ആര്പ്പൂക്കര നവജീവനില് നടന്ന മോണ്. പീറ്റര് ഊരാളില് അനുസ്മരണ സമ്മേളനം സ്പീക്കര് തിരുവഞ്ചൂര് രാധാകൃഷ്ണന് ഉദ്ഘാടനം ചെയ്യ
ആർപ്പൂക്കര: നവജീവൻ ട്രസ്റ്റിന്റെ പ്രഥമ രക്ഷാധികാരിയായിരുന്ന മോൺ. പീറ്റർ ഊരാളിലിന് നവജീവന്റെ സ്മരണാഞ്ജലി. ഊരാളിലച്ചന്റെ 25-ാം ചരമവാർഷികം ആർപ്പൂക്കര നവജീവനിൽ സമുചിതമായി ആചരിച്ചു. കോട്ടയം അതിരൂപത വികാരി ജനറാൾ ഫാ. മൈക്കിൾ വെട്ടിക്കാട്ടിന്റെ മുഖ്യകാർമികത്വത്തിൽ നവജീവൻ ചാപ്പലിൽ വിശുദ്ധ കുർബാനയും അനുസ്മരണ പ്രാർഥനയും നടത്തി.
തുടർന്നു നടന്ന അനുസ്മരണ സമ്മേളനം സ്പീക്കർ തിരുവഞ്ചൂർ രാധാകൃഷ്ണൻ ഉദ്ഘാടനം ചെയ്തു. ഇടപെട്ട മേഖലകളോടെല്ലാം പ്രതിബദ്ധത പുലർത്തിയ മോൺ. പീറ്റർ ഊരാളിൽ വിദ്യാഭ്യാസ വിചക്ഷണനും വിദ്യാഭ്യാസ മേഖലയിലെ കർമയോഗിയുമായിരുന്നെന്ന് അദ്ദേഹം പറഞ്ഞു.
ഫാ. മൈക്കിൾ വെട്ടിക്കാട്ട് അധ്യക്ഷത വഹിച്ചു. ഏൽപ്പിക്കപ്പെട്ട ഉത്തരവാദിത്വങ്ങൾ കഴിവിന്റെ പരമാവധിയും അതിലുപരിയുമായി നിർവഹിച്ച ഊരാളിലച്ചൻ സ്നേഹവും കരുതലും എല്ലാവർക്കും നിർലോഭമായി നൽകിയെന്ന് അദ്ദേഹം പറഞ്ഞു. എംജി യൂണിവേഴ്സിറ്റി മുൻ വൈസ് ചാൻസലർ ഡോ. സിറിയക് തോമസ് അനുസ്മരണ പ്രഭാഷണം നടത്തി. ജോൺ പോൾ രണ്ടാമൻ മാർപാപ്പയുടെ കോട്ടയം സന്ദർശന വേളിയൽ മോൺ. പീറ്റർ ഊരാളിലച്ചനോടൊപ്പം പ്രവർത്തിച്ചപ്പോഴാണ് അദ്ദേഹത്തിന്റെ അസാമാന്യ നേതൃപാടവം തിരിച്ചറിയാൻ കഴിഞ്ഞതെന്ന് ഡോ. സിറിയക് തോമസ് അനുസ്മരിച്ചു.
മുൻ എംഎൽഎ കെ. സുരേഷ് കുറുപ്പ്, നവജീവൻ മാനേജിംഗ് ട്രസ്റ്റി പി.യു. തോമസ്, സിസ്റ്റർ ഫ്രാൻസി എസ്ജെസി, ബേബി ഊരാളിൽ, പീറ്റർ ഊരാളിൽ, മോൻസി എന്നിവർ പ്രസംഗിച്ചു.
Tags : navajeevan Nattuvishesham DistrictNews