കൊച്ചി: ഇന്ത്യ-ഒമാന് സമഗ്ര സാമ്പത്തിക പങ്കാളിത്ത കരാറുമായി ബന്ധപ്പെട്ട് കൊച്ചി താജ് വിവാന്തയില് സെമിനാര് സംഘടിപ്പിച്ചു. വിവിധ മേഖലകളെ പ്രതിനിധീകരിക്കുന്ന ബിസിനസ് പ്രമുഖരും നിക്ഷേപകരും വ്യാപാര രംഗത്തെ പ്രതിനിധികളും ചടങ്ങില് പങ്കെടുത്തു.
ഇന്ഡോ ഗള്ഫ് ആന്ഡ് മിഡില് ഈസ്റ്റ് ചേംബര് ഓഫ് കൊമേഴ്സ് (ഇന്മെക്), ഫെഡറേഷന് ഓഫ് ഇന്ത്യന് ചേംബര് ഓഫ് കൊമേഴ്സ് ആന്ഡ് ഇന്ഡസ്ട്രി (ഫിക്കി) എന്നിവ ഒമാന് ചേംബര് ഓഫ് കൊമേഴ്സ് ആന്ഡ് ഇന്ഡസ്ട്രി (ഒസിസിഐ)യുമായി സഹകരിച്ച് നടത്തിയ സെമിനാറില് ഇന്ത്യ-ഒമാന് സമഗ്ര സാമ്പത്തിക പങ്കാളിത്ത കരാറിന്റെ ഭാഗമായി ഉയര്ന്നുവരുന്ന വ്യാപാര, നിക്ഷേപ സാധ്യതകള് പ്രയോജനപ്പെടുത്തുന്നതിനെക്കുറിച്ചായിരുന്നു പ്രധാനമായും ചർച്ച.
ഇന്മെക് ചെയര്മാന് ഡോ. എന്.എം. ഷറഫുദ്ദീന് ആമുഖ പ്രഭാഷണം നടത്തി. ഗള്ഫാര് ഗ്രൂപ്പ് സ്ഥാപകന് പി. മുഹമ്മദാലി ഒമാനി പ്രതിനിധികളെ ആദരിച്ചു.
Tags : Seminar organized India Oman Economic Partnership Agreement