അതിരമ്പുഴ: പഠിച്ച സ്കൂളിൽ അരനൂറ്റാണ്ടിനു ശേഷം വീണ്ടും ഒത്തുകൂടിയ സഹപാഠികൾ ഓർമകൾ പങ്കുവച്ചു. അതിരമ്പുഴ സെന്റ് അലോഷ്യസ് ഹയർ സെക്കൻഡറി സ്കൂളിലെ 1976 എസ്എസ്എൽസി ബാച്ചിലെ വിദ്യാർഥികളാണ് സ്കൂളിൽ ഒരുമിച്ചു കൂടിയത്.
സ്കൂൾ ഓഡിറ്റോറിയത്തിൽ നടത്തിയ സുവർണ ജൂബിലി ആഘോഷവും കുടുംബ സംഗമവും സ്കൂൾ മാനേജരും സെന്റ് മേരീസ് ഫൊറോനാ പള്ളി വികാരിയുമായ ഫാ. മാത്യു പടിഞ്ഞാറേക്കുറ്റ് ഉദ്ഘാടനം ചെയ്തു.
പൂർവ വിദ്യാർഥി കൂട്ടായ്മ പ്രസിഡന്റ് അഡ്വ. കെ.എ. ജോർജുകുട്ടി അധ്യക്ഷത വഹിച്ചു. മാധ്യമപ്രവർത്തകരായ ജോണി ലൂക്കോസ്, സാബു തോമസ്, കേരള-കേന്ദ്ര സാഹിത്യ അക്കാദമി അവാർഡ് ജേതാവ് കെ.ബി. പ്രസന്നകുമാർ, സ്കൂൾ പ്രിൻസിപ്പൽ ബിനു ജോൺ, കൂട്ടായ്മ സെക്രട്ടറി എ.ജെ. സണ്ണി, സിബി പേമലയിൽ, അനിൽ സക്കറിയ തുടങ്ങിയവർ പ്രസംഗിച്ചു.
Tags : nattu vishesham Classmates reunite