തൃശൂർ: അതിരൂപത കുടുംബകൂട്ടായ്മയുടെ മാതൃകാ യൂണിറ്റ് പുരസ്കാരം നാളെ ഉച്ചയ്ക്കു രണ്ടിനു ഫാമിലി അപ്പസ്തൊലേറ്റിൽ നടക്കും. അതിരൂപത മെത്രാപ്പോലീത്ത മാർ ആൻഡ്രൂസ് താഴത്ത് ഉദ്ഘാടനം ചെയ്യും. 21 മാതൃകായൂണിറ്റുകൾക്കും 14 യൂണിറ്റുകൾക്കും പ്രോത്സാഹനസമ്മാനങ്ങൾ നൽകും.
അതിരൂപത കുടുംബകൂട്ടായ്മ ഡയറക്ടർ ഫാ. ഫ്രാൻസിസ് ട്വിങ്കിൾ വാഴപ്പിള്ളി, ജനറൽ കണ്വീനർ പ്രഫ. ജോർജ് അലക്സ്, ജനറൽ സെക്രട്ടറി എ.ഡി. ഷാജു, അസിസ്റ്റന്റ് ഡയറക്ടർ ഫാ. അനീഷ് കൂത്തൂർ, ട്രഷറർ സി.ടി. ജോയ് എന്നിവർ പ്രസംഗിക്കും. 2025-26 വർഷങ്ങളിൽ അതിരൂപതയിലെ ഇടവകകളിൽ മികച്ച പ്രവർത്തനം നടത്തിയ യൂണിറ്റുകൾക്കാണു പുരസ്കാരം.