സുസജ്ജം: 2294 പോളിംഗ് സ്റ്റേഷനുകൾ
Friday, April 26, 2024 4:17 AM IST
കൊ​ച്ചി: ലോ​ക്‌​സ​ഭാ തെ​ര​ഞ്ഞെ​ടു​പ്പി​ലേ​ക്കു​ള്ള വി​ധി​യെ​ഴു​ത്ത് ഇ​ന്ന്. രാ​വി​ലെ ഏ​ഴു മു​ത​ല്‍ വൈ​കി​ട്ട് ആ​റു വ​രെ​യാ​ണ് വോ​ട്ടെ​ടു​പ്പ്. രാ​വി​ലെ ആ​റി​ന് മോ​ക്ക് പോ​ളിം​ഗ് ആ​രം​ഭി​ക്കും.

ഒ​രു പോ​ളിം​ഗ് ബൂ​ത്തി​ല്‍ 50 വോ​ട്ടു​ക​ളാ​ണ് മോ​ക്ക് പോ​ളിം​ഗി​ല്‍ ചെ​യ്യു​ന്ന​ത്. തു​ട​ര്‍​ന്ന് ക​ണ്‍​ട്രോ​ള്‍ യൂ​ണി​റ്റു​ക​ള്‍ സ​ജ്ജ​മാ​യ ശേ​ഷം ഏ​ഴി​ന് വോ​ട്ടെ​ടു​പ്പ് ആ​രം​ഭി​ക്കും. മോ​ക്‌​പോ​ളിം​ഗ് ആ​രം​ഭി​ക്കു​ന്ന​തു മു​ത​ല്‍ പോ​ളിം​ഗ് അ​വ​സാ​നി​ച്ച് വോ​ട്ടിം​ഗ് യ​ന്ത്ര​ങ്ങ​ള്‍ പെ​ട്ടി​യി​ലാ​ക്കു​ന്ന​തു​വ​രെ​യു​ള്ള പോ​ളിം​ഗ് ബൂ​ത്തു​ക​ളി​ലെ ന​ട​പ​ടി​ക​ള്‍ ക​ള​ക്ട​റേ​റ്റി​ലെ ക​ണ്‍​ട്രോ​ള്‍ റൂ​മി​ലൂ​ടെ ത​ത്സ​മ​യം വീ​ക്ഷി​ക്കും.

ജി​ല്ല​യി​ല്‍ 2294 പോ​ളിം​ഗ് സ്റ്റേഷ​നു​ക​ളാ​ണു​ള്ള​ത്. 2753 ബാ​ല​റ്റ് യൂ​ണി​റ്റു​ക​ളും 2753 ക​ണ്‍​ട്രോ​ള്‍ യൂ​ണി​റ്റു​ക​ളും 2914 വി​വി​പാ​റ്റ് യ​ന്ത്ര​ങ്ങ​ളും സ​ജ്ജ​മാ​ണ്. 11,028 ഉ​ദ്യോ​ഗ​സ്ഥ​രെ​യാ​ണ് പോ​ളിം​ഗ് ഡ്യൂ​ട്ടി​ക്ക് നി​യോ​ഗി​ച്ചി​ട്ടു​ള്ളത്.

2,757 വീ​തം പ്രി​സൈ​ഡിം​ഗ് ഓ​ഫീ​സ​ര്‍​മാ​രെ​യും ഫ​സ്റ്റ് പോ​ളിം​ഗ് ഓ​ഫീ​സ​ര്‍​മാ​രെ​യും 5,514 പോ​ളിം​ഗ് ഓ​ഫീ​സ​ര്‍​മാ​രെ​യും 231 സെ​ക്ട​റ​ല്‍ ഓ​ഫീ​സ​ര്‍​മാ​രെ​യും നി​യോ​ഗി​ച്ചി​ട്ടു​ണ്ട്. നി​രീ​ക്ഷ​ണ​ത്തി​ന് മൂ​ന്ന് മൈ​ക്രോ ഒ​ബ്‌​സ​ര്‍​വ​ര്‍​മാ​രു​ണ്ട്.

ഓ​രോ പോ​ളിം​ഗ് സ്റ്റേഷ​നു​ക​ളി​ലും ഒ​രു ബാ​ല​റ്റ് യൂ​ണി​റ്റ്, ഒ​രു ക​ണ്‍​ട്രോ​ള്‍ യൂ​ണി​റ്റ്, ഒ​രു വി​വി പാ​റ്റ് യ​ന്ത്രം എ​ന്നി​വ​യാ​ണ് വി​ത​ര​ണം ചെ​യ്ത​ത്. ചാ​ല​ക്കു​ടി മ​ണ്ഡ​ല​ത്തി​ല്‍ 1198 സെ​റ്റ് യൂ​ണി​റ്റു​ക​ളും എ​റ​ണാ​കു​ളം മ​ണ്ഡ​ല​ത്തി​ല്‍ 1130 സെ​റ്റ് യൂ​ണി​റ്റു​ക​ളും വി​ത​ര​ണം ചെ​യ്തു.

വോ​ട്ടെ​ടു​പ്പി​ന് ശേ​ഷം എ​റ​ണാ​കു​ളം ലോ​ക്സ​ഭാ മ​ണ്ഡ​ല​ത്തി​ലെ ഇ​ല​ക്ട്രോ​ണി​ക് വോ​ട്ടിം​ഗ് യ​ന്ത്ര​ങ്ങ​ളും വി​വി​പാ​റ്റു​ക​ളും കു​സാ​റ്റി​ലെ വി​വി​ധ വോ​ട്ടെ​ണ്ണ​ല്‍ കേ​ന്ദ്ര​ങ്ങ​ളി​ലെ സ്‌​ട്രോം​ഗ് റൂ​മി​ലും ചാ​ല​ക്കു​ടി ലോ​ക​സ​ഭാ മ​ണ്ഡ​ല​ത്തി​ലെ ഇ​ല​ക്ട്രോ​ണി​ക് വോ​ട്ടിം​ഗ് യ​ന്ത്ര​ങ്ങ​ളും വി​വി​പാ​റ്റു​ക​ളും ആ​ലു​വ യു​സി കോ​ള​ജി​ലെ സ്‌​ട്രോം​ഗ് റൂ​മി​ലും സൂ​ക്ഷി​ക്കും.
Copyright @ 2018 , Rashtra Deepika Ltd.