങ​ളും ക​ല്ലും മ​ണ്ണും നീ​ക്കം ചെ​യ്ത് വാ​ഹ​നയാ​ത്ര സു​ഗ​മ​മാ​ക്കി​യി​രു​ന്നു. ഇ​തി​ന് പി​ന്നാ​ലെ​യാ​ണ് ഇ​പ്പോ​ൾ യാ​തൊ​രു നി​യ​ന്ത്ര​ണ​വു​മി​ല്ലാ​തെ രാ​ത്രി​യും പ​ക​ലും നി​ർ​മാ​ണം ന​ട​ക്കു​ന്ന പ​ല​സ്ഥ​ല​ങ്ങ​ളി​ലെ​യും കോ​ൺ​ക്രീ​റ്റ് അ​വ​ശി​ഷ്ട​ങ്ങ​ൾ ത​ള്ളു​ന്ന​ത്.

ഈ ​ഭാ​ഗ​ത്ത് കൂ​ടാ​തെ 31ാം മൈ​ലി​ന് സ​മീ​പ​വും ദേ​ശീ​യ​പാ​ത​യു​ടെ വ​ശ​ത്ത് വ്യാ​പ​ക​മാ​യി ഇ​ത്ത​ര​ത്തി​ലു​ള്ള മാ​ലി​ന്യ​ങ്ങ​ൾ നി​ക്ഷേ​പി​ച്ചി​രി​ക്കു​ക​യാ​ണ്.

മു​ണ്ട​ക്ക​യം ടൗ​ണി​നോ​ട് ചേ​ർ​ന്ന് ന​ട​ക്കു​ന്ന ക​ലു​ങ്ക് നി​ർ​മാ​ണ​ത്തി​ന്‍റെ ഭാ​ഗ​മാ​യു​ള്ള അ​വ​ശി​ഷ്ട​ങ്ങ​ളാ​ണ് ഇ​ത്ത​ര​ത്തി​ൽ ദേ​ശീ​യ​പാ​ത​യു​ടെ വ​ശ​ങ്ങ​ളി​ൽ ത​ള്ളു​ന്ന​തെ​ന്നും ദേ​ശീ​യ​പാ​ത വി​ഭാ​ഗം അ​ധി​കാ​രി​ക​ളു​ടെ അ​റി​വോ​ടെ​യാ​ണ് പാ​തി​യോ​ര​ത്ത് മാ​ലി​ന്യ നി​ക്ഷേ​പം ന​ട​ക്കു​ന്ന​തെ​ന്നും ആ​ക്ഷേ​പ​മു​യ​രു​ന്നു​ണ്ട്.

മ​ഴ​ക്കാ​ല​മാ​യ​തോ​ടെ ദി​വ​സ​ങ്ങ​ൾ​ക്കു​ള്ളി​ൽ കൂ​ടി​ക്കി​ട​ക്കു​ന്ന മാ​ലി​ന്യ​ത്തി​ന് മു​ക​ളി​ൽ കാ​ടുപ​ട​ല​ങ്ങ​ൾ പ​ട​ർ​ന്നുപി​ടി​ക്കും. ഇ​തു വാ​ഹ​ന യാ​ത്ര​ക്കാ​രു​ടെ കാ​ഴ്ച മ​റ​ക്കു​ക​യും അ​പ​ക​ട​ങ്ങ​ൾ​ക്ക് ഇ​ട​യാ​ക്കു​ക​യും ചെ​യ്യും.

വാ​ഹ​ന​ങ്ങ​ളു​ടെ എ​ണ്ണം ക്ര​മാ​തീ​ത​മാ​യി വ​ർ​ധി​ച്ച​തു​മൂ​ലം പ​രാ​ധീ​ന​ത​ക​ളു​ടെ ന​ടു​വി​ലാ​ണ് ദേ​ശീ​യ​പാ​ത. വ​ർ​ഷ​ങ്ങ​ളാ​യി ന​വീ​ക​ര​ണ പ്ര​വ​ർ​ത്ത​ന​ങ്ങ​ൾ ഒ​ന്നും ന​ട​ക്കാ​ത്ത ദേ​ശീ​യ​പാ​ത​യു​ടെ വ​ശ​ങ്ങ​ളി​ൽ ഇ​ത്ത​ര​ത്തി​ൽ മാ​ലി​ന്യ​ങ്ങ​ൾ കൂ​ടി​ക്കി​ട​ക്കു​ന്ന​തോ​ടെ അ​പ​ക​ട സാ​ധ്യ​ത വ​ർ​ധി​പ്പി​ക്കു​ക​യാ​ണ്. അ​ടി​യ​ന്ത​ര ഘ​ട്ട​ങ്ങ​ളി​ൽ വാ​ഹ​ന​ങ്ങ​ൾ വെ​ട്ടി​ച്ചു​മാ​റ്റു​മ്പോ​ൾ ഇ​ത്ത​ര​ത്തി​ൽ റോ​ഡി​ന്‍റെ വ​ശ​ത്ത് കൂ​ട്ടി​യി​ട്ടി​രി​ക്കു​ന്ന കോ​ൺ​ക്രീ​റ്റ് അ​വ​ശി​ഷ്ട​ങ്ങ​ളി​ൽ ഇ​ടി​ച്ച് അ​പ​ക​ട​മു​ണ്ടാ​കാ​നു​ള്ള സാ​ധ്യ​ത​യും ഏ​റെ​യാ​ണ്.

കാ​മ​റ​ക​ൾ സ്ഥാ​പി​ച്ചും പ​രി​ശോ​ധ​ന​ക​ൾ ന​ട​ത്തി​യും മാ​ലി​ന്യ നി​ക്ഷേ​പ​ക​രെ ക​ണ്ടെ​ത്തി ഇ​വ​ർ​ക്കെ​തി​രെ ക​ർ​ശ​ന ന​ട​പ​ടി​യെ​ടു​ക്കു​മ്പോ​ൾ പ​ട്ടാ​പ്പ​ക​ൽ യാ​തൊ​രു നി​യ​ന്ത്ര​ണ​വു​മി​ല്ലാ​തെ റോ​ഡി​ന്‍റെ വ​ശ​ങ്ങ​ളി​ൽ മാ​ലി​ന്യം ത​ള്ളു​ന്ന​വ​ർ​ക്കെ​തി​രേ എ​ന്തു​കൊ​ണ്ട് ന​ട​പ​ടി സ്വീ​ക​രി​ക്കു​ന്നി​ല്ലെ​ന്നും പൊ​തു സ​മൂ​ഹ​ത്തി​ൽ​നി​ന്നും ചോ​ദ്യ​ങ്ങ​ളു​യ​രു​ന്നു​ണ്ട്.
Copyright @ 2018 , Rashtra Deepika Ltd.