30

വ​ലി​യ​തു​റ: വി​ദേ​ശ​ത്തു​നി​ന്നും ദ​മ്പ​തി​ക​ളു​ടെ കൈ​വ​ശം കൊ​ടു​ത്തു​വി​ട്ട സ്വ​ര്‍​ണം തി​രു​വ​ന​ന്ത​പു​രം വി​മാ​ന​ത്താ​വ​ള​ത്തി​നുപു​റ​ത്തുവ​ച്ച് ര​ണ്ടം​ഗ സം​ഘം ത​ട്ടി​യെ​ടു​ത്ത​താ​യി പ​രാ​തി.

ക​ഴി​ഞ്ഞ വെ​ള്ളിയാ​ഴ്ച പു​ല​ര്‍​ച്ചെ അഞ്ചോടെ ഷാ​ര്‍​ജ​യി​ല്‍ നി​ന്നും തി​രു​വ​ന​ന്ത​പു​രം വി​മാ​ന​ത്താ​വ​ള​ത്തി​ലെ​ത്തി​യ നെ​ടു​മ​ങ്ങാ​ട് സ്വ​ദേ​ശി​ക​ളാ​യ ദ​മ്പ​തി​മാർ വി​മാ​ന​ത്താ​വ​ള​ത്തി​നു പു​റ​ത്തെ​ത്തി​യ​പ്പോ​ള്‍ കാ​റി​ലെ​ത്തി​യ ര​ണ്ടം​ഗ സം​ഘം ഇവരെ പരിചയപ്പെടുകയായിരുന്നു. ത​ങ്ങ​ളു​ടെ ബ​ന്ധു ഷാ​ര്‍​ജ​യി​ല്‍ നി​ന്നും ഏ​ഴുപ​വ​ന്‍ തൂ​ക്കം വ​രു​ന്ന സ്വ​ര്‍​ണം ത​ന്ന​യ​ച്ചി​ട്ടു​ള്ളതാ​യി പ​റ​യു​ക​യും ത​ന്ന​യ​ച്ച സ്വ​ര്‍​ണം വാ​ങ്ങാ​നാ​ണ് ത​ങ്ങ​ള്‍ കാ​ത്തു​നി​ന്ന​തെ​ന്നും സംഘം ദ​മ്പ​തി​മാ​രെ വിശ്വസിപ്പിക്കുകയും ചെയ്തു. കൂടാ​തെ ദ​മ്പ​തി​മാ​രോ​ട് സ്വ​ര്‍​ണം പൊ​ട്ടി​ച്ചെ​ടു​ത്ത​വ​ര്‍ ത​ങ്ങ​ളും നെ​ടു​മ​ങ്ങാ​ട് ഭാ​ഗ​ത്തേ​യ്ക്കാ​ണ് പോ​കു​ന്ന​തെ​ന്നു പ​റ​ഞ്ഞു വി​ശ്വ​സി​പ്പി​ച്ച് കാ​റി​ല്‍ ക​യ​റ്റു​ക​യാ​യി​രു​ന്നു.

വാ​ഹ​നം പാ​ള​യം ഭാ​ഗ​ത്തെ ത്തി​യ​പ്പോ​ള്‍ നെ​ടു​മ​ങ്ങാ​ട് ഭാ​ഗ​ത്തേ​യ്ക്ക് പോ​കാ​തെ ക​ഴ​ക്കൂ​ട്ടം ഭാ​ഗ​ത്തേ​യ്ക്കു തി​രി​ഞ്ഞു​പോ​കു​ന്ന​ത് ശ്ര​ദ്ധ​യി​ല്‍​പെ​ട്ട​തി​നെ​തു​ട​ര്‍​ന്ന് ദ​മ്പ​തി​മാർ കാ​ര്‍ നി​ര്‍​ത്താ​ന്‍ ആ​വ​ശ്യ​പ്പെ​ട്ടെ​ങ്കി​ലും സ്വ​ര്‍​ണം പൊ​ട്ടി​ക്ക​ല്‍ സം​ഘം വാ​ക്ക് ത​ര്‍​ക്ക​ത്തി​ല്‍ ഏ​ര്‍​പ്പെ​ടു​ക​യും ദ​മ്പ​തി​മാ​രെ ഭീ​ഷ​ണി​പ്പെ​ടു​ത്തി ചേ​ര്‍​ത്ത​ല​യി​ലെ​ത്തി​ച്ച് വാ​ഹ​ന​ത്തി​ല്‍​വച്ചു സ്വ​ര്‍​ണം ത​ട്ടി​യെ​ടു​ത്തു വ​ഴി​യി​ല്‍ ഇ​റ​ക്കി​വി​ടു​ക​യാ​ണു​ണ്ടാ​യ​ത്.

ദ​മ്പ​തി​മാരുടെ കൈ​വ​ശം ഏ​ഴുപ​വ​ന്‍ സ്വ​ര്‍​ണം ഷാ​ര്‍​ജ​യി​ല്‍ നി​ന്നും കൊ​ടു​ത്തു​വി​ട്ട സു​ഹൃ​ത്തി​ല്‍നി​ന്നും മ​റ്റു പ​രി​ച​യ​ക്കാ​ര​ന്‍വ​ഴി കൃ​ത്യ​മാ​യ വി​വ​രം പൊ​ട്ടി​ക്ക​ല്‍ സം​ഘ​ത്തി​ന് ല​ഭി​ച്ചി​രു​ന്നു.

ദ​മ്പ​തി​മാ​രു​ടെ പേ​രും മ​റ്റു വി​വ​ര​ങ്ങ​ളും കൊ​ടു​ത്ത​യ​ച്ച സ്വ​ര്‍​ണ​ത്തി​ന്‍റെ അ​ള​വും പൊ​ട്ടി​ക്ക​ല്‍ സം​ഘം കൃ​ത്യ​മാ​യി ത​ന്നെ ദ​മ്പ​തി​മാ​രോ​ട് പ​റ​ഞ്ഞ​തു പൊ​ട്ടി​ക്ക​ല്‍ സം​ഘ​ത്തി​ന് കാ​ര്യ​ങ്ങ​ള്‍ വേ​ഗ​ത്തി​ലാ​ക്കാ​ന്‍ സ​ഹാ​യ​ക​മാ​യി. ഷാ​ര്‍​ജ​യി​ല്‍ നി​ന്നും സ്വ​ര്‍​ണം കൊ​ടു​ത്ത​യ​ച്ച സു​ഹൃ​ത്ത് ദ​മ്പ​തി​മാ​രോ​ടു തി​രു​വ​ന​ന്ത​പു​രം വി​മാ​ന​ത്താ​വ​ള​ത്തി​നു പു​റ​ത്ത് സ്വ​ര്‍​ണം വാ​ങ്ങാ​ന്‍ ആ​ള്‍ എ​ത്തു​മെ​ന്നും പ​റ​ഞ്ഞി​രു​ന്നു. എ​ന്നാ​ല്‍ യഥാർഥ വ്യക്തി‍ എ​ത്തു​ന്ന​തി​നു മു​മ്പുത​ന്നെ സ്വ​ര്‍​ണം പൊ​ട്ടി​ക്ക​ല്‍ സം​ഘം ദ​മ്പ​തി​മാ​രെ സ​മീ​പി​ക്കുകയായി രുന്നു.

സം​ഭ​വ​ത്തി​നുശേ​ഷം ചേ​ര്‍​ത്ത​ല​യി​ല്‍ നി​ന്നും തി​രു​വ​ന​ന്ത​പു​രം വ​ലി​യ​തു​റ പൊലിസ് സ്റ്റേ​ഷ​നി​ലെ​ത്തി ദ​മ്പ​തി​മാ​ര്‍ പ​രാ​തി ന​ല്‍​കി​യ​പ്പോ​ഴാ​ണ് സം​ഭ​വം പു​റംലോ​കം അ​റി​യുന്ന​ത്. പ​രാ​തി​യി​ല്‍ കേ​സെ​ടു​ത്ത പൊ ലിസ് അ​ന്വേ​ഷ​ണം ഊ​ര്‍​ജി​ത​മാ​ക്കി​യ​താ​യി അ​റി​യി​ച്ചു.

Tags : Nattuvishesham DistrictNews DeepikaNews