സനീഷ്കുമാർ ജോസഫ് എംഎൽഎയ്ക്ക് പൂലാനി കുട്ടി ലൈബ്രറി അംഗങ്ങൾ നിവേദനം നൽകുന്നു.
മേലൂർ: പൂലാനി നവമാറ്റൊലി കുട്ടിലൈബ്രറിയുടെ നേതൃത്വത്തിൽ കുട്ടികളിൽ പത്രവായന പ്രോത്സാഹിപ്പിക്കുന്നതിനായി നടത്തി വരുന്ന ഓൺലൈൻ വാർത്താ അവതരണ പരിപാടിയായ ‘ഇന്നത്തെ പ്രധാന വാർത്തകൾ’ ഒരു വർഷം പൂർത്തിയാക്കിയതിന്റെ ഭാഗമായി കുഞ്ഞു വാർത്താ അവതാരകരും രക്ഷിതാക്കളും വിദ്യാഭ്യാസമന്ത്രിയെ നേരിട്ട് കാണുന്നതിനുള്ള അവസരമൊരുക്കണമെന്നാവശ്യപ്പെട്ട് സനീഷ്കുമാർ ജോസഫ് എംഎൽഎയ്ക്ക് നിവേദനം നൽകി.
കുട്ടികളിലെ വായനാശീലം വളർത്തുന്നതിനൊപ്പം വാർത്തകൾ അവതരിപ്പിക്കുന്നതിനുള്ള ആത്മവിശ്വാസവും പൊതുവിജ്ഞാനവും വർധിപ്പിക്കുകയാണ് പരിപാടി ലക്ഷ്യമിടുന്നത്.
പരിപാടിയുടെ മാതൃക കേരളത്തിലെ മുഴുവൻ വിദ്യാലയങ്ങളിലും ഓഫ്ലൈൻ രീതിയിൽ നടപ്പാക്കുന്നതിന് വിദ്യാഭ്യാസമന്ത്രിയോട് അഭ്യർഥിക്കാനാണ് കുട്ടികൾ മന്ത്രിയെ നേരിട്ട് കാണാൻ അവസരം തേടുന്നതെന്ന് ലൈബ്രറി രക്ഷാധികാരി ടി.എസ്. മനോജ്, പ്രസിഡന്റ്് പി.എസ്. റിതിക, സെക്രട്ടറി കെ. ആയുഷ് എന്നിവർ പറഞ്ഞു.
Tags : NattuVishesham DistrictNews