പ്രതീകാത്മക ചിത്രം
വെള്ളറട: ഹൗസ് സര്ജന്സി വിദ്യാര്ഥികളെ കമ്പിപ്പാരകൊണ്ട് ആക്രമിച്ച 12 പേര്ക്ക് സസ്പെന്ഷന്. കാരക്കോണം സിഎസ്ഐ മെഡിക്കല് കോളജ് ആശുപത്രി ഹോസ്റ്റലിനുമുന്നിൽ കഴിഞ്ഞ ദിവസം രാത്രി 11.15നായിരുന്നു. സുരക്ഷാ ജീവനക്കാരായ ബെന്സാം, പ്രശാന്ത്, സന്ദീപ് സനല്, സന്ദീപ്, സാജന്, രജിന്, ഷാജു, രതീഷ് എന്നിവര്ക്കെതിരെയും ആക്രമണത്തില് പങ്കാളിത്തം വഹിച്ച മറ്റു നാലുപേര്ക്കെതിരെയുമാണ് വെള്ളറട പൊലിസ് കേസെടുത്തിരിക്കുന്നത്.
ഹൗസ് സര്ജന്സി വിദ്യാര്ഥികളായ ബെന് സനു, സണ്ണി ചെറിയാന്, സിദ്ധാര്ഥ് എന്നിവര്ക്കാണ് ഗുരുതര പരിക്കേറ്റത്. സംഭവദിവസം പുറത്തുപോയിരുന്ന വിദ്യാര്ഥികള് ഹോസ്റ്റലില് മടങ്ങിയെത്താന് വൈകിയെന്നാരോപിച്ചു സെക്യൂരിറ്റി ജീവനക്കാര് തടയുകയായിരുന്നു. തുടര്ന്നുണ്ടായ വാക്കേറ്റമാണ് സംഘര്ഷത്തില് കലാശിച്ചത്. സുരക്ഷാ ജീവനക്കാര് വിദ്യാര്ഥികളെ കമ്പിപ്പാര ഉപയോഗിച്ച് മര്ദിച്ചെന്നും സംഭവം വീഡിയോയില് പകര്ത്തിയ വിദ്യാര്ഥികള് സാമൂഹിക മാധ്യമങ്ങളിലൂടെ പ്രചരിപ്പിച്ചെന്നും പൊലിസ് പറഞ്ഞു.
പാറശാല സര്ക്കാര് ആശുപത്രിയില് ചികിത്സ തേടിയ വിദ്യാര്ഥികളുടെ പരാതിയിലാണ് കേസെടുത്തത്.