കോടഞ്ചേരി സെന്റ് മേരീസ് ഫൊറോന വികാരി ഫാ. ജോൺ ഒറവുങ്കര ഉദ്ഘാടനം ചെയ്യുന്നു.
കോടഞ്ചേരി:കത്തോലിക്ക കോൺഗ്രസിന്റെ കോടഞ്ചേരി യൂണിറ്റ് കല്ലുരുട്ടിയിലെ എസ്എംഎ ബാധിതരായ മൂന്നു കുട്ടികളുടെ ഭീമമായ ചികിത്സാ ചെലവ് കണ്ടെത്താന് ബിരിയാണി ചലഞ്ച് സംഘടിപ്പിച്ചു.
പാരിഷ് ഹാളിൽ നടന്ന ചലഞ്ച് കോടഞ്ചേരി സെന്റ് മേരീസ് ഫൊറോന വികാരി ഫാ. ജോൺ ഒറവുങ്കര ആദ്യ ബിരിയാണി നൽകി ഉദ്ഘാടനം ചെയ്തു.
2,500 ബിരിയാണിയാണ്ബുക്കിംഗിലൂടെ ഓർഡർ എടുത്തു വിതരണം ചെയ്തത്.കേരളം മുഴുവൻ 50 ദിവസം കൊണ്ട് 50 കോടി സമാഹരിക്കാനുള്ള യത്നത്തിൽ കത്തോലിക്ക കോൺഗ്രസ് പങ്കാളികളായെന്നത് സംഘടനക്ക് വളരെ ഏറെ ചരിതാർഥ്യം നൽകുന്നുവെന്ന് പ്രസിഡന്റ് ഷാജു കരിമഠത്തിൽ അഭിപ്രായപ്പെട്ടു.കത്തോലിക്ക കോൺഗ്രസ് ഭാരവാഹികളായ ബിബിൻ കുന്നത്ത്, ഷില്ലി സെബാസ്റ്റ്യൻ കരേക്കുടിയിൽ, ജോസ് മലേകുന്നേൽ, തങ്കച്ചൻ ആയത്തു പാടത്ത്, ജോസഫ് നടുവിലെടത്ത്, ഷിജി അവന്നൂർ,ജെയിംസ് വെട്ടുകല്ലുമ്പുറത്ത്, ജോജോ പള്ളിക്കാമഠത്തിൽ, അനീഷ് ചക്കാലയിൽ, ജസ്റ്റിൻ തറപ്പേൽ എന്നിവർ പരിപാടിക്ക് നേതൃത്വം നൽകി.അസി.വികാരിമാരായ ഫാ. ജെറാൾഡ് പല്ലാട്ട്, ഫാ. എബിൻ കുറൂർ മാതൃവേദി, കെസിവൈഎം പ്രവർത്തകരും സൺഡേ സ്കൂൾ വിദ്യാര്ഥികളും പങ്കെടുത്തു.
Tags : Medical Expenses