30

നെ​ടു​മ​ങ്ങാ​ട്: ബൈക്കിലെത്തിയ രണ്ടംഗസംഘം വീട്ടമ്മയുടെ മാല കവർന്നു. വെ​ള്ള​നാ​ട് വാ​ളി​യ​റ പാ​റ​ക്കൂ​ട്ടം വീ​ട്ടി​ൽ സ്മി​ത​യു​ടെ നാ​ലു​പ​വ​ന്‍റെ മാ​ല​യാ​ണ് ക​വ​ർ​ന്ന​ത്. ക​ഴി​ഞ്ഞ​ദി​വ​സം ഉ​ച്ച​യ്ക്ക് ഒ​ന്ന​ര​യോ​ടെ വാ​ളി​യ​റ​യ്ക്കു​സ​മീ​പം ക​ണ്ണേ​റ്റുന​ട​യി​ലാ​യിരുന്നു സംഭവം. ‎മോ​ഷ്ടാ​ക്ക​ൾ മാ​ല പൊ​ട്ടി​ക്കു​ന്ന​തി​നി​ടെ ക​ഴു​ത്തി​ൽ സാ​ര​മാ​യി മു​റി​വേ​റ്റ സ്മി​ത​യെ വെ​ള്ള​നാ​ട് ആ​ശു​പ​ത്രി​യി​ൽ ചി​കി​ത്സ​തേ​ടി. ക​ണ്ണേ​റ്റുന​ട​യി​ൽ പ്ര​വ​ർ​ത്തി​ക്കു​ന്ന അ​ക്ഷ​യ​കേ​ന്ദ്ര​ത്തി​ലെ ജീ​വ​ന​ക്കാ​രി​യാ​ണ് സ്മി​ത.
വീ​ട്ടി​ൽപോ​യി ഊ​ണു ക​ഴി​ഞ്ഞു സ്മി​ത ‎ജോ​ലി സ്ഥ​ല​ത്തേ​ക്ക് മ​ട​ങ്ങു​ന്ന​തി​നി​ട​യി​ൽ ക​ണ്ണേ​റ്റു​നട ജംഗ്ഷനു​സ​മീ​പ​ത്തെ ആ​ളൊ​ഴി​ഞ്ഞ ഭാ​ഗ​ത്തു​വ​ച്ച് ഹെ​ൽ​മെ​റ്റ് ധ​രി​ച്ച് ബൈ​ക്കി​ലെ​ത്തി​യ ര​ണ്ടു​പേ​ർ ബൈ​ക്ക് നി​ർ​ത്തി മൊ​ബൈ​ൽ കാ​ണി​ച്ച​ശേ​ഷം സ്ക്രീ​നി​ലു​ള്ള ഒ​രാ​ളെ അ​റി​യാ​മോ എ​ന്നു ചോ​ദി​ച്ചു. സ്മി​ത ഫോ​ൺ നോ​ക്കു​ന്ന​തി​നി​ട​യി​ൽ ക​ഴു​ത്തി​ൽ​ക്കി​ട​ന്ന മാ​ല ബൈ​ക്കി​ലെ​ത്തി​യ​വ​ർ വ​ലി​ച്ചു​പൊ​ട്ടി​ച്ചു. ശ​ക്ത​മാ​യി മാ​ല​വ​ലി​ച്ചെ​ടു​ത്ത​തി​നാ​ൽ സ്മി​ത​യു​ടെ ക​ഴു​ത്തി​ൽ ആ​ഴ​ത്തി​ൽ മു​റിവേ​റ്റു. ഇ​തി​നി​ടെ സ്മി​ത നി​ല​ത്തു വീ​ഴു​ക​യും ചെ​യ്തു. സ്മി​ത​യു​ടെ നി​ല​വി​ളി​കേ​ട്ട് നാ​ട്ടു​കാ​ർ ഓ​ടി​യെ​ത്തി​യ​പ്പോ​ൾ മോ​ഷ്ടാ​ക്ക​ൾ മാ​ല​യു​മാ​യി ക​ട​ന്നു. ഉ​ട​ൻ​ത​ന്നെ നാ​ട്ടു​കാ​ർ സ്‌​മി​ത​യെ വെ​ള്ള​നാ​ട് ആ​ശു​പ​ത്രി​യി​ലെ​ത്തി​ച്ചു. അ​രു​വി​ക്ക​ര പൊലിസ് കേസെടുത്തു.

Tags : Nattuvishesham DistrictNews DeepikaNews