സ്കൂ​ളു​ക​ളി​ൽ ഉ​ച്ച​ഭ​ക്ഷ​ണ വി​ത​ര​ണം പ്ര​തി​സ​ന്ധി​യി​ൽ
Wednesday, July 23, 2025 11:20 PM IST
തൊ​ടു​പു​ഴ: അ​രി​വി​ത​ര​ണം നി​ല​ച്ച​തോ​ടെ ജി​ല്ല​യി​ലെ സ്കൂ​ളു​ക​ളി​ലെ ഉ​ച്ച​ഭ​ക്ഷ​ണ വി​ത​ര​ണം പ്ര​തി​സ​ന്ധി​യി​ൽ. ഇ​ട​വെ​ട്ടി​യി​ലെ സ​പ്ലൈ​ക്കോ ഗോ​ഡൗ​ണി​ൽ നി​ന്നു​ള്ള അ​രി​വി​ത​ര​ണം നി​ല​ച്ച​താ​ണ് പ്ര​തി​സ​ന്ധി​ക്കു കാ​ര​ണം. ഇ​ട​വെ​ട്ടി ഡി​പ്പോ​യി​ലേ​ക്ക് അ​രി എ​ത്തി​ക്കു​ന്ന​തി​നു ഓ​പ്പ​ണ്‍ ടെ​ൻ​ഡ​ർ ക്ഷ​ണി​ച്ച് ക​രാ​ർ ന​ൽ​കു​ക​യാ​ണ് പ​തി​വ്. 2025-2027 കാ​ല​യ​ള​വി​ൽ വി​ളി​ച്ച പു​തി​യ ടെ​ൻ​ഡ​ർ ആ​ല​പ്പു​ഴ സ്വ​ദേ​ശി​യാ​ണ് എ​ടു​ത്തി​രി​ക്കു​ന്ന​ത്. ഇ​ദ്ദേ​ഹ​വും ഡി​പ്പോ​യി​ലെ തൊ​ഴി​ലാ​ളി​ക​ളും ത​മ്മി​ലു​ള്ള ത​ർ​ക്ക​മാ​ണ് നി​ല​വി​ലെ പ്ര​തി​സ​ന്ധി​ക്ക് കാ​ര​ണം. അ​തി​നാ​ൽ അ​രി എ​ത്തി​ക്കാ​ൻ ക​ഴി​യാ​ത്ത സാ​ഹ​ച​ര്യ​മാ​ണ്.

ഇ​തേത്തു​ട​ർ​ന്ന് ഇ​ന്ന​ലെ അ​സി​സ്റ്റ​ന്‍റ് ലേ​ബ​ർ ഓ​ഫീ​സ​ർ തൊ​ഴി​ലാ​ളി​ക​ളു​മാ​യി ച​ർ​ച്ച ന​ട​ത്തി​യെ​ങ്കി​ലും പ​രി​ഹാ​ര​മാ​യി​ല്ല. നാ​ളെ ജി​ല്ലാ ലേ​ബ​ർ ഓ​ഫീ​സ​റു​മാ​യി വീ​ണ്ടും ച​ർ​ച്ച ന​ട​ത്തും. അ​ധ്യ​യ​ന വ​ർ​ഷ​ത്തി​ന്‍റെ ആ​ദ്യ ദി​ന​ങ്ങ​ളി​ലും സ​മാ​ന​മാ​യ സാ​ഹ​ച​ര്യം ഉ​ണ്ടാ​യി​രു​ന്നു. ജി​ല്ല​യി​ലെ പ​കു​തി​യി​ല​ധി​കം സ്കൂ​ളു​ക​ളി​ലും സ്കൂ​ൾ തു​റ​ക്കു​ന്ന അ​ന്നും അ​രി ല​ഭി​ച്ചി​രു​ന്നി​ല്ല.

പ​ല സ്കൂ​ളു​ക​ളി​ലും ഒ​രാ​ഴ്ച​യ്ക്കു ശേ​ഷ​മാ​ണ് അ​രി ല​ഭി​ച്ച​ത്. അ​രി​യി​ല്ലെ​ങ്കി​ലും കു​ട്ടി​ക​ൾ​ക്ക് ഭ​ക്ഷ​ണം കൊ​ടു​ക്ക​ണ​മെ​ന്നും ഇ​ത് പ്ര​ഥ​മാ​ധ്യാ​പ​ക​രു​ടെ ക​ട​മ​യാ​ണെ​ന്നും സ​ർ​ക്കാ​ർ ഉ​ത്ത​ര​വി​റ​ക്കി ത​ടി​യൂ​രു​ക​യാ​യി​രു​ന്നു. ഈ ​ദി​വ​സ​ങ്ങ​ളി​ൽ പ്ര​ഥ​മാ​ധ്യാ​പ​ക​ർ വാ​ങ്ങി ന​ൽ​കി​യ അ​രി​യു​ടെ വി​ല ഇ​തു​വ​രെ ന​ൽ​കി​യി​ട്ടു​മി​ല്ല. ഒ​രു മാ​സ​ത്തി​നു ശേ​ഷം വീ​ണ്ടും സ​മാ​ന​മാ​യ സാ​ഹ​ച​ര്യ​മാ​ണ് രൂ​പ​പ്പ​ട്ടി​രി​ക്കു​ന്ന​ത്.

ക​യ​റ്റി​റ​ക്ക് കൂ​ലി​യു​ടെ പേ​രി​ൽ കു​ട്ടി​ക​ളെ പ​ട്ടി​ണി​യി​ലാ​ക്കു​ന്ന സാ​ഹ​ച​ര്യ​മാ​ണ് ഇ​പ്പോ​ഴു​മു​ള്ള​ത്. ജൂ​ണി​ൽ പ്ര​ഥ​മാ​ധ്യാ​പ​ക​ർ വാ​ങ്ങി ന​ൽ​കി​യ എ​ട്ടു​ദി​വ​സ​ത്തെ അ​രി​യു​ടെ വി​ല ന​ൽ​കാ​ത്ത സാ​ഹ​ച​ര്യ​ത്തി​ൽ ഇ​നി​യും സ്വ​ന്തം പോ​ക്ക​റ്റി​ൽ നി​ന്നും പ​ണം​ന​ൽ​കി അ​രി​വാ​ങ്ങാ​ൻ ക​ഴി​യി​ല്ലെ​ന്ന നി​ല​പാ​ടി​ലാ​ണ് അ​ധ്യാ​പ​ക സം​ഘ​ട​ന​ക​ൾ. എ​ല്ലാ​മാ​സ​വും അ​ഞ്ചി​നുത​ന്നെ സ്കൂ​ളി​ൽ ചെ​ല​വാ​യ അ​രി​യു​ടെ ക​ണ​ക്കും ആ​വ​ശ്യ​മു​ള്ള അ​രി​യു​ടെ അ​ള​വും ശേ​ഖ​രി​ച്ച് വി​ദ്യാ​ഭാ​സ ഓ​ഫീ​സ​ർ​മാ​ർ ജി​ല്ലാ സ​പ്ലൈ ഓ​ഫീ​സ​ർ​മാ​ർ​ക്ക് ഇ​ൻ​ഡ​ന്‍റ് ചെ​യ്യും. എ​ന്നാ​ൽ ജൂ​ലൈ​യി​ൽ ഒ​രു സ്കൂ​ളി​നും ഇ​തു​വ​രെ ഒ​രു​മ​ണി അ​രി പോ​ലും ല​ഭി​ച്ചി​ട്ടി​ല്ല.

ആ​ഴ്ച​ക​ൾ​ക്കു മു​ന്പു​ത​ന്നെ വി​ദ്യാ​ഭ്യ​സ ഓ​ഫീ​സ​ർ​മാ​ർ ഈ ​പ്ര​തി​സ​ന്ധി അ​ധി​കൃ​ത​രെ അ​റി​യി​ച്ചി​രു​ന്നു. എ​ന്നാ​ൽ ഒ​രു ന​ട​പ​ടി​യും ഉ​ണ്ടാ​യി​ല്ല. സ്കൂ​ൾ ഉ​ച്ച​ഭ​ക്ഷ​ണ പ​ദ്ധ​തി​യി​ലൂ​ടെ പ​തി​നാ​യി​ര​ക്ക​ണ​ക്കി​ന് നി​ർ​ധ​ന​രാ​യ കു​ട്ടി​ക​ൾ​ക്ക് ഉ​ച്ച​ഭ​ക്ഷ​ണ​വും പാ​ൽ, മു​ട്ട എ​ന്നി​വ​യും പ്ര​ഭാ​ത​ഭ​ക്ഷ​ണ​വു​മാ​ണ് ന​ൽ​കി​യി​രു​ന്ന​ത്. ഇ​തു ര​ക്ഷി​താ​ക്ക​ൾ​ക്ക് ആ​ശ്വാ​സ​വു​മാ​യി​രു​ന്നു.​ഈ പ​ദ്ധ​തി​യാ​ണ് ഇ​പ്പോ​ൾ കെ​ടു​കാ​ര്യ​സ്ഥ​ത​യു​ടെ പേ​രി​ൽ അ​ട്ടി​മ​റി​ക്ക​പ്പെ​ട്ടി​രി​ക്കു​ന്ന​ത്.

സ്കൂ​ൾ ഉ​ച്ച​ഭ​ക്ഷ​ണ പ​ദ്ധ​തി നി​ല​ച്ചാ​ൽ പ്ര​ധാ​ന​മാ​യും ബാ​ധി​ക്കു​ന്ന​ത് ആ​ദി​വാ​സി മേ​ഖ​ല​ക​ളി​ലെ​യും തോ​ട്ടം മേ​ഖ​ല​ക​ളി​ലെ സ്കൂ​ളു​ക​ളെ​യു​മാ​ണ്. സ്കൂ​ളി​ലെ ഭ​ക്ഷ​ണ​ത്തെ മാ​ത്രം ആ​ശ്ര​യി​ച്ചു ക​ഴി​യു​ന്ന ധാ​രാ​ളം കു​ട്ടി​ക​ൾ തോ​ട്ടം മേ​ഖ​ല​ക​ളി​ലും, പി​ന്നാ​ക്ക മേ​ഖ​ല​ക​ളി​ലു​മു​ണ്ട്. ഈ ​സാ​ഹ​ച​ര്യ​ത്തി​ൽ നി​ല​വി​ലെ പ്ര​തി​സ​ന്ധി പ​രി​ഹ​രി​ച്ച് ഉ​ച്ച​ഭ​ക്ഷ​ണ വി​ത​ര​ണം കു​റ്റ​മ​റ്റ​താ​ക്കാ​ൻ ന​ട​പ​ടി സ്വീ​ക​രി​ക്ക​ണ​മെ​ന്ന ആ​വ​ശ്യം ശ​ക്ത​മാ​ണ്.

സ്കൂ​ൾ ഉ​ച്ച​ഭ​ക്ഷ​ണ​ത്തി​ന്
അ​രി ല​ഭ്യ​മാ​ക്ക​ണം:
കെ​പി​എ​സ്ടി​എ

തൊ​ടു​പു​ഴ: സ്കൂ​ൾ ഉ​ച്ച​ഭ​ക്ഷ​ണ​ത്തി​ന് ല​ഭി​ക്കേ​ണ്ട അ​രി ല​ഭി​ക്കാ​ത്ത​തി​നാ​ൽ പ​ദ്ധ​തി ന​ട​ത്തി​പ്പ് പ്ര​തി​സ​ന്ധി​യി​ലാ​യ​താ​യി കെ​പി​എ​സ്ടി​എ ജി​ല്ലാ ക​മ്മി​റ്റി കു​റ്റ​പ്പെ​ടു​ത്തി. ക​ഴി​ഞ്ഞ ജൂ​ണി​ലും സ​മാ​ന പ്ര​ശ്ന​ങ്ങ​ൾ ഉ​ണ്ടാ​യി​രു​ന്നു. കു​ട്ടി​ക​ൾ കു​റ​വു​ള്ള വി​ദ്യാ​ല​യ​ങ്ങ​ൾ റേ​ഷ​ൻ ക​ട​യി​ൽനി​ന്ന് അ​രി​ വാ​ങ്ങി​യാ​ണ് കു​ട്ടി​ക​ൾ​ക്ക് ഭ​ക്ഷ​ണം ന​ൽ​കു​ന്ന​ത്. സ​ർ​ക്കാ​ർ അ​ടി​യ​ന്ത​ര​മാ​യി ഇ​ട​പെ​ട്ട് സ്കൂ​ളു​ക​ൾ​ക്ക് അ​രി ല​ഭ്യ​മാ​ക്ക​ണ​മെ​ന്ന് ജി​ല്ലാ ക​മ്മി​റ്റി ആ​വ​ശ്യ​പ്പെ​ട്ടു.

ജി​ല്ലാ പ്ര​സി​ഡ​ന്‍റ് ജോ​ബി​ൻ ക​ള​ത്തി​ക്കാ​ട്ടി​ൽ അ​ധ്യ​ക്ഷ​ത വ​ഹി​ച്ചു. സം​സ്ഥാ​ന സെ​ക്ര​ട്ട​റി പി.​എം നാ​സ​ർ, ബി​ജോ​യ് മാ​ത്യു, ജോ​ർ​ജ് ജേ​ക്ക​ബ്, വി.​കെ.​ആറ്റ്‌ലി,സു​നി​ൽ ടി.​തോ​മ​സ് ഷി​ന്‍റോ ജോ​ർ​ജ്, എം.​വി.​ജോ​ർ​ജു​കു​ട്ടി, സ​ജി മാ​ത്യു എ​ന്നി​വ​ർ പ്ര​സം​ഗി​ച്ചു.
Copyright @ 2018 , Rashtra Deepika Ltd.