അമ്പലപ്പുഴ: അമ്പലപ്പുഴ തെക്ക് പഞ്ചായത്ത് ഭിന്നശേഷി കലാമേള സംഘടിപ്പിച്ചു. പഞ്ചായത്ത് പരിധിയിലുള്ള ശാരീരിക മാനസിക വെല്ലുവിളികൾ നേരിടുന്ന കുട്ടികളുടെ കലാമേളയാണ് സർഗോത്സവം എന്ന പേരിൽ നടന്നത്. അമ്പലപ്പുഴ ഗവ. എൽപി സ്കൂൾ ഓഡിറ്റോറിയത്തിൽ നടന്ന കലാമേള പഞ്ചായത്ത് പ്രസിഡന്റ് കെ. കവിത ഉദ്ഘാടനം ചെയ്തു.
വൈസ് പ്രസിഡന്റ് ഗീത അധ്യക്ഷത വഹിച്ചു. സ്റ്റാൻഡിംഗ് കമ്മിറ്റി അധ്യക്ഷരായ സുരേഷ് ബാബു, ബിന്ദു ബൈജു, ബ്ലോക്ക് പഞ്ചായത്തംഗങ്ങളായ എ. ഓമനക്കുട്ടൻ, സിനിയ ഷിഹാബ്, അനിൽ പാഞ്ചജന്യം, പഞ്ചായത്തംഗങ്ങളായ സിന്ധു മനോജ്, എ.ആർ. ഹരികൃഷ്ണൻ, ശ്രീലേഖ, പ്രദീപ് കുമാർ, കെ. മനോജ് കുമാർ, സ്നേജിത രതീഷ് എന്നിവർ പ്രസംഗിച്ചു.