കൊ​ല്ലം : പ​ന​യം ഗ്രാ​മ​പ​ഞ്ചാ​യ​ത്തി​ല്‍ വി​ധ​വ​ക​ള്‍​ക്ക് സ്വ​യം​തൊ​ഴി​ലി​ലൂ​ടെ വ​രു​മാ​നം ക​ണ്ടെ​ത്തു​ന്ന​തി​നും സാ​മ്പ​ത്തി​ക സ്വ​യം​പ​ര്യാ​പ്ത​ത ഉ​റ​പ്പാ​ക്കു​ന്ന​തി​നു​മാ​യി സം​സ്ഥാ​ന പൗ​ള്‍​ട്രി വി​ക​സ​ന കോ​ര്‍​പറേ​ഷ​ന്‍റെ (കെ​പ്‌​കോ) സ​ഹ​ക​ര​ണ​ത്തോ​ടെ ന​ട​പ്പാ​ക്കു​ന്ന ‘വി​ധ​വ​ക​ള്‍​ക്ക് ഒ​രു കൈ​ത്താ​ങ്ങ്' പ​ദ്ധ​തി​ക്ക് തു​ട​ക്ക​മാ​യി.

പ​ന​യം പ​ഞ്ചാ​യ​ത്തി​ല്‍ ന​ട​ന്ന ച​ട​ങ്ങ് മ​ന്ത്രി ബി​ന്ദു കൃ​ഷ്ണ ഉ​ദ്ഘാ​ട​നം ചെ​യ്തു. പ​ഞ്ചാ​യ​ത്ത് പ്ര​സി​ഡ​ന്‍റ് വി​നി​ത വി​ജ​യ​ന്‍ അ​ധ്യ​ക്ഷ​ത വ​ഹി​ച്ചു.
വി​ധ​വ​ക​ള്‍​ക്ക് അ​ധി​ക വ​രു​മാ​നം ക​ണ്ടെ​ത്തു​ന്ന​തി​നു​ള്ള അ​വ​സ​ര​മാ​ണ് പ​ദ്ധ​തി​യി​ലൂ​ടെ ല​ക്ഷ്യ​മി​ടു​ന്ന​തെ​ന്നും ല​ഭി​ക്കു​ന്ന ആ​നു​കൂ​ല്യ​ങ്ങ​ള്‍ പ​ര​മാ​വ​ധി പ്ര​യോ​ജ​ന​പ്പെ​ടു​ത്ത​ണ​മെ​ന്നും മ​ന്ത്രി പ​റ​ഞ്ഞു. നാ​ടിന്‍റെ വി​ക​സ​ന​ത്തി​നാ​യി കൂ​ടു​ത​ല്‍ പ​ദ്ധ​തി​ക​ള്‍ ന​ട​പ്പാ​ക്കാ​നു​ള്ള ശ്ര​മ​ങ്ങ​ള്‍ തു​ട​രു​ക​യാ​ണെ​ന്നും മ​ന്ത്രി കൂ​ട്ടി​ച്ചേ​ര്‍​ത്തു.

കെ​പ്‌​കോ​യു​ടെ ആ​ശ്ര​യ പ​ദ്ധ​തി​യു​ടെ ഭാ​ഗ​മാ​യി ഗു​ണ​ഭോ​ക്താ​ക്ക​ള്‍​ക്ക് 10 മു​ട്ട​ക്കോ​ഴി​ക​ള്‍, മൂ​ന്ന് കി​ലോ​ഗ്രാം കോ​ഴി​ത്തീ​റ്റ, മ​രു​ന്നു​ക​ള്‍ എ​ന്നി​വ സൗ​ജ​ന്യ​മാ​യി ന​ല്‍​കും. പ​ഞ്ചാ​യ​ത്ത്, ഐസിഡിഎ​സ് സം​വി​ധാ​ന​ങ്ങ​ള്‍ വ​ഴി​യാ​ണ് ഗു​ണ​ഭോ​ക്താ​ക്ക​ളെ ക​ണ്ടെ​ത്തു​ന്ന​ത്. പ​ന​യം​പ​ഞ്ചാ​യ​ത്തി​ല്‍ 1,252 ഗു​ണ​ഭോ​ക്താ​ക്ക​ള്‍​ക്കാ​ണ് പ​ദ്ധ​തി​യു​ടെ ആ​നു​കൂ​ല്യം ല​ഭി​ക്കു​ക. ഒ​രാ​ള്‍​ക്ക് 1,700 രൂ​പ​യു​ടെ ആ​നു​കൂ​ല്യം ല​ഭി​ക്കു​ന്ന പ​ദ്ധ​തി​യി​ലൂ​ടെ പ​ഞ്ചാ​യ​ത്തി​ല്‍ ആ​കെ 21 ല​ക്ഷ​ത്തി​ല​ധി​കം രൂ​പ​യു​ടെ സ​ഹാ​യ​മാ​ണ് വി​ത​ര​ണം ചെ​യ്യു​ന്ന​ത്.

കെ​പ്‌​കോ മാ​നേ​ജിം​ഗ് ഡ​യ​റ​ക്ട​ര്‍ കെ.​എ​ന്‍ നൗ​ഷാ​ദ​ലി, പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് ഷീ​ലാ​കു​മാ​രി, ജ​ന​പ്ര​തി​നി​ധി​ക​ള്‍, കെ​പ്‌​കോ ഭാ​ര​വാ​ഹി​ക​ള്‍, രാ​ഷ്്‌ട്രീയ സാ​മൂ​ഹി​ക നേ​താ​ക്ക​ള്‍ തു​ട​ങ്ങി​യ​വ​ര്‍ പ​ങ്കെ​ടു​ത്തു.

Tags :